رواية الفرعونه الصغيره
بقلم إيمي
Emy Boss
الجزء الثالث
تاني يوم
الكل صحي كالعاده وجهزت عبير البنات يروحوا المدرسه
وفطروا ومشيوا
وسامي اكل ومشي على شغله قبل البنات
عبير لفرعونه : انا قولت لابوكي انك مش هتروحي تاني الورشه دي
مش عاوزين مشاكل تاني
فرعونه ما اهتمت بكلامها ومشيت
عبير : ربنا يهديكي
راحوا البنات على مدرستهم
لكن فرعونه راحت علي الورشه
فرعونه : السلام عليكم عمي عماد
عمي عماد : وعليكم السلام
اهلا يا بنتي
هغير هدومي واجيلك
عمي عماد باستغراب : هتغيري
فرعونه : هلبس بس هدوم قديمه على هدومي
عمي عماد : بس ده شكله لبس مدرسه
انتي هربانه من المدرسه
فرعونه : مدرسه ايه
الساعه ١٠
وبعدين انا في سنه تالته ثانوي
متخافش
مش بيدققوا على الغياب
اهم حاجه احضر الورشه بس
عمي عماد : وانتي قسم ايه يا بنتي
فرعونه : قسم كهربا
عمي عماد : وشاطره بقى في القسم ده
فرعونه : كنت الأولى دايما
عمي عماد : كده بدايه حلوه
لأنك هتبقى فاهمه في الكهربا
فرعونه : جربني وهتلاقيني شاطره
عمي عماد : خلينا نشوف
ادخلي البسي على هدومك
اوعي تغيري حاجه
فرعونه : حاضر
دخلت فرعونه لبست وخرجت
لقت عمي عماد واقف بيشوف عربيه ليصلحها
وقفت فرعونه جمبه علشان تفهم بيشوف ايه
وفجأه
لقت حد مسكها من حجابها بشعرها من الخلف
وبدأ يسحبها
تفاجأت فرعونه وعمي عماد وأصحاب العربيه
عمي عماد : في ايه
شيل ايدك عنها
بدأ كل اللي واقفين يتدخلوا علشان يسيب فرعونه
سامي بغضب : دي بنتي
ونظر لعماد بغضب
وانت حسابك معايا بعدين
فرعونه كانت بتحاول تخلص نفسها من ايد سامي
لكن كانت قوة سامي أقوى من قوتها
سامي : انت راجل مش محترم
ازاي تخلي بنت تشتغل الشغلانه دي
عمي عماد بهدوء : سيب البنت الأول وبعدين نتكلم
سامي بغضب : قولتلك بنتي
وانا حر
حتى لو هموتها
متتدخلش
عمي عماد بهدوء : شكلك راجل محترم
وده مكان اكل عيشي
مينفعش اللي بتقوله
سيب فرعونه
هنتكلم بهدوء
عمر العصبيه دي
ما هتحل المشكله
همشي الزبون بس ونقعد نتكلم
وحاول عمي عماد يفك فرعونه من ايد سامي
كانت مريم وصلت الورشه
جايبه الفطار لعمي عماد وفرعونه
مريم بغضب : شيل ايدك عن البنت
ينفع اللي بتعمله ده في الشارع كده
وقدام الناس
سامي أحرج من مريم وساب فرعونه
أخدت مريم فرعونه في حضنها وبدأت تهديها
وعمي عماد أخد العربيه من الزبون
والزبون مشي
عماد : بيتي هناك اهو
خلونا نروح هناك ونتكلم
مينفعش في الشارع كده
سامي ينظر لفرعونه نظرة غضب
ومريم أخدت فرعونه وتبعهم سامي وعماد
دخلوا بيت عماد
عمي عماد : اتفضلوا
دخل الكل
سامي بغضب : انتي ازاي تكسري كلمتي
انا قولت مفيش شغل يعني مفيش شغل
انتي فاكره لما تدخلي من شوارع ضيقه مش هلحقك واعرف طريقك
لفيت على كل الورش لحد ما لقيتك
وهموتك بأيدي النهارده
وحاول يمسك فرعونه ليضربها
عمي عماد ومريم حاولوا يبعدوا سامي عن فرعونه
لكن سامي كان ماسك فرعونه باحكام
عمي عماد :قولتلك نتكلم بهدوء ونتفاهم
سامي : انت تسكت خالص
قولتلك بنتي وهموتها
وانت متدخلش
بدأ سامي يضرب فرعونه
فرعونه بنظرة غضب : ابعد عني
أنت مش ابويا اصلا
ولا انا بنتك لتتحكم فيا
وفي اللحظه دي
ساد الصمت في المكان كله
عمي عماد باستغراب : تقصدي ايه انه مش ابوكي
( ونظر لسامي ) يعني دي مش بنتك
سامي بكسره : وقدرتي تنطقيها
فرعونه وهي تنظر لعيون سامي : ايوه
لان دي الحقيقه
لا انت ابويا
ولا انا بنتك
اتصدم سامي من كلام فرعونه
وبدأت دموع القهر تنزل من عيون سامي
سامي بغضب : لا بنتي
وغصب عنك بنتي
وهتفضلي بنتي لحد آخر يوم في عمري
عمي عماد لفرعونه : هو ابوكي ولا لا
فرعونه بغضب : لا مش ابويا
لان
انا
لقيطه
سامي بغضب صفع فرعونه على وشها
سامي والدموع بعينه : عمرك ما كنتي لقيطه
ومفيش ولا بنت عندي لقيطه
فرعونه : انكارك مش هيغير الحقيقه
عمي عماد : سيب فرعونه
وخلينا نتكلم بهدوء
وشاور لمريم تاخد فرعونه بعيد عن سامي
بدأ سامي يستجمع أفكاره مره تانيه
الكل قعد وبدأت مريم تهدي فرعونه
سامي بهدوء والدموع بعينيه : خلينا نفكر بهدوء
البنت اللقيطه دي اللي بنلاقيها مولوده لسه
يعني أهلها استغنوا عنها اول ما اتولدت
وكمان بيبقوا احيانا مخطوفين من اهلهم
لكن انتي
انا لقيتك وانتي عندك تلات سنين
يعني اهلك ربوكي وكبرتي معاهم
انتي بس اللي ضيعتي منهم
فرعونه بغضب : لو كلامك حقيقي
بقالي ١٥ سنه ضايعه
ليه محاولوش يدوروا عليا
عمي عماد : مفيش اهل بيضيع منهم طفل وبيرتاحوا
اكيد بيدورا عليكي
بس ربنا مش كاتب انكم تلتقوا
وفي الوقت المناسب هتلاقيهم
فرعونه بغضب : اذا كانوا اهلي الحقيقين رموني
عاوزني ازاي اثق في اي حد غيرهم
سامي والدموع بعينه : بس انا مش اي حد
انا اخدتك وربيتك معايا
عيشنا على الحلوه والمره سوا
عمري ما اتخليت عنك
وكنت في ضهرك لما حد يضايقك
ولو حتى لقيتي اهلك
عمري ما هتنازل عنك بسهوله
يمكن مش من دمي
لكن عمري ما رميتك ولا استغنيت عنك
حافظت عليكي وعلى اخواتك بعيوني
اشتغلت ليل نهار
وعلى قد ما ربنا قدرني ربيتكم
علشان ما نمد ايدينا لحد
مريم : ماينفعش يا فرعونه اللي بتقوليه ده
هو في مقام ابوكي
الأب اللي بيربي
مش اللي بيخلف الأولاد
فرعونه : بس انا مشفتش منه غير القسوه
الوحيده في اخواتي اللي بتضربها
الوحيده لو طلبت حاجه مستحيل تنفذها
سامي بصراخ : لأنك دايما بتطلبي حاجات غلط
عاوزه تسوقي عجله
عاوزه تلبسي بناطيل ولبس صبياني
عاوزه تقلعي الحجاب
عاوزه تتعلمي سواقة العربيه
وآخر حاجه عاوزه تشتغلي في ورشه
عنادك في الغلط
دي كلها حاجات مفيش اب يقبلها على بنته
ونظر لعمي عماد
أنت يا حاج اكيد ضربت حد من ولادك
عمي عماد : عمري ما مديت ايدي على حد من عيالي
سامي : مفيش اب مضربش حد من ولاده
عمي عماد بابتسامه قهر : انا
لان انا معنديش اولاد
سامي بدأ يستجمع أفكاره : تمام
ترضى لو عندك بنتك تشتغل في ورشة ميكانيكا
عمي عماد : الفكره مش أرضى او لا
انا وافقت على أنها تشتغل معايا
لاني حسيت انها محتاجه شغل
بدل ما تعمل حاجه حرام قولت اساعدها
وهتبقى تحت عيني
عمري ما هخلي حد يقرب عليها
لا تنسوا تدعموني بالتصويت
انتظروني
أنت تقرأ
الفرعونه الصغيره
Misterio / Suspensoفتاه صغيره ضاعت من أهلها وهي صغيره لتواجه الحياه مع الكثير من التنمر ليكسبها قوه تستطيع التفوق وتحقيق احلامها لتقابل فتى كانت تظن انه يتنمر عليها لكنه في الحقيقه كان يحميها وحينما تكبر ترفض الارتباط به ليبدأ رحلة إقناعها في الارتباط به لكن تأتي الر...
