الفرعونه الصغيره

٣٤ _ الحلقه الاخيره

رواية الفرعونه الصغيره
بقلم إيمي
Emy Boss
الجزء الرابع والثلاثون
سالي : أحمد أكتر انسان اتظلم فينا
أحمد : مفيش داعي للكلام
خلينا نمشي سالي
سالي : ابعد كده
مش همشي
غير لما اخرج كل اللي عندي
أحمد : انا ماشي
مسكته سالي
سالي بغضب : الإنسان ده
اللي حضرتك عاوزه تقطعي علاقتك بيه
حبس نفسه شهر في بيته
لحد ما وصل للي اخترق حسابك وسرب صورك
وراح ضربه في بيته
واخده للشرطه
وفضل وراه لما اخد ١٠ سنين حبس
وأعلن براءتك قدام الناس كلها
الإنسان ده
رفض يتجوز ويبدأ حياته تاني
رغم ان الكل كان بيطلب منه يتجوز
حتى اهلك
لان الكل اعتقد فعلا انك موتي
لكن هو كان مصمم انك لسه عايشه
وفضل يدور عليكي
الانسان ده
اشتغل وتعب علشان لما ترجعي يخليكي ملكه
ملكه على رأس كل واحد قال عليكي كلمه
وتكوني احسن منهم كلهم
الإنسان ده
لسه عايش في نفس الشقه
منتظر رجوعك رغم انه يقدر يعيش في أحسن مكان في مصر
وكمان اي
هي اللي بينضف شقته
تعرفي ليه
علشان لما ترجعي تلاقي الشقه زي ما سبتيها
بأدق تفاصيلها
هو ده الإنسان اللي انتي مش قادره تسامحيه
ونظرت سالي لأحمد : خلصت اللي عندي
خلينا نرجع مصر
لان مش مستهله نقعد هنا علشان حد
وهما خارجين لقوا الباب بيخبط
فتح أحمد : لقى الطفل آدم اللي قابله في الطياره ( ملك الشطرنج )
آدم باستغراب : انت
بتعمل اي عندنا
ونظر لفرعونه : مين دول يا ماما
أحمد باستغراب : ماما
ونظر لفرعونه : ماما
فرعونه بارتباك : تعال يا آدم
أحمد : أظن من حقي التوضيح
فرعونه : اطلع فوق مع اخواتك
آدم : حاضر يا ماما
سالي : انا حاسه اننا في فيلم هندي
أحمد ما زال ينظر لفرعونه باستغراب
فرعونه بارتباك : انا عارفه ان الموضوع صعب يتفهم
بس آدم ابنك
أحمد : نعم
يعني مين بالضبط ابني
ولا انتي فعلا اتجوزتي
فرعونه : لا لا لا لا
انا بس حاله نادره
كنت حامل في اكتر من طفل
لكن والله كلهم منك
محدش لمسني غيرك
وكلهم اتولدوا في نفس الساعه
أحمد : طيب خلاص كده
ولا بعد شويه هلاقي طفل بيقول يا ماما تاني
فرعونه : لا لا لا
هما الاربعه بس
عبير وسالي
ويوسف وآدم
وواضح انك قابلت الكل
أحمد : اساسا آدم اللي وصلني ليكي
لأنه بيشبه ابن اخويا اللي مات
ولولا اني قابلته بالطياره
كنت هفضل ادور عليكي في مصر
لان عمري ما توقعت انك سيبتي مصر
ونظر لفرعونه : اتمنى انك تفكري تاني
ونظر لسالي : خلينا نمشي
واخد سالي ومشيوا
تاني يوم قرر أحمد وسالي يرجعوا مصر
لان شغلهم كان متوقف
(وصلوا مصر)
وحكوا لمايكل على كل اللي حصل
مايكل : سألت عليا
سالي : ولا سالت علي حد
انا اللي كنت بحكي اجباري
وهيا مش عاوزه تسمع
مايكل : المهم ان عرفنا طريقها
قرار رجوعها هيفضل اختيارها
الكل يبدأ حياته من جديد
(ونظر لسالي)
انتي بقي عندك ٣٢ سنه
كفايه كده عليكي
شوفي حياتك
ووافقي على العريس اللي جايلك
انا مش محتاج حاجه من الشركه بتاعت بابا
وعلى كلامكم فرعونه مش هتحتاج حاجه
كلها هتبقى ملكك بعد عمر طويل لبابا
تقدري تديرها انتي وجوزك بعدين
ونظر لأحمد : وانت ابدأ شوف حياتك
كان همك تلاقيها
ولقيتها
وكفايه اللي ضاع من عمرك
ابدأ من جديد
أحمد : جديد اي
انا عندي اربع عيال
كفايه كده
هكبر الشركه وكفايه عليا كده
سالي : قررتوا تقولوا لبابا
مايكل : لا
لان هيبقا عاوز يشوفها
هنجيبها ازاي
وممكن يزعل اكتر لما يعرف انها مش عاوزه ترجع
أحمد : لا
لازم نطمن قلبه
ونقوله مثلا ان مدارس العيال
ومش هتعرف تنزل
مايكل : ونفترض انه طلب يكلمها
نقوله اي
سالي : اهدوا كده
بابا صوته عالي ليه
الكل بدأ يسمع
وراحوا بسرعه على غرفته
لقوه بيكلم فرعونه
انتظروا لما خلص المكالمه
سالي : في اي يا بابا
الأب : فرعونه كلمتني
اخيرا كلمتني
واطمنت عليها
وقالت ان سالي واحمد لقوها
بس محدش منكم حكالي ليه
أحمد نظر لسالي
سالي بارتباك : لان كنا عاوزين نعملها مفاجأه ليك يابابا
اي رأيك في المفاجأه دي
الأب : احلى مفاجأه
كده اموت وانا مرتاح
الكل : بعد الشر عليك يا بابا.
الأب : اتصلوا على عماد وسامي وطمنوهم
مايكل : حاضر هتصل اطمنهم
أحمد : هي قالتلك هتيجي امتي
الأب : قالت ان الاولاد في الدراسه ومش هتعرف تجيبهم او تسيبهم لحد
لما السنه الدراسيه تخلص هتيجي
سالي : هي قالتلك كده
الأب : ليه
هي اتفقت معاكم على حاجه غير كده
أحمد : لا لا هي قالت لينا كده
الأب : انت سيبتها هي والعيال لوحدهم ليه
كنت المفروض تقعد معاهم
أحمد ارتباك : هخلص بس شوية شغل وهسافر لهم
الأب : تمام
بس بسرعه
كفايه اللي راح من عمركم
عوضوا السنين اللي فاتت بقي
أحمد : حاضر هسافر في أقرب وقت
مايكل : في خبر تاني حلو
الأب : اي هو
مايكل : سالي وافقت عي العريس
سالي باستغراب : انا وافقت
امتى
مايكل نظر لوالدها وليها : عندك اعتراض
سالي بارتباك : لا خلاص وافقت
الأب : اخيرا
هيرجع الفرح لبيتنا
كنت اتمنى امكم كانت عايشه
وشافت كل افراحنا
بس اكيد هي حاسه بينا.
مايكل : طبعا يابابا حاسه بينا
ارتاح انت بس
واحنا هنظبط كل حاجه
واحنا هنخرج دلوقتي
ولو احتجت حاجه بلغنا
خرج الكل وكان عندهم امل ان فعلا فرعونه ترجع مصر
واتحدد فرح سالي بسرعه
واخيرا اتجمعت العيله بسعاده
بعد ما سيطر الحزن عليهم سنين
لكن كان أحمد فرحته مش كامله
لأنه كان وحيد بين كل الموجودين
رغم ابتسامته
لكن حزن قلبه كان واضح بعيونه
بس مره واحده لقوا انوار القاعه انطفأت
استغرب الكل
وبدأ الكل يتسائل : في اي
ولقوا شموع داخله القاعه
والكل فهم انها فقره للعروسين
بس سالي استغربت
لان الفقره دي مش محددينها
بس كانت مفاجأه احلي
كانوا اولاد فرعونه هما اللي ماسكين الشموع وداخلين القاعه
أحمد وسالي عرفوهم بسرعه
لكن الباقي مكنش حد يعرفهم من قبل
بدأت البسمه تترسم على وش احمد وسالي
لكن الكل كان لسه في زهول
وهنا ظهرت فرعونه خلف الاولاد
واستغرب الكل من وجودها
لان مكنش حد متوقع حضورها
بس هيا قررت انها ترجع
ودخلت مع اغنية
(اختي حبيبتي )
وبقي الفرح فرحين
بس أحمد مكنش مصدق وصول فرعونه
اتجمع كل الاهل والأصدقاء ليسلموا على فرعونه
واحمد ما زال في حالة زهول
لحد ما لقى يوسف بيدوس على رجله
يوسف : انا سامحتك غصب عني
بس انتبه
لو شفت دمعه نزلت من ماما تاني بسببك
أنت عارف انا هعمل اي
أحمد بابتسامه : عارف
هتكون قاتل لأول مره
وبسرعه شاله وحضنه
ويوسف كان بيقاوم أحمد
لحد ما استسلم لابوه
وراحوا جمب فرعونه
آدم نظر له : كده عرفت السبب
ليه بشبه ابن اخوك
أحمد بابتسامه خفيفه : طبعا لأنك ابن ابوك
آدم : تعرف اني السبب في اننا رجعنا مصر
أحمد باستغراب : ازاي
آدم : فاكر لما حكيت لي انك بتدور على مراتك بقالك سنين
انا حكيت لماما
وده اللي خلي يوسف وماما يسامحوك
أحمد : فعلا عبقري
ابن ابوك
أحمد : لما تقدر تهزمني
هكون فعلا ابن ابوه
غير كده
انا آدم المصري
أحمد : اسمك آدم أحمد.
آدم : نبقى نشوف الموضوع ده بعدين
وهنا تقربت فرعونه من أحمد
فرعونه : انا عيشت حياتي كلها بعيد عن اهلي
ومش عاوزه ولادي يحسوا بنفس احساسي
لان مال الدنيا كلها ما يسوي
يوم واحد وانا معاكم
أحمد : وانا الدنيا كلها ما تسوي
وانتي وولادي بعيد عني
عبير الصغيره : بابا
شكرا على الهدايا
أحمد : بنتي الذكيه
عرفتي ان الهدايا مني
عبير : طبعا
لان نفس باربي اللي كنت عاوزه اجيبها لقريبتك
أحمد : قريبتي دي اسمها ماريان
وتكون بنت خالك مايكل
فرعونه : انا شفت بنات مايكل
متوقعتش يسمى بناته الاتنين على اسمي
مريم وماريان
أحمد : وفرعونه
ماريان دي فرعونه بالضبط زيك
الكل : ههههههههه
فرعونه : اسمي دلوقتي نارين
أحمد : يا عيني عليك يا مايكل
لسه هتسمي نارين
مايكل : لالالالا كفايه كده
الكل : ههههههههههه ههههههههههه ههههههههههه
كان رجوع فرعونه فرحة للجميع
وانتهت قصتنا
بس لسه رحلتنا شغاله
# اذا ابتلاك ربنا بحاجه احمده
لأنه اختبرك باللي تقدر تتحمله
# كذاب اللي يقول مرتاح في الدنيا
لان لو كملت خاف منها
# حاول تسرق من يومك ساعات فرحك
قبل ما تسرق منك عمرك
# حاولوا تتفهّموا شريك حياتكم
لان الحياه مش أوامر وبس
# اوعي تعامل شريك حياتك كأنه ند ليك
لأن الرحمه والموده هي اساس البيوت
# الرجوله مش انك تأمر وتنهي
الرجوله انك تقدر تبني بيت متكامل وتحافظ عليه
# حاول تلتمس لشريك حياتك العذر
فكلنا بشر ولسنا ملائكه
# احيانا بعض التنازلات تكون من عوامل بناء البيت
فلا تعاند حتى لا يخرب بيتك
# وأخيرا قصة المرأه والكهف
فوصف الناس اللي قابلتهم هم يأجوج ومأجوج
حبيت أضيف معلومه ياريت تعجبكم
اتمنى تكون اعجبتكم روايتي
لا تنسوا الإعجاب بالروايه
واتطلع الي سماع رأيكم بها
سواء بالايجاب او السلب
وان تابعوني ليصلكم كل جديد