رواية الفرعونه الصغيره
بقلم إيمي
Emy Boss
الجزء الثالث والعشرون
عدت الأيام
تفوقت فرعونه دايما في دراستها
وكانت دايما الاولى على دفعتها
لان شغلها مع عمها عماد ساعدها في فهم حاجات كتير
حتى الدكاتره بقوا ينادوها فرعونه بسبب قدراتها وذكائها
وقدر أحمد يسجل مشروعه هو وأسامه
لكن كان طول الفتره دي مش بيقابل فرعونه ولا بيروح البيت عندهم
وده كان مضايق فرعونه
لأنها كانت واخده على وجوده حواليها
وفي يوم
دخل عماد البيت هو ومايكل مبتسمين
فرعونه وقتها كانت بتذاكر
فرعونه بتساؤل : فرحونا معاكم
نظر عماد ومايكل لبعض
مايكل : اصل أحمد خطب
وكنا بنباركله
فرعونه وقد بدا عليها الذهول
فرعونه باستغراب : خطب!!!
مايكل : مستغربه ليه
فرعونه : على اساس انه عاوز يتجوزني انا
مايكل : كان لازم تحسبي ان اليوم ده هييجي
فرعونه : بس انا كنت بحسب........
مايكل : كملي
بتحسبي هيفضل مستنيكي وانتي تقولي لا
ولا فكرتي ان مفيش بنات غيرك في البلد
فرعونه : على اساس انه هينتظر لما أخلص جامعه
عماد : امتى انتي وافقتي عليه اصلا
انتي رفضتي أحمد ولا نسيتي
اتذكرت فرعونه اللي هي قالته
فرعونه بغضب : مع السلامه
ليكون مفكر نفسه الراجل الوحيد في البلد دي
وخرجت بغضب
تاني يوم راحت الجامعه وهي بقمة غضبها
بالصدفه قابلتها هنا
هنا بتذمر : فرعونه فرعونه فرعونه
زي ما يكون مفيش غير فرعونه في الكليه
فرعونه سمعتها
وقفت قدامها وكانت عيونها مليانه غضب
فرعونه : فعلا مفيش زيي اتنين
هنا : انتي.....
قاطعتها فرعونه : بس تعرفي ليه
( هنا بدا عليها الاستغراب )
بسببك
وبسبب كل شخص دخل حياتي واتنمر عليا
هنا : حتى دي عاوزه تشيليني ذنبها
فرعونه بهدوء : ذنب!!! ههه
( بغضب )
كنت طفله عندها ست سنين وقت ما اتعرفت عليكي
كنتي اول صديقه ليا في المدرسه
كنت طفله
كنت معتبراكي اختي
كنت بشكيلك همومي
سنتين
سنتين من حياتي
واحنا بنقسم اللقمه مع بعض
سنتين
وانا بسمع قصصك مع ابوكي وامك
وكنت بتمنى الاقي أهلي علشان أكون زيك
بس
اديتني درس
عمري ما قدرت انساه
يارا : ممكن تهدي يا فرعونه
خلينا نمشي يا هنا
فرعونه مسكت يد هنا : محدش هيمشي
هنا : سيبي ايدي
فرعونه : النهارده الكل هيسمعني
وانتي أولهم
هنا بخوف : على فكره ممكن اصوت واقول بتضربني
فرعونه : بضربك!!!
نفسي اعرف بتكرهيني ليه
اديني سبب واحد مقنع لكرهك ليا
اديني سبب واحد لتنمرك عليا واحنا صغيرين
اديني سبب واحد
يخلي أقرب صديقه ليا
تكون أكبر عدو ليا
اديني سبب واحد دلوقتي
وانا هسيبك
هنا بغضب : لان الكل مش شايف غير مريم
مريم شاطره
مريم جميله
مريم مؤدبه
مريم شجاعه
مريم في الاذاعه.. مريم.. مريم.. مريم
كل حاجه كل حاجه كل حاجه
لازم تكون مريم
وانا
أنا كنت ظلك بس
كانوا يعرفوني باللي ماشيه مع مريم
فرعونه باستهزاء : شاطره
جميله
مؤدبه
شجاعه
فرعونه وقد بدأت الدموع في عينيها
فرعونه : الجميله اللي بتتكلمي عليها دي
بتخاف تبص في المرايا
وبتخاف تصور نفسها
عارفه ليه!!!!
هنا بنظرات استغراب
فرعونه : لان بسبب كلامك عليا
فقدت الثقه في نفسي
وبقيت اشوف نفسي قبيحه
بفضلك
مفيش صوره واحده ليا على موبيلي
في الوقت اللي كل البنات اللي في سني ليها الف صوره على موبيلها
وانا
مش مصوره نفسي صوره واحده على موبيلي
أما المؤدبه
بفضلك
الكل بقى بينادي عليا يا لقيطه
طفله عمرها ٧ سنوات
مكنتش اعرف معنى كلمة لقيطه
بس بسببك عرفت معنى لقيطه
نيجي بقى للشجاعه
بردوا بفضلك
بسبب كلمة لقيطه كنت بضرب اي حد يقولها
عمرها ما كانت شجاعه
ده كان قهر
قهر واحساس اني أقل منكم
قهر واحساس ان مليش أهل
قهر واحساس اني وحيده
اما بالنسبه للشطاره
انا حبيت اثبت للناس اني هكون حاجه حلوه
حتى لو كنت لقيطه
فرعونه والدموع بعينها : مش هسامحك طول حياتي
لأنك خربتي حياتي كلها بسبب حقدك عليا
خربتي البنت اللي جوايا وحولتيها لفرعونه
خربتي ثقتي في نفسي وفي كل الناس اللي حواليا
خربتي طفولتي اللي المفروض تكون فيها أجمل ذكرياتي
خربتي الأنثى اللي جوايا وحولتيها لشيطان بيخاف اي حد يقرب منها
حتى أنا
بقيت أخاف من نفسي
التفتت فرعونه وبدأت تمسح دموعها
يارا : اهدي يا فرعونه
خلينا نمشي يا هنا
التفتت فرعونه مره تانيه
فرعونه : شكرا لصراحتك النهارده معايا
وشكرا لاني ولأول مره من ١٥ سنه قدرت دموعي تنزل
أخيرا
هقدر اكون زي اي بنت وأقدر اعيط
مشيت فرعونه وسابت هنا ويارا في زهول
يارا : هنا
انتي صحبتي اه
بس انتي عارفه اني بقول كلمة حق
هنا بدأت الدموع تنزل من عنيها
يارا : غيرتك هي اللي دمرتها
ومع ذلك دموعها منزلتش الا علشانك
وده يثبت ان مكانتك كانت جوه قلبها كبيره جدا
وللأسف مقدرتيش تحافظي على المكانه دي
هنا وهي تبكي : انا كمان كنت طفله
يارا : كان قدامك فرص كتير لتكسبيها
لكن
حتى في الجامعه دمرتيها
هنا : مش عارفه ليه الغيره والحقد عموني
رغم اني ما زلت بحبها
لكن بكْره تفوقها عليا
بكره حب الناس ليها
يارا : لأنها انسانه صريحه
والانسان الصريح حتى لو وصل للوقاحه
دايما الناس بتثق فيه
لأنهم عارفين ان اللي في قلبه على لسانه
لكن انتي
كنتي خبيثه
والانسان الخبيث ملوش امان
هنا : يعني انتي كمان هتكرهيني
يارا : كلنا بنغلط
المهم مش نتمادى في اخطأنا
هسيبك تراجعي نفسك
ونتكلم بعدين
هنا : بس انا مش عاوزه اخسرك
يارا : ولا انا
فكري
واعترفي بغلطك لنفسك الأول
وبعدين اعترفي بغلطك لفرعونه
هتشوفي الراحه اللي بتدوري عليه
يارا تركت هنا ومشيت
لا تنسوا تدعموني بالتصويت للروايه
أنت تقرأ
الفرعونه الصغيره
Mystère / Thrillerفتاه صغيره ضاعت من أهلها وهي صغيره لتواجه الحياه مع الكثير من التنمر ليكسبها قوه تستطيع التفوق وتحقيق احلامها لتقابل فتى كانت تظن انه يتنمر عليها لكنه في الحقيقه كان يحميها وحينما تكبر ترفض الارتباط به ليبدأ رحلة إقناعها في الارتباط به لكن تأتي الر...
