الفرعونه الصغيره

٨ _ معرفة سر الرجل الغامض

رواية الفرعونه الصغيره
بقلم إيمي
Emy Boss
الجزء الثامن
بدأ حمدي يضرب في عماد
دخلت عبير ومريم بسرعه يبعدوا حمدي عن عماد لانه تعبان
وفعلا قدروا يبعدوه عن عماد
حمدي : مراتي دايما كانت تقولي انك السبب
وانا مكنتش بصدقها
بس طلعت خاين زي ما هي قالت عنك
عماد : كان بيحاول يقف
بس مش قادر من كتر الضرب
عماد بصوت خافت : ممكن افهم ايه مشكلتك دلوقتي
حمدي نظر لفرعونه : وليك عين تسأل ايه مشكلتي
انا هعرفك مشكلتي
بس مش هنا
لما تدخل السجن هتعرف مشكلتي
استنى هنا لو لسه عندك ريحة الرجوله
وتركه وخرج
مريم بدأت توقف عماد من على الأرض
وتقعده على السرير
عبير : مين ده
وليه بيضربك كده
مريم : ده اخوه
بس مقاطعنا من سنين
معرفش ايه اللي حصله دلوقتي
عبير : يعني مفيش تواصل بينكم خالص
مريم : مفيش تواصل خالص
كانت حصلت مشكله بينهم من سنين
واتهم عماد انه السبب
مع ان جوزي ملوش علاقه بالمشكله
وقاطعنا من وقتها
عبير : ان شاء الله تتحل المشكله وسوء الفهم
مريم : يارب
بدأت مريم تضمد جروح عماد
عماد : نفسي افهم هو ضربني ليه
مريم : انت هتتجدد على اخوك
هو عصبي
بيسمع كلام مراته
ربنا يهديه
عماد : يارب
رجعت فرعونه على الورشه واتصلت بسامي حكتله على اللي حصل
سامي : ساعه وهوصل البيت
واشوف ايه المشكله
اتصلي عليهم يقفلوا الباب
وميفتحوش لحد
فرعونه : حاضر
بعد ساعه
وصل سامي البيت واطمن على عماد
بس انتبهوا لصوت سيارات الشرطه بتقف قدام البيت
خرج سامي يشوف في ايه
الضابط : عاوزين عماد جرجس
سامي : اتفضل بس هو تعبان
الضابط :  معانا امر ضبط واحضار
لعماد جرجس وفرعونه
سامي بخضه : فرعونه ليه
الضابط : لازم ناخدهم
سامي : فرعونه بنتي
الضابط تقدر تحصلنا على قسم الشرطه وهناك هتعرف كل حاجه
وفعلا اخدوا عماد وفرعونه الي قسم الشرطه وتبعهم سامي ومريم وعبير
اول ما وصلوا لقوا حمدي منتظرهم
عماد باستغراب : حمدي
الضابط : اتفضل علشان نكمل المحضر
ممكن بطاقتك وبطاقة فرعونه
نظر الضابط بالبطاقات
الضابط لفرعونه : انتي اسمك مريم عماد السيد
فرعونه : ايوه
حمدي بغيظ : وكمان كتبتها باسمك واسم مراتك
الضابط :
هدوء لو سمحت
ونظر لفرعونه : واسم فرعونه
فرعونه : ده اسم الشهره
الضابط شاور على عماد : ده ابوكي
فرعونه نظرت لعماد : هو مش ابويا الحقيقي
انا بقوله يابابا بس
لأنه بيعاملني زي بنته
الضابط : فين ابوكي الحقيقي
سامي : انا اللي ربيتها
ويعتبر زي ابوها
الضابط : فين ابوها الحقيقي
سامي : هي ضاعت من أهلها وهي طفله
وأنا لقيتها وربيتها
نظر الضابط لعماد
حمدي بيتهمك باختطاف ابنته ماريان
وانك كتبتها باسمك
رغم انك مبتخلفش
عماد باستغراب : ماريان بنته
فين ماريان
حمدي بغضب  شاور على فرعونه : دي ماريان بنتي
اللي انت خطفتها
وعامل التمثيليه دي
علشان تفضل معاك
الكل نظر لبعضه باستغراب
عماد باستغراب : فرعونه هي ماريان
ازاي!!!
وبعدين ماريان ضاعت منك في الصعيد
ودى.....
سامي : انتظر
ونظر لحمدي : بنتك ضاعت فين في الصعيد
حمدي : آخر مره شفتها
كانت في بيتنا نايمه
وانا ومراتي روحنا نوصل اخويا ومراته للمحطه
لأنها قريبه من بيتنا
ولما رجعنا لقينا ماريان اختفت
سامي : اختفت يوم ايه بالضبط
حمدي : يوم  ١٣ مايو ٢٠٠٨
سامي : كانت لابسه فستان احمر
وفيونكه في شعرها
حمدي بلهفه : ايوه
سامي : يبقى كده  فرعونه فعلا بنتك
حمدي بغضب : انا متأكد انها بنتي
والا مكنتش عملت محضر اختطاف للي المفروض اسمه اخويا
عماد نظر لفرعونه باستغراب
ونظر لحمدي : وإيه اللي خلاك متأكد انها بنتك
وانت اول مره تشوفها من ١٥ سنه
مسك حمدي الموبيل بتاعه وفتح صوره
وعرضها على عماد
عماد : مين دي
حمدي : دي اختها الصغيره سالي
والحمد لله انها بتشبهها
والا مكنتش عرفتها
مسك سامي الموبيل
سامي : فعلا بتشبه فرعونه كتير
اللي يشوفهم يقول توأم
الضابط نظر لعماد : ممكن افهم بقى ازاي وصلت من سوهاج لهنا
عماد : مش عارف
وأول مره اعرف انها ماريان اصلا
سامي : انا هحكيلك اللي حصل وقتها
فرعونه انا لقيتها في محطة القاهره من ١٥ سنه
وقتها كنت بوصل واحد زميلي للمحطه
ولقيت الكمسرى شايلها
وقالي أهلها نزلوا في المحطه دي ونسيوها
والقطر هيتحرك
وانهم اكيد هيرجعوا ياخدوها
وطلب مني انتظر شويه
وفعلا أخدت الطفله وانتظرت ساعات ومحدش سأل عنها
أخدتها وروحت القسم عملت محضر باللي حصل
وطلبت من الضابط انها تفضل معايا لحد ما نلاقي اهلها
فضلت اسبوع كل يوم اقعد في المحطه على أمل ألاقي اهلها
ولما يأست كتبت تعهد على نفسي باحتضانها لحد ما الاقي اهلها
لأنهم كانوا هيدخلوها ملجأ ايتام
لكن كان واضح على لبسها انها بنت ناس مرتاحه ماديا
وبعد كده بدأت الناس تلاقي أطفال ويجيبوهم عندي
فاضطريت اعمل ترخيص لدار إيواء للأطفال
فكان اللي بيلاقي طفل في كل المنطقه اللي حواليا يجيب البنت عندي
الضابط : معاك ورق يثبت كلامك ده
سامي : معايا نسخه من المحضر اللي عملته لما لقيتها
والتعهد اللي عملته باحتضانها حتى نلاقي أهلها
وورق دار إيواء للأطفال
حمدي : ده ميمنعش انه كان يعرف مكان بنتي وكان يقدر يرجعها لي
مش يعيشها في بيته ويسيبنها محروقين عليها
سامي : بس احنا اتعرفنا على بعض من سنه واحده بس
يعني هو شافها وهي كبيره
هيتعرف عليها ازاي
وكمان ملامحها اتغيرت كتير عن ملامحها وهي صغيره
حمدي : اكيد انت بتكدب
لأن اكيد مش صدفه ان اسمها مريم علي اسم مراته
وكاتب اسم ابوها عماد علي اسمه
سامي : انا كتبتها مريم لأني لما لقيتها
وسألها اسمك إيه
كانت تقول وهي تبكي ( ميم ) فكان أقرب اسم لكلامها مريم
ولما سألتها اسم بابا إيه كانت تقول ( إماد )
فكان أقرب اسم فهمته منها عماد هي أكدت وقتها ان اسم باباها عماد
فسجلتها مريم عماد
دي قصة اسمها
حمدي : في حاجه غلط
اكيد انت بتكدب علشان يفلت من عقابه
بس والله لأخليه يدفع ثمن دموع امها ١٥ سنه
وحرقة قلبنا عليها ١٥ سنه
بدأ عماد تنزل الدموع من عينه وهو ينظر لفرعونه
وكأنه اول مره يشوفها
حمدي : اوعي تكون دموعك دي هتخليك تفلت من العقاب
دول ١٥ سنه من عمرنا راحوا وانا بدور عليها من بلد لبلد
تابعوني لنشوف فرعونه موقفها ايه
لا تنسوا التصويت للروايه