الفرعونه الصغيره

١٤ _ شرط فرعونه للزواج

رواية الفرعونه الصغيره
بقلم إيمي
Emy Boss
الجزء الرابع عشر
عدت الايام
وتقبلت مريم وجود البنتين
وفعلا قدر حمدي وعماد ينهوا إجراءات إثبات النسب لبناتهم
وفهموا شمس وقمر ان مريم أمهم
وانهم اتخطفوا وهما مولودين
ورجعوا البنتين لعماد
ورجعت فرعونه لأهلها
والتحقت فرعونه بمعهد فني صناعي
لتكمل حلمها وتدخل كلية الهندسه
وفي يوم
أحمد راح بيت فرعونه
وكان معاه بطيختين
لقى فرعونه بتذاكر
أحمد : اذيك فرعونتي
فرعونه بنظرة استغراب : نعم
أحمد : جاي آكل بطيخ معاكي
هدخل احطه في الثلاجه
فرعونه : ارجع
أحمد : ليه
فرعونه : ممنوع الدخول
أحمد : طول عمري بدخل
ممنوع بس الأدوار العليا علشان البنات
فرعونه : ودلوقتي بقى ممنوع هنا
لان في بنتين نزلوا يعيشوا مع أهلهم
أحمد : آه
نسيت
طيب ممكن تسقعي البطيخ علشان نأكله سوا
مايكل دخل
ممكن افهم انت ازاي هنا مع أختي لوحدكم
أحمد : وانت خايف على مين
مايكل : على أختي طبعا
أحمد : اتلهي
خاف عليا انا
أختك ضاربه صبيان المدرسه كلها
مايكل باستغراب : كلها كلها
أحمد : كلها كلها
مايكل : وانت من ضمن كلها
أحمد : وهي تقدر
فرعونه بنظرة سخريه
أحمد : يا عم كلها كلها
وانا من ضمن
ارتاحتي كده
بعد كده خاف عليا انا بقي
مايكل بس بردوا مينفعش تقعدوا لوحدكوا
أحمد : فين اللي لوحدنا
البيت فيه ٢٥ بنت أخوات يعني لو كل واحده طبطبت عليا
هيجيلي انزلاق غضروفي
مايكل : ههههههه
خلاص خلاص
هات البطيخ احطه أنا في التلاجه
فرعونه : وانت كمان ممنوع تدخل
مايكل : ده بيت عمي
فرعونه : وفيه بنات عمك
يعني مينفعش تدخل
هات البطيخ ده
ودخلت فرعونه
شويه وخرجت ومعاها طبق بطيخ كبير
أحمد : انا قولتلك سقعيه شويه
فرعونه : كله كده احسن
أحمد : لا
انا عاوزه ساقع
بيبقي طعمه أحلي
فرعونه : تصدق انت خساره فيك
هات الطبق اسقعه
وأخدت فرعونه الطبق ودخلت
خرجت لقت أحمد ومايكل بيتكلموا
ومره واحده لقت الباب بيخبط جامد
مايكل : هشوف مين
لقوا اخوا أحمد داخل وعينه كلها شر
فارس : انا مش قولتلك ابعد عن الناس دي
وابعد عن البنت دي
فرعونه : تقصد اي ب ( دي )
فارس : انا بكلم اخويا
انتي متدخليش
فرعونه : مادام دخلت بيتي بقى ليا فيه
فارس لأحمد : انا بكلمك انت
أحمد : وانا قولت اللي عندي
ومش هتنازل عنه
ومريم هتجوزها
سواء وافقت او رفضت
ده مش هيغير حاجه
فارس : يعني عاوز تبيع عيلتك كلها علشان واحده
زي دي
محدش يعرف اصلها
ولا جايه من اي زباله
مايكل قام ليضربه
فرعونه : مايكل
اهدى
ونظرت لأحمد لترى رد فعله
مايكل : انتي....
فرعونه شاورت له ان يسكت
أحمد : اولا
فرعونه لقت أهلها اللي كانت ضايعه منهم
ثانيا حتى لو هي ملقتش اهلها
هتجوزها بردوا
وقرب لأخوه
انا محترمك لاني من سن أولادك
لكن متنساش اني أخوك
والطفل دلوقتي بقى راجل وبيعرف يرد على الغلط
تاني مره
متحطش نفسك في الموقف ده
لأنك هتلاقي مني رد مش هيعجبك
فارس قرب أكتر
فارس : هتعمل اي
هتضربني
أحمد : كل شئ جايز
فارس صفع بغيظ أحمد علي وشه من الغضب
فارس بصوت عالي : ياريتك كنت مت معاهم
أكبر ندم في حياتي
اني خليتك في اليوم المشؤوم ده تقعد مع عيالي
كان زمانك حصلتهم
وارتحنا منك
أحمد وهو ينظر بعيون فارس : ياريت
نظر فارس نظرة غضب لأحمد وسابه وخرج
بدأ أحمد يستجمع نفسه مره تانيه
وإلتفت لفرعونه
فرعونه : انت....
قاطعها أحمد : هو احنا مش هناكل البطيخ
زمانه سقع
نظرت فرعونه لوجه أحمد وعليه علامات أصابع أخيه فارس
فرعونه : لسه ليك نفس تاكل بطيخ
لقوا شمس وقمر خارجين
قمر : اي الصوت ده
فرعونه وهي تنظر لعيون أحمد : أخو أحمد كان بيتكلم معاه
شمس : بس الصوت كان عالي
فرعونه : الموضوع انتهي
أحمد حاول يغير الموضوع  : شمس
في طبق بطيخ في الثلاجه ممكن تجبيه
نظرت شمس لقمر بابتسامه
فرعونه : انا اللي هجيبه
دخلت فرعونه تجيب الطبق
رجعت وفي ايديها طبق فيه بذور البطيخ
ووضعته على الترابيزه
أحمد : اي ده
فرعونه  : اتسقع
أحمد : مش فاهم
فرعونه : انا مش جبتلك الطبق وقولتلك كل
وانت صممت يسقع
هو كده اتسقع
أحمد بذهول : بالهنا والشفا
طيب كان في بطيخه تانيه
فرعونه : اتسقعت بردوا
أحمد : فهمت
تبقى ذكريني بعد كده أكله قبل ما يسقع
مايكل : أحمد
أنت بخير
أحمد : هبقي بخير ازاي
والبطيخ اللي كان نفسي أكله اتسقع
نظرت فرعونه لمايكل انه يسكت
فهم مايكل وفعلا غير الموضوع
أحمد : خلاص
هروح اشتري بطيخه تانيه
ونيجي ناكلها سوا
فرعونه : استنى
أحمد : محتاجه حاجه تاني
فرعونه : أنا وافقت على الجواز منك
أحمد بفرحه بجد
أخيرا
لو أعرف كنت جبت بطيخ من زمان
فرعونه : بس عندي شرط واحد
أحمد بتوتر : شرط
فرعونه : أخوك اللي كان هنا
واخواتك الباقيين يجوا يطلبوني من أهلي
أحمد وقد أحمر وجهه : انتي متأكده
فرعونه : اه
أحمد بعد تفكير  : تمام
اجهزي النهارده هنيجي نخطبك
فرعونه بصدمه : انت متأكد
أحمد : متأكد
خرج أحمد مسرعا
مايكل بنظرة غضب  : انتي فعلا فرعونه
فرعونه : خليني اشوف هيحلها ازاي
خرج مايكل مسرعا خلف أحمد
وأكملت فرعونه المذاكره
بعد ساعه رجع مايكل
مايكل : اسحبي الشرط اللي انتي قولتيه لأحمد
فرعونه : شرطي مش هتنازل عنه
مايكل : بس أحمد هيخسر كل حاجه بسبب الشرط ده
فرعونه : مش مهم خسارة أحمد
اللي يهمني
ان اللي كان هنا وقال عليا ( دي )
هو اللي يطلبني من أهلي
مايكل : بس خسارة أحمد أكبر من مجرد كلمة هتتقال
فرعونه بغضب : انت عشت مع ابوك وأمك
عمرك ما شفت معاملة الناس لينا
مايكل : مش فاهم
فرعونه : لمجرد انك عايش في ملجأ
بيعاملونا
وكأن لينا ذنب في اننا عايشين في ملجأ
بيعاملونا كأننا حشرات او مرض
خايفين يقربوا مننا لنوسخهم
وانا تعبت من النظرات دي
وتعبت من استحقار الناس ليا
وجه الوقت انهم يتذلوا ليا
علشان أوافق على طلبهم
لازم اشوف نظرة الذل دي عليهم
مايكل : بس للأسف
الإنسان الوحيد اللي هيتذل هو أحمد
اللي عمره ما عاملك على انك حشره
هو الوحيد اللي هيدوق الذل
وبعدها انتوا الاتنين هتتذلوا طول العمر
فرعونه : تقصد اي
مايكل : تعرفي اي عن أحمد
فرعونه :...........
انتظروني لنعرف حكاية أحمد
لا تنسوا التصويت للروايه