الفرعونه الصغيره

١٨ - المغامره

رواية الفرعونه الصغيره
بقلم إيمي
Emy Boss
الجزء الثامن عشر
التفت أحمد ليشوف مصدر الصوت
احمد باستغراب : انتي بتعملي اي هنا
عماد ومايكل استغربوا هو بيكلم مين
ولقوا فرعونه بتحاول تقعد
عماد بغضب : انتي اتجننتي
اي اللي جابك هنا
فرعونه : لما جهزتلكم الحاجات اللي هتاخدوها
ركبت في الشنطه علشان اجي معاكم
عماد بغضب : هتلاقي البيت هناك مقلوب بيدور عليكي
وبعدين انتي تيجي معانا ليه
فرعونه بابتسامه خفيفه : فضول
عماد بغضب : لازم نرن على البيت نطمنهم انك معانا
بس حمدي هيقلب الدنيا على دماغك لما تروحي
فرعونه : ابويا عماد هيحلها
انا مع عمي واخويا
مش هيزعق اوي
أحمد : هنلف بالعربيه علشان نرجعها
عماد : هنلف اي
احنا بقالنا اكتر من تلات ساعات في الطريق
لو رجعنا مش هنقدر نيجي النهارده تاني
أحمد بخوف : بس أمانها أهم
مايكل : لا نكمل وعمي يقعد معاها في العربيه
لحد ما نلاقي الجهاز
وبعد الحاح الكل وافق أحمد
وعماد اتصل على البيت وعرفهم ان فرعونه معاهم
وكملوا رحلتهم
وكان طول الطريق أحمد بيفكر في طريقه يخلي بيها الكل يقعد بالعربيه لحد ما يلاقي الجهاز
وفعلا وصلوا الساعه السادسه صباحا المكان
أحمد : الكل هيفضل مكانه
وانا عارف مكان الجهاز هدخل اجيبه واخرج
مايكل باستغراب : هتدخل
أحمد : أه
هو في الجبل اللي دخلناه
مايكل : وانا هدخل معاك
أحمد : لا
هدخل لوحدي
وبدأ احمد يربط الحبل في العربيه مره تانيه
مايكل : ممكن افهم ليه الحبل
أحمد : الجبل من جوه عامل زي المتاهة
والحبل بيرجعني بسرعه لو توهت
طول ما انا ماشي هتلاقي الحبل بيتسحب
لو حصل حاجه هتلاقي في هزه غير عاديه
اسحبه بسرعه
عماد : تمام
انا اللي هدخل معاك
ومايكل مع اخته ينتظروا
وفعلا أحمد مقدرش على عمي عماد
ودخل معاه الجبل
َبدأ احمد يتذكر الطريق
لان وقتها كان الجهاز معاه وهو اللي بيرصد حركة المياه وكان ماشي مع حركة الجهاز
وفضلوا ماشيين فتره طويله
لحد ما فعلا شافوا الجهاز من بعيد
كان الخوف بدأ يتملك أحمد
لأنه بدأ يتذكر اللي شافه وقتها
عماد : خلينا نروح نجيبه ونخرج
أحمد بصوت خافت : خلينا نمشي بهدوء وبدون صوت
وفعلا وصلوا الاتنين للجهاز
لكن كان عماد متعجب انه لا يوجد شئ يدعوا للخوف
لكن نظرات أحمد كانت بتدل انه شاف حاجه مرعبه
وجه يمد عماد ايده لياخد الجهاز
لقوا أضواء عليهم
أحمد مسك في عماد بسرعه من الخوف
عماد نظر لمصدر الضوء ووجد ان فرعونه ومايكل هما اللي واقفين
عماد : اي اللي دخلكم
فرعونه : فضول
أحمد بغضب : فضولك ده هيموتنا قريب
خلونا نخرج بسرعه
عماد جه ياخد الجهاز لقى فرعونه بتوقفه
عماد : في اي
فرعونه : الكل يسلط الضوء على الارض
بدأ الكل يسلط الضوء
لقوا كلمة help مكتوبه بالأحجار
نظرت فرعونه لأحمد : اكيد اللي كتب الكلمه دي مرتبط باللي احمد شافه
وهنا سمعوا صوت من بعيد
أحمد مسك فرعونه وعمي عماد وجري بدون ما يلتفت
وتبعهم مايكل
وخرجوا سريعا
الكل خرج من الجبل
وبدأوا يأخذوا انفاسهم مره اخري
فرعونه بغضب : ممكن افهم احنا جرينا ليه
مايكل : ملحقناش ناخد الجهاز
أحمد بغضب : الجهاز
عماد : انا مشفتش حاجه
ممكن افهم جرينا ليه بدون ما ناخد الجهاز
أحمد بيحاول يستوعب اللي حصل
فرعونه بغضب : دلوقتي
لازم نفهم كل حاجه
علشان هنضطر ندخل تاني لناخد الجهاز
إحمد بخوف : مش مهم الجهاز
فرعونه : لو محكتش اللي حصل لكم
انا هدخل لوحدي
واشوف مين اللي محتاج مساعده هناك وهساعده
أحمد : قولت مش مهم الجهاز
وبدأ يسحب الكل ليدخوا العربيه
فرعونه : شغلت تسجيل
وهو نفس التسجيل اللي أحمد بعته يوم ما تعب
أحمد : جبتي التسجيل ده من اين
عماد : مني
أحمد : ازاي وصلك
عماد : انت اللي بعته
وهو السبب اللي خلانا نيجي ندور عليكم
أحمد في نفسه : اكيد بعته بالغلط
الحمد لله انه مش تصوير
فرعونه : ممكن تفوق من السرحان وتتكلم
ده صوت واحده بتتألم
وأصوات تانيه
وأكيد هي اللي كتبت help
أحمد قاطعها بسرعه : لا مش هي
فرعونه : بص بقى انت كده كده هتتكلم
لأننا مش هنمشي من غير الجهاز
ولو مش عاوز الجهاز هدخل اشوف مين اللي محتاج مساعده
طالما قدرت تكتبها بالأحجار كده بشكل جمالي
يبقى هي معاها الوقت اللي تقدر تكتب فيه
وأكيد احنا معانا الوقت اللي نقدر نساعدها بيه
يمكن تكون تاهت جوه وعاوزه تخرج
أحمد بسرعه : لا دي كانت بتموت
الكل استغرب من كلام أحمد
فرعونه باستغراب : بتموت
عاوز تقنعني واحده بتموت وكتبت help
بالطريقه دي
اكيد لسه عايشه
وانا هدخل اساعدها
أحمد بدأ يسحب الكل ليدخل العربيه
بس الكل رفض
مايكل : لو هي لسه عايشه نقدر نساعدها
خلينا نرجع نساعدها ونجيب الجهاز
وبعد الحاح الجميع اضطر أحمد يحكي اللي شافه
أحمد بصراخ : خلاص هحكي اللي شفته
أحمد بدأ يتوتر : انا شفت
واحده
وفي حوالي ٥ رجال بياكلوها
وهي كانت عماله تصرخ من الألم
الكل بدأ يضحك
أحمد : انتوا مش مصدقني
فرعونه بضحك : ولما خلصوا
شربوا من دمها ولا بلّعوا بميه
أحمد بغضب : انا مش بهزر
مايكل : لنقول كلامك صحيح
فين باقي الجثه
مش معقول ياكلوا اللحم والعظم
وبعدين لو هيا اكلوها
ليه كتبت help
مكان ما سبت الجهاز
أحمد بدأ يحاول يستوعب
فرعونه : انت لاحظت انها زخرفت حول كلمة help
يعني كان معاها وقت لتزخرف براحتها
لو هيا ماتت مكنتش عملت كده
أحمد : يمكن الرجال اللي أكلوها هما اللي كتبوا
مايكل : ده وهمك
اتذكر بالضبط اللي شفته
وانا شايف انهم تاهوا جوه
وكتبوا help جمب الجهاز على أمل يخرجوا من المتاهة دي
لما تحاول ترجع تاخد جهازك
أحمد : بس انا متأكد من اللي شفته
فرعونه : خلينا نسأل أسامه اي اللي شافه
اتصلوا على اسامه وأحمد سأله اي اللي شافه
أسامه :.........
لا تنسوا التعليق على الروايه
انتظروا لنعرف اي اللي شافه أسامه