ضحايا اشباه الرجال

البارت الثالث

ماعشت مثل البنات بداخلي

حتى ما عندي اخو يشتاقلي

عذبوني وربي شاهد

واحد يذبني اعلى واحد

ماضكت عمر الطفولة

خل اموت وراسي بارد.... (احمد الساعدي)

كل شيء في هذه الحياة كان لذيذآ

حتى تلذذ اخي بجسدي...

بقلمي( نور الخفاجي)..
________________

ريام : ضلينا نحچي بعيونة بس منگدر نگول لا نخاف من بابا
ناس اهواي گاعدة زلم ونسوان وهوسة گرايب وغربة
شلون نفشل ابوية هو بيناتنا من رفضنا يگول فشلتني وشسوة بينا انوب بنص العالم نرفض شيسوي بينا
بلعناها بوجعها وگلنا موافقات چان الكل فرحان الا احنة

ارشد : فرحانة انتي وجهج شوية احسن من ريام

منى : اي شوية واحد يندمج ويه الاجواء يحس بالفرح

ارشد : بعدنا بالعشرة يجي الحب وكل الامور الثانية
، بس ريام كلش وجهها مغنتب وساكتة

منى : دشوف اخوك وين يباوع وعايفها شبي

ارشد : تعرفين هاشم اخونا الكبير ونحبة ومرتة قريبة من عدنا وكاعدين ويانا وربينا سوة

منى : ميخالف ميصير عايف عروسته ويباوع ويتمنى رضى سرى واذا زوجة اخو

ارشد : شعلينا بيهم لتدوخيني بهيچ سالفة

ريام: گلت اتقبل الامر الواقع واسكت بس نرفزتني تصرفات ميثاق وسرى شو تخزر بية وضايجة
وهو يباوعلها ويتوسل بيها يا تعاي صوري ويانا يا تعاي ركصي ويانا هو فرحان بس من يباوع عليها يتغير وجهه
اتناسيت الموضوع وما ضليت ادقق البية مكفيني
خلصت الخطبة ومرت الايام وبدت تدخلات الاهل ليش تداومين مدرسة وشعندچ

ام هاشم : اكلچ ريام انتي نجحتي من الثالث

ريام : اي عمه الحمد لله وهسه جاي اداوم رابع

ام هاشم : عمة انتي شعندچ تداومين اول وتالي راح تتزوجين مو هاي اختج بطلت انتي شعندچ متبطلين

ريام : لا عمه اريد اكمل احنه متفقين هيچ

ام كمال : عمه شجاچ هاي ام رجلچ لازم تسمعين كلمتها ودتشوفيها ما قابلة واحنه عماتچ اعرف بمصلحتچ
بطلي حبيبتي تعب عالخالي بلاش ليش تقرين وتتعبين واول وتالي راح تتزوجين ويصير عندچ جهال متگليلي شموازيچ على شلاع الگلب

ريام : الله كريم عمه اشوف

گاموا يومية جاية وحدة من عماتي عبالك موصينهم كل حجاية والثانية شعندچ تداومين طيروا واهسي وزرعوا الفكرة براسي كلما افكر اگول صدك اني شعندي مداومة اول وتالي راح اتزوج
گمت اداوم بس ما احضر دروسي اتعاجز اروح بس علمود اشوف صديقاتي
ومرات ما اداوم ويومية ابطل وارجع