منذ البداية ونحن نصارع
منذ ولادتنا
ونحن نمزق ارحام امهاتنا للخروج الى النور
كيف بنا الان
ونحن نصارع للخروج من ظلمات فرضت علينا
بسبب العادات والتقاليد والمجتمع
لا تضنوا بأنكم اخر المطاف
وان كان الهواء ملوثآ
مادام هناك انفاس تؤخذ بملئ الصدور
اذن انتم مجرد درس
قدمته لنا الحياة
نستطيع الاجتياز
فنحن اللواتي نستطيع ترك احضان التي قامت بولادتنا
ونتلهف لأحتضانكم ضنآ بأنكم النصف الاخر لنا
فلا تنسوا انكم مجرد انصاف
اما نحن
فلنا النصف
ونلد النصف الاخر ونربيه بالطريقة التي
ربتنا بها الحياة
بقلمي (نور الخفاجي)....
______________
رحيق : ضليت اقرة بعد ما قدمت
التهيت بنفسي حيل اتصل بشفق نسولف ونرجع نقرة وحدة تحفز الثانية بعد المعاناة الي مرينا بيها وعشناها عرفنا البنية ما الها سند غير شهادتها من بعد الله ومحد يفيدها غير نفسها سوينا كروب بالواتساب ونتراسل اني وشفق وريام خطية هاي البنية ننقهر عليها وننصحها بس محد مساندها لو اهلها بيهم خير چان گدرت تخلص من زوجها مثلنا بس محد يوگفلها كلما نگول خلصت يرجعوها
شفق : ها رحيق بشري جاهزة للامتحان قريتي زين
رحيق : اي والله شبيج هاي المرة الالف تسأليني چنچ امي
شفق: لعد شلون لتصيرين ثولة عبري بسرعة بعد وراچ ٣ سنوات انتضار امداج عبالي نداوم كلية سوة
رحيق : يالله هم الحك عليچ لتخافين
شفق : ان شاء الله باعي اني امتحاناتي وراچ مباشرة يعني بعد ما اخابرج اهواي حتى متلتهين وانتي هم من تكملين لتخابريني علمود ما التهي
رحيق: گبر شلون طردة يالله اعوفچ واروح على ريام خطية اصبر عليها
شفق: متگدرين بدون لغوة ابد تموتين اذا متسولفين
رحيق : هسة ويامن مسولفة هو بس انتي وريام لعد وين اولي مو احسن ما اعيش قصة حب تافهة
شفق : انچبي يا حب خل نرتقي ونوصل ونكمل دراسة نعتمد على نفسنا
رحيق : صدگتي ادور حب اشاقة يمعودة ياحب يابطيخ شلي بهالدوخة
شفق : يالله ولي بلا لغوة خل اقرة ما بقالي وكت هاي ايناس خطية سحلتها وياية
رحيق : رايحة يمعودة رايحة كل شوية طاردتني امداچ
شفق : يالله ولييييي لتدوخيني
رحيق : شوف الثولة سدته بوجهي شكد تحب الدراسة يارب يسهللها ويسهلي ونخلص،
ابوية كلش تعبت صحته بحيث گمنا نتوقع راح يموت هاي الايام گلبي يلوب عليه وحايرة اقرة وافكر بأبوية فديوم گعدت الصبح لگيت ريام داگة علية ودازة رسائل عالكروب وينجن بنات يمكن عايدتها عشر مرات دگيت على شفق اشوفها مراسلتها؟
أنت تقرأ
ضحايا اشباه الرجال
General Fictionنحن اشباه الورود نحتاج فقط للماء النقي اما الجو الملائم رحيقنا كفيل بصنعه... ثلاث ورود يعاصرن الذبول لفترة من الزمن بسبب اولئك الذين قام المجتمع بتسميتهم رجالآ وهم مجرد ذكور
