هلي شهگات گلبي كله منكم
هلي وعضات الاصابع كله منكم
هلي والله لو بيدي ماضليت عدكم....
رحيق: من صار حملي لليوم زاد اهتمام كرار بية صح امكانيته ضعيفة وما مغطي كل احتياجاتي بس چان اهتمامه وحبي اله مكفيني ومامهتمة للماديات مرات يصير بيناتنا سوء فهم ميطول الزعل بيناتنا نرجع نفس الوقت نتصالح حتى بدون اعتذار لحد ما وصلت شهر الرابع رحت سويت سونار طلع بية ولد
كرار : عليچ الله متأكدة بيچ ولد يعني السونار مضبوط
رحيق : اي والله شبيك اصلآ هذا اضبط دكتور اخذتني امي عليه
كرار : الف الحمدلله رحيق كلشي ماريد منچ بس ديري بالچ على نفسچ اهم شي تضلين سالمة والطفل يجي سالم
رحيق : لوتي يومية توصيني وانت تخاف على ابنك مو علية
كرار : اثنينكم اعزاز واخاف عليكم
بس شوية بطلي العصبية والغيرة
رحيق : وين عصبية اني غير احبك واغار عليك
كرار : وين اكو وحدة تغار من الاخت هسه اني عندي شي مو گدامچ بس ما صايرة هاي مال تغارين علية من خواتي
رحيق : مو بكيفي والله اغار عليك من الهوة
كرار : مو لهالدرجة حبيبي على كيفج هسه دنسولف تغير وجهچ
رحيق : اني ما مانعتك منهن عادي بس كدامي لتشاقة وياهن مو بحيفي احسك مالتي،
حبيت كرار بكل جوارحي حسيته تعويض من رب العالمين الية وياه نسيت المواقف السيئة الصارتلي صح غصة اخوية تبقى بكلبي بس مو مثل افكر وانقهر حبي لكرار خلاني التهي وياه كمت اهواي اتخيل نصير عائلة سعيدة ومرتبة مدام الحب موجود چنت ما اكدر انام اذا ما اشتم ريحته بفترة حملي اتعلقت بي حيل چنت اگلة شلون يگولون المرة تكره ريحة رجلها من تحبل شو اني صارت روحي بيك
ابوية جياته الية گامت تقل مو مثل قبل فديوم خابرته اعتب عليه
توفيق : والله يابنتي صحتي متدهورة هالايام ومو مثل قبل اتحرك حتى بالدوام قدمت عالتقاعد وماگدر اروح وارجع
رحيق : شجاك يا بابا ليش هيچ صاير شي وياك ومتكول
توفيق : لا والله بس كافي كبرنا قابل للتالي خلص وكتنا بعد
رحيق : اسم الله حبيبي ربي يطول عمرك لتگول هيچ
توفيق : كلنا نموت يا بابا قابل لشوكت نعيش والحمدلله اني هسة مطمأن عليچ زوجچ خوش ولد ويحبچ
رحيق : بس ابقى احتاج وجودك يابه گوم لحيلك لتستسلم للمرض
ابوية جان واثق بكرار ومطمأن علية مثلما اني مطمأنة
مشت حياتي طبيعي واني يومية احمد الله واشكره على تعويضة الية لحد ما وصل وقت ولادتي واني حياتي تمام
رحت يم اهلي صار عندي اوجاع اخذتني امي للمستشفى اتصل علية كرار واني بالمستشفى
أنت تقرأ
ضحايا اشباه الرجال
Aktuelle Literaturنحن اشباه الورود نحتاج فقط للماء النقي اما الجو الملائم رحيقنا كفيل بصنعه... ثلاث ورود يعاصرن الذبول لفترة من الزمن بسبب اولئك الذين قام المجتمع بتسميتهم رجالآ وهم مجرد ذكور
