ضحايا اشباه الرجال

البارت الثاني والعشرون

انا لست بأمه

لماذا يخذلني النسيان عندما اضنه

و  يداهمني الشعور به وبألمه

لماذا في صدري كثيرآ ما اكلمه

وكلما اشتقت له اشتمه

لماذا استطاع هدمي وانا لا استطيع ذمه

لماذا يهمني امره وجراحي لا تهمه

لماذا اود بين اضلاعي ضمه

انا لست بأمه...

#نور_الخفاجي ✍️
_________

رحيق : بقى بالنا يم ريام ماكو اختفت فردنوب وابوية كلش وضعة تدهور شفق هم جاي تقرة ما خابرتها خطية ما اريد ازعجها السادس صعب رهي تريد معدل
اني الحمدلله جاوبت بكل الامتحانات بس يبقى الخوف اي شخص ميطمأن الا يشوف نتيجته بعينة
كملنا اخر يوم امتحانات رجعت من الامتحان واشوف هوسة ابابنا صوتا امي تصيح يارب سترك
اريد اوصل للباب رجلية ثكلت اريد اوصل وما اريد اوصل اخاف يطلع ابوية متوفي واريد اعرف شكو صارت المسافة عمر ولا چنها خطوتين  طبيت للبيت لكيت ابوية متوفي مغطينا اباوع امي كاعدة يمه وتملخ بنفسها  حسيت بروحي بعد ما اكدر اوكف طلعت مني صرخة بحيث انگطع نفسي ما اكدر اكول شي بس اصرخ حتى يابه ما كدرت اكول  گعدت بالكاع اصيح وابجي شيفيد بعد شيرجعه اخذو من عدنا بساع بساع وقت الوداع ليش سريع رحت وياهم للنجف اباوع علبهم شلون حفروا الكبر وشلون بسرعة نزلوا وغطوا بالتراب شنو هالسرعة اليختفي بيها الانسان من الدنيا يعني شنو ابوية بعد ماكو شو بسرعة خلص كلشي رجعنا وطول الطريق ماكدرنا نسكت امي ضغطها صعد واتخربطت واني ما بية حيل اسندها راحت كل قوتي رجعنا للبيت وبدت العالم تجي تعزينا واني احس نفسي مو يم العالم ابد بس اسولف وية ابوية ابالي بعدني احتاجلك يابه بعدني ما فرحتك بنجاحي بعدني ماشبعت منك بعد وكت
________

شفق :  كاعدة اقرة وطبتلي ايناس تبچي

ايناس :  ولج شفق هذا يمكن ابو رحيق متوفي

شفق :  شنوووو لا عفية منو كالج

ايناس :  هسة شفت منشور بالفيس مال حكيم واحد كرايبهم ناشرة قريت الاسم واجيت اتأكد منج هو مو اسمه توفيق جابر هاج شوفي

شفق :  لج اي والله سودة علية هسة صاير بيها حطية عود اليوم اخر امتحان الها كلت شعجب ما خابرتني هسه من اخلص اخابرها طلع ابوها متوفي شو بالله خل اشوفها لج هاي مخلية حداد خطية مو مال مخابرة

ايناس :  شلون هسة نروحلها

شفق :  اي فدوة كولي لحكيم الله يخليج ايناس لازم اروحلها

ايناس : هسة راح اصعد اكولة

شفق :  راحت ايناس واني ١ليت ابجي رغم ما اعرف ابوها بس هي صديقتي شلون بيها انوب امتحاناتي هاليومين شلون راح اساندها يربي