ضحايا اشباه الرجال

البارت الخامس

شكرآ لكل من ساهم بأطفاء نورنا

لا تستغربوا من السوداوية التي اصبحنا عليها

هذا نتاج افعالكم السيئة..
                    (نور الخفاجي)

هلي وموش بهله الينگاد خسران
هلي اكثر من زعلكم گلبي تعبان
هلي والماعنده اهل ماعنده عنوان
شمرتوني بعمر بي يستحي الشيب
وتخليتو بوكت مايعرف العيب
                 (زهراء فاروق)

ريام : ضليت اتصل لحد ما جاوبني

ميثاق : ها حبيبتي شبيچ حارگة التليفون

ريام :  ضل بالي عليك والله گلبي راح يوگف وين چنت ليش ما عندك نت ما گلت هاي خطية خل اطمنها

ميثاق : على كيفچ حبيبتي فدوة گايمة تخاف علية والله الشبكة بيها صيانة يمنا وماكو نت ومامفعل عالرصيد  وبالشغل ما اگدر اروح للبيت الا هسه طبيت اجتني الاشعارات

ريام : والله اتأذيت ولا ادري هيچ راح اضل الوب عليك

ميثاق :  شي عادي غير زوجج لو خطيبچ بكيفچ بعد

ريام :  اول مرة احس بهالاحساس طلعنا احبك ومادري

ميثاق :  يارب دوم تحبيني وبعد اكثر فدوة لوجهچ عود هسة صايرة اعصاب وحمرة وانتي منا ترفة اويلي علية

ريام : اهووو ميثاق لتخجلني والله استحي

ميثاق : لچ عيني انتي ماكو بيناتنه مستحى بعد كم يوم نتزوج

ريام :  منو گال بعد كم يوم مو گلنا ٣ سنوات

ميثاق :  ها لا هيچ هو قصدي هسه متحسين الا طارت ال٣ سنوات

ريام : عبالي اكو حچي جديد

ميثاق : لا ماكو جديد وليش هبطتي مو تگولين تحبيني

ريام :  بعدنا ما اتفاهمنا ومنو يگول حب يجوز تعويد كتلك اريد اعرفك زين وتعرفني

ميثاق :  يالله ماشي راح اروح اني بعدين اخابرچ

ريام :  لتخابر اني اخابرك من تنام ماما

ميثاق :  ماشي مع السلامة

ريام : حسيته ارتبك من كتله اكو حچي جديد ما اعرف احس بعد وكت مو متال هسه نتزوج،

تعاي منى رجعي التليفون بسكوت من ماما  اگلچ انتي شنو خطيبچ ميخابرچ

منى: لا والله مو گدامچ لا يجي ولا يخابر  يمكن مجبور علية

ريام :  بيوم الخطوبة چان زين ويسولف ويضحك مو مال واحد مجبور ليش منگول لماما

منى : والله مادري صار شگد مخطوبين راح يصير ٧ اشهر وهو على هالحال اگلچ شو سرى گامت تخابر على ماما من يجينا هاشم انتبهتي

ريام :  اي انتبهت وانتي شكو تسولفين وياها وتضحكين

منى : عادي غير مجاملة هي تسأل على زوجها وين گاعد ماما تگوللها يم عدنان تدرين شتگول تگول طردوا شعنده يمكم ماما گالتلها هو صاحب عدنان من زمان وابن اخو احنا شعلينا شو هاي ضاجت