انه من دخنت مضطر
خطر چنت اعرف التدخين
بس الخلاني ادخن ضرف چان اخطر..
(جاسم محمد)
رحيق : ثاني يوم الصبح اجتي امي وخالاتي وعماتي يباركولي ضل ابالي ابوية ما اجاني
رقمي جديد محد يعرفة اتصلت بي،
الو ها عيوني شلونك
توفيق : منو تفضلي
رحيق : على كيفك عيني اريد اتعرف عليك شنو متقبل
توفيق : احجي منو انتي تعبان ومالي خلك سوالف زعاطيط
رحيق : هاي هيچ صاير ثگيل اني رحوقة بنتك،
فجأة سمعت ابوية يبچي تعجبت ولا چنه ذاك ابوية
توفيق : ولچ بابا شسويتي بيه من رحتي شلعتي گلبي طلعتي عزيزة شلونچ طمنيني عليچ مشتاقلچ
رحيق : اني سمعته هيچ يحچي ويبچي لو بعد شيسكتي اريد احجي ما اكدر اتذكرت كلشي سويته وقهرت ابوية
كرار : على كيفچ يمعودة شكو قابل اني اوديچ الهم وهو ابوچ هم يجي راح تخلي يقلق شو انطيني التليفون
توفيق : سكتها ابني وديربالك عليها مامنطيك بنتي منطيك قطعة من گلبي خليها بعيونك
كرار : صار عمي والله بعيوني شعندي وياها قابل طلعت من گلبك واجتي لگلبي
توفيق : ما اوصيك بعد وليدي وديربالك تمد ايدك عليها فديوم هاي الغالية خليها ترتاح وبعدين تخابرني يالله مع السلامة
كرار : الله وياك عمو ليضل بالك
رحيق : راح ابوية واني ضليت القهر ماكل كلبي دمعته حرگتني حرك عرفت شكد غلطت بحقة من جنت طايشة وما اعرف اتصرف
مرت الايام بعدنه اني وكرار شوية شوية واحد يتعود عالثاني چان ت اللهفة مو لهفة حب وانما شي جديد وواحد متعجب بالثاني بس اني بديت اتعلق بي واحبه لان ادركت خطأي وطلعت كل مشاعتي المكبوتة وياه حاولت اسوي كلشي ادلله وادلعه ومتلهفة بكل يوم لسوالفة لشكله لملامحة جنت اصفن بي واحبه كل يوم اكثر ما جنت افهم العقل اهم من الشكل والحب مو كلشي
فديوم راسلتني صديقتي سولفت وياها وحچيتلها شلون تطورت علاقتي بي وشلون يعاملني واعاملة ومن ضمن الكلام كتلها بس اني استحي وما اكل كدام اهله كملت سوالف وياها وعفت التليفون عالشحن ونزلت يم اهله اخواته چانو جايات من اعيالهن وكاعدين نسولف ورة شوية اجه كعد يمنا
كرار : ليش متاكلين كدام اهلي وتستحين
رحيق : وانت شمدريك
كرار : قريت رسائلچ
رحيق : انت بأي حق تقرة رسائل بيني وبين صديقتي شي خاص بية عيب هالتصرفات شنو ماعندك ثقة وتفتش
كرار : لا والله مو قصد افتش بس هيج قريت
رحيق : لا مالك حق تسوي هيج لعدوين الخصوصية شنو اني اضل كلما احجي ويه وحده احذف المحادثة ها خاف تقراها
أنت تقرأ
ضحايا اشباه الرجال
Ficción Generalنحن اشباه الورود نحتاج فقط للماء النقي اما الجو الملائم رحيقنا كفيل بصنعه... ثلاث ورود يعاصرن الذبول لفترة من الزمن بسبب اولئك الذين قام المجتمع بتسميتهم رجالآ وهم مجرد ذكور
