يعايفني شعفت بية
مثل طفو الجگارة احترگ وانذب
يماخذني شبقى بروحي
گشر محروگ تبقى مرورته اعلى اللب
ركضت وياك مدري اعليك مامفهوم
تبعد خلصتها وانة المچلب
عفتني شگال گلبك ذاك الحجار
وشترد لضميرك من يأنب
بعدني اعشگ ضحكتك حتى اذا چذاب
وبعدني اتخيلك لمن تغنتب
چنت گبال عيني ومحترگ بالشوگ
گلي شحالي هسه ووجهك مغرب
يناسيني فلا معذور عالنسيان
عساك بفوضويتي وانه الاترتب....
بقلمي (نور الخفاجي)
________________
الحاضر..........
رحيق : يالله عيني خل نروح للبنية تأخر الوقت شوكت نرجع شوكت نوصل
شفق: منتضرتچ اني شعندي غير انتي متخلين وحدة متسولفين وياها
رحيق : وين اكو تدرين بية مثلچ ماعندي اي ثقة بالناس بس هيچ گد السلام وشوية اغير جو
شفق: دمشي امشي يالله ما اخذچ وياية متجيبيلج سيارة
رحيق : اهووو افتهمنا عدها سيارة وكل شوية معيرتنا وتتفيك علينا خل الحگ على مصاريف الكلية عود اشتري صدگ شفقة جيبيلي المن ضامتهن على گلبچ
شفق : وشگالولچ علية منيلي هو ورث وخلص عالكلية والسيارة وانتي صاعدة بيها اكثر مني،
رحنا لبوتيك الملابس لگيناه معزل
رحيق : يا فگر من گد مانغطتي عزلوا
شفق : لعد بس خبصتيني بيها خوش تصمم وحسب الطلب شو معزلة
رحيق: والله راسلتها وگالت افتح اليوم بس خاف عدها ضرف
شفق : تدرين مدام بعد وكت مشتهية فنجان گهوة وهدوء بدون صوتچ
رحيق : ولچ غدة بعدنا مامتغدين ياگهوة هاي لو حنيتي؟
شفق : هو الگهوة تدبر بس صوتچ شلون اكتمة مراح تخليني گاعدة براحتي
رحيق: يالله نروح اكو كوفي نسائي اهنا هادئ
شفق : اي فدوة احس روحي تلوب اليوم مدري شجاني
رحيق : خاف اشتغلت الحاسة السادسة عندچ
شفق : شمدريني هي لو متشتغل احسن لان تعبتني،
رحيق : گعدنا بالكوفي مشغلين كاظم الساهر يبو لا راحت بيها شفق گمت احوس اريد اتحارش بيها
شفق : ادري بيچ تحوسين احچي علمود ترتاحين
رحيق : قصدچ انتي ترتاحين بربچ ليش تصيحيلة ضوة
شفق: اخذت حسرة يمكن سحبت الهوة البالمكان كله،
لچ اخ شحچي هو غير وجهه يجيب العافية اصلآ كلما اريد ارتاح اتذكره كلما اريد اقوى اكثر اتذكر محبته اليه ومساندته وضحكته كلشي بي يخليني اطمأن
أنت تقرأ
ضحايا اشباه الرجال
Ficción Generalنحن اشباه الورود نحتاج فقط للماء النقي اما الجو الملائم رحيقنا كفيل بصنعه... ثلاث ورود يعاصرن الذبول لفترة من الزمن بسبب اولئك الذين قام المجتمع بتسميتهم رجالآ وهم مجرد ذكور
