مدري شمالني شما اصد لمرايتي اكبر
الهوة الطب ريتي يتحسر
السوالف ضالة ابراسي بس تفتر
الماعرف علتي يگلي شكثر مرتاح
وانة حزني يتغالب ياهو الاكثر
الوجع بية ايتصادم غيم يردم غيم
البرق كسرة گلب وضلوع تتفطر
من انا؟ ولمن انتمي؟
وقفت شامخآ متآكلآ معظمي
اعيش غلافآ مبهرجآ ضاهرهُ
وفي جوفهِ موتآ محتم
لا تگلولي الوجع من يا مچان
هو الكله علة يخاف يتذكر
مدري شمالني
شما اصد لمرايتي اكبر.......
بقلمي (نور الخفاجي)
رحيق : كرار هي لمياء ليش زوجها ميجيبلها تليفون؟
كرار : والله ما اعرف شي بيناتهم ليش نتدخل شنو انتي تضوجين من تاخذ تليفوني
رحيق : لا ليش اضوج غير اختك بس اگول خطية كلما تجينا تاخذ تليفونك اشوفها شلون متلهفة گلت زوجها ليش ميجيبلها
كرار: معليچ بيهم ومو تسأليها عيب خاف عبالها متقبلين تاخذ تليفوني
رحيق : لا شعلية، اگلك هذا البرنامج الجديد انت منزلة؟ الكوكو مدري شسمه
كرار : لا لمياء نزلته لتدخلين عليه خطية مالتها
رحيق : ضليت الوب لان هذا البرنامج اهواي تجي رسائل شنو السالفة وهو يگول مو اني منزلة گلبت بي اهواي ولد محضورين گلت شعلية اني طبها مرض بس صدفتني محادثة صديق كرار
ام كرار : شنو شبيچ رحيق واكفة وتفركين بيدچ احچي
رحيق : عمة شفت شغلة وگلت لازم اكولچ ميصير
ام كرار : اي احچي شلعتي گلبي
رحيق : عمة لمياء من تجي يمنا مو تاخذ تليفون كرار ومنزلة برنامج لكيت محادثة وية صديقة
ام كرار : صديقمن؟
رحيق : صديق كرار ووالله انقهرت ليش هيچ تنزل راسه وهو يحبهن وزين وياهن مو عيب باچر عگبة اذا تعارك ويا يعيرة ويگلة اختك صاحبتي زحمة بين الولد تزغرة هيچ واني گلت اگولچ احسن انتي امها
ام كرار : لا عيني شهالحچي هسة اطيح حضها اذا صدك
رحيق : شنو اذا صدك قابل اتبلى عليها والمحادثة موجودة اذا تريدين شوفيها
ام كرار : سدي السالفة واسكتي اني اتصرف
رحيق : مكيفة عود گلت لأمها صدك اتصرفت جابتلها تليفون من تجي يمنا تستخدمه گلت شعلية بيهن بس انتبهت اخوية گايم يجي علية من هي موجودة ضليت اراقب خاف بيناتهم شي بعده زغير ومراهق ضليت احوس لحد ما عرفت رمز تليفونها ولگيت محادثة بيناتهم وصدك عدها علاقة بأخوية
لمياء : انتي بأي حق تدورين بتليفوني
رحيق : باعي اني معلية بيچ شتسوين سوي بس اخوية لتتقربيلة هو جاهل ترة مو بگدج ومنا اخوچ يعني اذا صار شي تخليني بالنص بين اخوية وزوجي وانتي متزوجة راح تصير سالفة شكبرها
أنت تقرأ
ضحايا اشباه الرجال
General Fictionنحن اشباه الورود نحتاج فقط للماء النقي اما الجو الملائم رحيقنا كفيل بصنعه... ثلاث ورود يعاصرن الذبول لفترة من الزمن بسبب اولئك الذين قام المجتمع بتسميتهم رجالآ وهم مجرد ذكور
