ضحايا اشباه الرجال

البارت الثامن عشر

بدت بس مو منه
من روحي من عتها عت
وچلبت من عتها عت
وچانت بذاك الوكت  ما تعرف الناس
ولو تعرف الناس چا ما چلبت
وگتلة منا وگلي لا منا واجيت
والله لو گايلة منا وانتهت
وعمت عين الدنيا سوت بية هيچ
وعمت عينة بكثر ما عيني عمت
وجبت عمرك تبتعد وانة اقترب
وذاب روحي بحجة يضحي اليحب
ومستغلني وبية ما بية اعتنيك
اطلب هدوم ومواعيدك چذب.... (حسين السلطاني)
___________

رحيق : ليش كرار شنو تلعب علية موگتلي ارجعي ومنا روحي للامتحان ليش هسة متقبل

كرار : اي وبدلت رأيي

رحيق :  ليش يعني يهون عليك تعبي مو شفتني اقرأ وانضم بوقتي وتعبانة ليش ماگتلي لتعبين نفسج اني مو گد كلمتي وما اخليچ تمتحنين فدوه عليك الله والله حرامات واني قارية يعني بس امتحن ليش كسرتني

كرار : گتلچ لا يعني لا

رحيق :  الله عليك شبيك مو داتوسل بيك بداعة امك والله حرامات متكيف تشوف زوجتك دارسة ومتعلمة وتفتخر بيها

كرار :  لا رحيق سدي الموضوع وسكتي

رحيق : من سوة هيچ خلاني احقد عليه زيادة يعني غدرني شافني اقرة وتعبانة ليش وافق وبعدين گلب علية اشوف العالم تمتحن واني اتحسر گلبي يلوب وارجع اترسل بي وميقبل فات الوكت بعد ما ترهك شسوي گلت خلي ليش اسوي مشاكل والح سكتت
كم يوم ورجع نفس الوضع هاملني ومبتعد عني كأنما ما عايشة وياه احجي وياه ميفيد عبالك ميسمعني

كرار:  يابه شتريدين خابصتني

رحيق :  ادري شنو السالفة هم رجعنا لنفس الحالة تطب للغرفة ب٧ الصبح تنام شوية وتطلع للشغل ترجع تبقى برة بدل ما گاعد بالهول لو بالصالة طب يمي گول مرتي اشوفها اسولف وياها يعني الى متى نضل هيچ

كرار : هذا الموجود

رحيق :  اي ليش يا عيني غير اكو سبب

كرار :  ماكو سبب

رحيق :  حيرني ليش رجعني وليش عايفني وصلت مرحلة من گدما اشتاقلة اشتم بملابسة وابچي ليش وهو يمي بنفس البيت فديوم صفاحي توجعني گمت ابچي من كل كلبي

كرار :  ها شبيچ

رحيق :  كلياتي بوجعني تعال يمي

كرار : يالله ان شاء الله مابيچ غير العافية

رحيق : شو هذا باسني ولف راسة ونام گمت ابچي لحد ما ورمن عيوني وتعبت بحيث غفيت مادري بروحي شوكت چنت ابچي مو من الوجع من اهمالة وتعاملة وياية ردتة يهتم بية يحس شوية ماكو لا ضمير ولا احساس وهم صبرت گلت خل اشوف وين توصل وياه گمت ما احس بذاك الحب ولا ذاك الاشتياق بردت كل المشاعر بحيث صار ميعجبني وعايشة وياه هيچ لان اخاف اذا اعوفة اضعف واشتاقلة واخاف على ابني يربى بدون اب واخاف اتخذ خطوة وخاف اتراجع واخربها گلت انطي كل الفرص علمود ما الوم نفسي بعدين ولا اگول لو صابرة اجه يوم عيد زواجنا وگلت خل ابدي شي جديد ويارب سنة خير علينا حتى اذا علاقتنا مو شي خل ابادر اني
اشتريت غراض وزينت الغرفة وبدلت وخليت مكياج وجبتلة هدية ملابس مال طلعة وملابس مال بيت