ضحايا اشباه الرجال

البارت الخامس والعشرون

يشبه كلشي ولفي من الكَمر ليفوك

تنزل للنجم تظلم صفاته...

___________بقلمي نور الخفاجي

ريام :  ضل بابا يتصل على ميثاق ما يجاوب يربي شلون بية اضل هيج يومية ينهزم مثل الجهال شهالحظ يربي ضل بابا يتصل لحد ما جاوبه

ميثاق :  ها عمو

عدنان : انت وين رحت شوتعال عمو

ميثاق:  ما اجي متشوفها بس تفتش

عدنان :  جانت تدور على تليفونها ترة بجيبك تعال جيبه وروح

ميثاق : جذب تقشمرون علية

عدنان :  لا بابا قابل انت جاهل شنو نقشمر عليك يالله حبيبي تعال

ريام :  ضل ثل المخبل نقشمر بي ونسايس والله اقتنع يجي اجه اول ماطب لزمه بابا دخله للبيت كوة شبكه تشبك نخاف ينهزم ٣ ايام شوفني الويل  بابا يجيبله شرب ليل ونهار يشرب علمود ليصحى وگاعدين يمه مثل الحراس اخاف انام خاف اكعد ما الكاه لحد ما اجه يوم الحجز بليل بابا خلاه يشرب اهواب بحيث ميحس للصبح كاعد ما نام بس ميدري بشي گاله بابا امشي نروح نفتر وهو مصدك يبوس بية طلع ورجع باسني وحضني يگلي مشتاقلچ
وداه بابا لللمستشفى فحوصات واجراءات وهو كلشي ميدري سكر.. ان وطافي بس واصل نايم رجع بابا وعافه

عدنان :  هاهية ارتاحي بالمستشفى بأمان مينهزم بعد

ريام :  وشنو نعوفه وحدة

عدنان : لعد ابقى ارضعه شنو ترة انطاح حظ حظي هسه ادزله اكل وهمه يتكفلون بي معليچ وكل جمعة مقابلة واذا صار اي شي يتصلون علينا

ريام :  استمر بابا يدزله اكل ويخابر يطمأن من گاعد من النوم گالب المستشفى عليهم ويريد يشوف جهالة صارت روحه بيهمليوم الجمعة رحت اني وماما والجهال وصلنا نزلوا النا سلمنا عليه ونضحك وياه علمود ليضوج اخذتله جكاير وتليفون من هذا العادي الف ومية لان ميقبلون ابو الكاميرا كعدنا شوية وطلعنا مخذولين اباوع لجهالي يبچون يريدون ابوهم اني حالي يصعب عالكافر دمعتي على خدي وعباتي تسحل ومبهذلة والضعف اكلني ووجهي اصفر وحيل ما بية كوة سكتت الجهال رجعت للبيت حيلي مهدود  كلهم ملتمين عند اهلي خوال وعمام ما سلمت ولا گعدت ولا الي خلگ كلها عاشت مثل البشر الا اني حتى الحيوان احسن مني ما تهنيت من اخذته لليوم لا طالعة لا طابة لا ماكلة النوم وهو من حق اي انسان ان منايمته لا مفتهمة شي من حياتي ارقام البنات ضيعتهن ومدري من لاعب وحاضرهن مدري حتى مغيرين خطي وما ادري بالدنيا طشت رشت من گد ما ملتهية بضيمي خليت ونمت تعبانة كلش بحيث حتى اتعاجز انام گمت اخابره يضل يغلط وفاتحين خط نبقى من الصبح لحد مينام هم ماخلصت انوب بالتليفون مستلمني غلط وصياح وفشار وكفران واني اسايس

ميثاق :  الا اكتلچ تقشمريني انتي وابوچ وتجيبوني اهنا

ريام :  ميخالف حبيبي اتحمل على مود ترجعلنا سالم وطبيعي وترجع مثل قبل واحسن