ضحايا اشباه الرجال

البارت السادس عشر

لسنا مثلما تضن ايها الاخرق
نحن اللواتي يتساوى صبرهن مع جهاد الحق

نحن اللواتي وصفهن الرسول كالقوارير والمعنى ارق

لقد كنا في منازلكم من اميال الساعات ادق

نحن وان سقطنا فسقوطنا كله خيرآ  ك_حبات الودق

ضحايا اشباه الرجال! وان كنا ضحاياكم؟

حتى في عناوين ضعفنا نحن المذكور الاول

والرأي المسبق

نحن اللواتي في النهاية نُضيء

اذا كنا في بادىء الامر نُحرق

هنيئآ لكم عذريتنا ما دام الزواج محلل ومُصدق

وهنيئآ لنا سرقنا منكم ما لم يُسرق

سنصنع من ماؤكم رجالآ ليسو بأشباهٍ

ولا شبيهٍ لهم ولا ملحق

بقلمي (نور الخفاجي)
____________
حيرة حيرة احلها شلون والحيرة كلفة
عيني اعلى ولفي وعين ولفي اعلى ولفة
(لشاعرها)

رحيق: اقرة بالرسائل شلون يتوسل بيها وهي تتحجج بأمها واخوانها ليش مو اني المفروض احق بهذا الكلام والدلال ليش يتوسل بيها واني ضالة استجدي الكلمة منه ليش هيچ صار واني ما قصرت وياه فديوم
حسيت نار بصدري حسيت دا اذوب بمكاني شتصرف هسة وشسوي وليش ذال نفسة لبنت عمة واني مو ابالة سكتت اريد استجمع نفسي
كل يوم تزيد النار بداخلي اكثر ادزلة منشورات مال حب واشعار يجاوبني بسمايل ويرجع يدزهن الها 
متت بمعنى الكلمة ينزل ستوريات حب وغزل ويروح يدزلها ذني الچ
ضليت افكر شنو البية غلط خاف اني مقصرة اهتميت بنفسي زيادة لبس ومكياج ونضافة واهتميت بي اكثر اسولف واضحك دايسة على نفسي بلكت يحس وهو كلشي ماكو گلت احچي وياه بلكت شوية يتحرك

كرار :  خير شتريدين كل شوية وصايحتلي؟

رحيق : ليش عايفني

كرار :  ما اعرف

رحيق : بس اريد افهم ليش هاملني اني هم احتاج تهتم بية تسولف وياية تشوفني بية شي هم گلي زين سؤال انت تحبني لولا

كرار : اچذب عليچ اذا گتلچ احبچ

رحيق : ليش مو چنت تحبني وزين وياية شجاك لعد ليش علقتني بيك وخليتني احبك وهسة خليتني بنص الطريق اهتم بية حسسني اني متزوجة ميصير هيچ تهملني لو وحدة غيري تلعب على عشرة براسك بس لا اخلاقي ولا تربيتي تسمحلي وفوكاها لهسة احبك،

ماكو جواب كاعد يسمع بتململ لا احساس ولا ضمير
يطلع بالليل برة يراسلها ويحجي علية

كرار :  يمعودة تتوسل تريد بس اتقربلها واني لعبانة نفسي منها عليمن تغارين هي ذابة نفسها علية تريد بس اهتم بيها واني بالي يمچ امني ولتخافين