ضحايا اشباه الرجال

البارت الثالث عشر

تدرون تعبت حالتي النفسية
تدرون بية شبية لو ما تدرون
ياريت واحد يدري بية شبية
ماعندي حل والعنده حل يگلي
والدنيا ما يعجبها واحد مثلي
واليتعب من الدنيا يشرد للنوم
من يگعد من النوم وين يولي
يا يمة لو ما جايبتني احسلي
(حسين السلطاني)

رحيق : انكسرت كسرة مو طبيعية لان مصايرة بيناتنه مشكلة ومتفاهمين مجرد من خابرتة گتلة اشتريتلك ملابس جيبلي الفلوس وياك واتذكر گتلة اذا ما عندك خليها غير مرة بس هاي المشكلة متوصل للطلاق كلش تافهة ومتستوجب حسيت الدنيا وگعت على راسي اتفاجئت بتصرفة وحرت بروحي

فاطمة :  متطبين ماما شبيچ وشنو هاي الورقة البيدچ منو دك الباب

رحيق : كرار طلكني

فاطمة :  اسم الله الرحمن شو تعاي شنو طلگچ؟

رحيق : هذا تبلبغ مال طلاق جابة الرجال وراح

فاطمة :  دگعدي ماما حيلچ راح خل افتهم منچ

رحيق : عود ليش هيچ اني ممسوية شي والله واحبة ومهتمة بي وهو هم يحبني

فاطمة :  انتو متعاركين من اجيتي؟

رحيق :  لا هي بس شوية تناقشنا گتلة عالملابس مو گدامچ خابرته بس مو عركة تستوجب الطلاق

فاطمة : اتذكري زين بنتي

رحيق :  هو شتذكر عايشين مرتاحين وكلشي ماكو والله

فاطمة : صدك چذب شنو بنات العالم لعبة هيچ بدون سبب لتخبليني بنتي احچي صاير شي بينكم

رحيق : والله وداعة ابني كلشي مصاير وكلشي ما بيناتنا طبيعين مو كتلچ هاي اول مرة يبقيني هلكد يمكم عبالي ضايج بس ليش يطلگني راح اتخبل والله مداريته ومامقصرة ويا وهو هم مامقصر وياية ولا وجان واضح عليه ممكن يبيعني فديوم مو گدامچ من جبت شلون يلوب علية ليش هسة اتخلى  غير افتهم

فاطمة : على كيفچ ماما ابنچ اخترع من صوتچ اصبري خل يجي ابوچ اگولة شوف يدزمن عليهم علمود نعرف ليش سوة هيچ

رحيق :  شنو تتوسلون بي يرجعني؟

فاطمة :  منتوسل بي بس نفتهم السبب حتى هسه العالم من تسألنا شنگوللهم مندري ليش طلگها مامعقولة يا بنتي

رحيق :  ضليت مصدومة لان ما اعرف السبب شنو هذا راح يخبلني مامسوية ذنب لا هو متعارك وياية على شي شنو هيچ سهلة يعوفني ليش لعد خلاني احبة واتعلق بي وهذا الطفل شنو يربى بدون اب شلون ادبرها وحدي بعدني زغيرة على هالهم

اجه بابا وامي گالتله ابوية هم ماكذب خبر دز عليهم عالم يابة شكو عليمن مطلك بتنا نريد سبب طولوا فترة وطول هالفترة اني نفسيتي تدمرت گمت اتذكر شكو موقف حلو بيناتنا واگول معناها چان يمثل علية معناها ميحبني وارجع اتناقض وية نفسي لان اني احبة صبيت كل مشاعري عليه كل اهتمامي صار هو وابني ليش هيچ سوة بحيث مامصدگة ورغم فعلته بس اشتاقلة متعودة ما انام الا هو موجود يمي حتى اذا متعاركين كل الضروف الصارتلي قبل الزواج ولدت مني شخصية هشة بسرعة تعلقت بي وهو چان مبادلني الحب من اجاني التبليغ مثل الضربة على راسي فجأة بدون مقدمات وبدون مشاكل انام واكعد اعيد بذاكرتي خاف اكو سبب مامنتبهتله ماكو عذر مقنع ويساعدني ارتاح،
دزوا علينا يريدون يجيبون شيوخ ويحچون وية ابوية ابوية هم گعد هو وعمامي ودز عليهم واجوي
يسألوهم شنو السبب ماكو سبب حاولوا رادوا ماعندة عذر اخر شي ابوية گاللهم اذا تريد تطلك بتنا على سبب مو هيچ مو لعب جهال هو بعدين تدخلوا الشيوخ الجايبينهم ورجعوني بدون ميسألوني قابلة ترجعين لولا كل همهم ما ابقى مطلقة
رجعت حياة جديدة مليانة اهمال والوجوه ثكيلة وكلها ضايجة مني طلعة ما اطلع مصرف ميكفيني لان كعد من الشغل ياخذلة ايام زين ويرجع كأنوا مصاير شي تمرض ونفسيتة تغيرت گلت يجوز حس بالمسؤولية من صار عدنا طفل وتعب وتفكير وصار هيچ