ضحايا اشباه الرجال

البارت الرابع

ارجع من وكت ما چنت متعود
شسووا بية خلوني اعلى طبت بيتنا اتلفت ومتردد
مثل اليطب اول مرة للتوقيف
حرت بروحي وين اكعد...
(الشاعر جاسم محمد)

يؤذيني الجميع بوقت واحد
يبدو اني اسر الناضرين عندما اتألم...
بقلمي (نور الخفاجي)

ريام : ضلت حچايتة ابالي يوم ويومين نسيتها
قوت علاقتي بميثاق وصار يجي بالاسبوع مرة ونتخابر يومية

ميثاق : ها حبيبتي شلونچ اليوم

ريام : زينة بوجودك بس والله استحي اخابرك من تليفون ماما

ميثاق : ميخالف عمري من نتزوج اجيبلج تليفون ولو تجين يمي بعد المن تخابرين

ريام : من تروح للشغل اخابرك اخابر اهلي يعني ضروري

ميثاق : صار تدللين من نتزوج اجيبلج

ريام : هذا الاسبوع تجي مو؟

ميثاق : لازم مشتاقتلي عيارة ومن اجي تكضيها تختل تستحين

ريام : مو زين استحي يعني؟

ميثاق : كلش زين بس مو هيچ جفاف

ريام : يعني شنو؟

ميثاق : ولچ شو انتي كلشي متعرفين الظاهر راح اربيچ على ايدي

ريام : احد گالك مخطوبة قبل

ميثاق : شو بس مخطوبة غير تگولين متزوجة قبل لو ماناوية نتزوج

ريام : لا نتزوج بس مو هسة خل اعرفك زين تعرفني نتعود على اطباع بعضنا

ميثاق : ادري قابل فضائي بشر حالي حالچ

ريام : ميخالف ماريد زواجنا تقليدي غير احبك تحبني

ميثاق : هاي شنو

ريام : اي غير الصدك علواه نفصخ الخطوبة
بعدني ما حبيتك

ميثاق : هم رجعنا لهاي السالفة انسيها بمرور الوقت تحبيني واحبچ

ريام : ليش انتي متحبني هسه

ميثاق : اموت عليچ والله بس انتي بعدچ طفلة ومتعرفين اكو شغلات غشيمة بيها

ريام : اي من اجي يمك علمني

ميثاق : فدوة احد گايلچ قبل تشبهين باربي

ريام : وين اكو صح عيوني مسحوبة بس مو لهالدرجة

ميثاق : شايفة اللعابة باربي الزغيرة تشبهيها والله بس شعرج اسود

ريام : شكرا من ذوقك

ميثاق : ترة اني مو جيرانكم شنو من ذوقك

ريام : لعد شحچي والله استحي وما اعرف يالله شكرا حبيبي

استمرينا نتخابر يومية الى ان فديوم اتصل عمي على بابا يطلعلة مشغول يتصل على ميثاق يطلع مشغول عرف دنسولف سوة اتصل على تليفون ماما وحچة ويه بابا