ضحايا اشباه الرجال

البارت العاشر

اثقلتنا الهموم فتقبلنا ثقلها لعلها تخف
وكلما زاد نبضنا وضعنا ايدينا على الصدور وقلنا لا تخف
خدعتنا الكلمات والوعود وكنا نجهل غيرنا ماذا يخف
وقتلنا الجميع وما زلنا اقوياء فقط من انفسنا نخف
فأن سولت لنا من غير الله يردعها وكيف بها اذا لم تخف...
          (نور الخفاجي)

رحيق :  كلش انقهرت من ما انتبهلي حتى من نمت من وكت ثاني يوم حسيت عليه يحوس يريد يحاچيني

كرار :  تعاي رحيق شبيچ شو ضايجة من البارحة لليوم ومتحاچيني حتى صباح الخير حبيبي ما گلتي

رحيق : زعلانة منك وانت حتى ما انتبهت

كرار :  ليش شمسوي

رحيق :  عيب تفتش بالمحادثة حيل ضوجتني وانوب فشلتني گدام اهلك تسألني

كرار :  عادي قابل اهلي غربة وگتلچ والله مو بقصد افتش بس هيچ فضول لا اكثر

رحيق : مرة ثانية لتعيدها وتزعلني منك هذا شي خاص بية ميصير هيچ

كرار : صار والله بعد متتكرر بس لتزعلين ولچ تصيرين مو حلوة من زعلانة

رحيق :  ها انوب طلعت مو حلوة

كرار :  اشاقة وياچ والله تخبلين بس من زعلتي شوية مو حلوة يعني ما اعرف شلون اشرحها اهووو رحيق كافي اسف

رحيق :  هاهية عمري فدوة الك،

تندمت بعدين لان اول زعلة الية لا تدللت ولا ضليت زعلانه بساع رضيت عبالي هو لازم واحد بسرعة يرضى مدام شخص يحبة ما چنت اعرف هيچ يتمادى
صارت السبعة مالتي واجوي اهلي وابوية اول مرة اشوف ابوية هيچ يبچي،
رحيق :  شنو هاي بابا طلعت عزيزة عندك

توفيق :  لعد شلون مو عزيزة غير بنيتي والله ندمان على كل مرة مديت ايدي عليچ بس يا بابا الانسان اهم شي سمعته ديربالچ على نفسچ وبيتچ وزوجچ اهم شي سمعتچ بعد انتي صرتي مرة ماريد تصرفات الزعاطيط تنعاد

رحيق :  لا بابا وعد والله بعد ماكو ذنيچ التصرفات چنت غبية وما افتهم نالحمد لله عدت

فاطمة :  عيني شنو هاي معزة تالي وكت تتبسبس انت وبنتك

توفيق : وسفة قابل غريبة وگمت اعزها من تالي غير من خوفي عليها والله يابنتي شلعتي گلبي من طلعتي من البيت

كرار : عمو قابل وين رايحة منك هي موجودة وشوكت متريدها تجيك واني مخليها بعيوني والله

توفيق :  الله يسعدكم وليدي شريد منكم قابل

رحيق : خطية ابوية يحچي ويبچي تندمت اهواي لان اذيتة بذيج الايام وجازفت بسمعته الحمدلله من الله وفقني وانطاني انسان يعوضني
گام ابوية كل كم يوم يجيني ويتفقدني يجيبلي حلويات لو يخابرني يفتح كامرا بعدين تمرض گام ميجي بس يخابرني مر شهر على زواجي وفجأة بدت عندي اعراض الحمل گلت اخابر امي تجي تاخذني احلل