هلي شافوني ما انفع
شنو من المغرب اتوجع
صرت ماي ابلم واتخيل شمكروه
عليه تگابلوا رادوني بس اطلع.. (الشاعر باهر جنديل)
__________
ساهرة : تعاي ماما ابوچ يريدكم بموضوع انتي واختچ
ريام : ماما شو الدمعة بعينچ شنو السالفة نرفض
ونفضها
ساهرة : نصي صوتچ ولچ ليسمع وابد لتوافقون فدوه بناتي مو تقتنعن ما اوصيچن
عدنان : صار ساعة كاعد انتضر ساهرة شدتحشين براسهن
ساهرة : ها عيوني لا داگوللهم بدلوا وروحوا سلمو على ابوكم يريدكم
عدنان : اعرف سوالفچ بس خل اتفاهم ويه البنات صبريلي يالله تعالن وينچن
ريام :جينا بابا حبيبي شبيك عصبي منو مضوجك
عدنان : ماكو شي بابا تعالن وسدن الباب
ريام : اي بابا،
طبينا نتراجف ونفرك بأيدينا وكأنما مسويات مصيبة
عدنان : بناتي ولد عمكم خوش ولد ميثاق بعد اجه اهنا لبغداد ياخذج ريومه وارشد ياخد مناوي شتگولون
منى : بس بابا احنه بعدنا زغار ونريد نكمل دراسة وهم منعرفهم حيل
عدنان : بنتي نطول فترة الخطوبة هسه بس قراية فاتحة وعقد وتبقون تدرسون لحد ما توصلون السادس يالله تتزوجون، ها ريومه شگلتي؟
ريام : لا بابا ما اگدر والله ما اريد اتزوج شمفهمني بالزواج اني
عدنان : حبيبتي هو الانسان شلون يفتهم غير بالتجارب مو هاي كلها بناتها زغار وتزوجوا
امچ من اخذتها ازغر منكم
منى : اني ماريد اتزوج
ريام : اني هم بابا تعذرني ماريد
عدنان : گومن من يمي بنات الكلب تريدن تفشلني
ويه اخوتي شگول امشي بحچي النسوان هاي امچن
علمتچن تريدچن لولد اخوتها مو؟
ريام : لا بابا والله ماما معليها فدوه احنه زغار ونريد نكمل دراسة
عدنان: انعل ابوچن لابو الدراسة گومن من يمي يالله
ريام: گمنا من يمه وضل يصيح ويغلط على ماما
عدنان : لچ ساهرة اوكفيلي طلاگچ راح يصير من ورة ذني ما دام هيچ علمتيهن وگويتيهن علية عبالچ من ختلتي بيهن مادري بيچ
ساهرة : صدك چذب اني شعلية وبعدين شدعوة هيچ منفعل بناتك زغار مو حمل مسؤولية خطية ليش تظلم بختك
عدنان : خل يوافقن لا اهجم البيت على راسچ وراسهن عيب من اخوتي ولچ فشلتيني
ساهرة : ادري شنو ماعدنا خبز ونزوجهن وانوب هنَ ماراضيات شجاك يارجال
أنت تقرأ
ضحايا اشباه الرجال
General Fictionنحن اشباه الورود نحتاج فقط للماء النقي اما الجو الملائم رحيقنا كفيل بصنعه... ثلاث ورود يعاصرن الذبول لفترة من الزمن بسبب اولئك الذين قام المجتمع بتسميتهم رجالآ وهم مجرد ذكور
