ضحايا اشباه الرجال

البارت الخامس عشر

الجرأة تفيدك من تصارح المحبوب
مرات القلق بالحرب هم سلاح
من توصل الحدها وتدري راح تموت
اضحك حتى تخرب هيبة الذباح
_______________
بس اتفاجئت من شفت النخل محروگ
استغربت الهدوء العايشة الفلاح
لا تحچيلي عالحب والطيور تخاف
النوارس تبتعد من يغرگ السباح
ساكت مو لان ما عندي راي وصوت
البيوت الانهجرت يبقى بيها صياح
طلعت بوجه الابيض من سواد الليل
مثلما بالمشانق تطلع الارواح...
للمبدع (علي شاهين)

رحيق : من عرفت هي نفسها جيرانهم واني يومي يخلص بالقلق والتفكير والليل نهائيآ ما انامة انتضر يطب وهو كالعادة الصبح يالله يجي للغرفة

كرار : والله خبلتيني بس تشكين شبيچ

رحيق : اذا انت مگابلها الليل كله وتگلي شبيچ شبية غير زوجي واريدك ليش هيچ دتسوي بشنو مقصرة اني

كرار : ومنو گالچ اني مگابلها گاعد وية جماعتي نسولف ونضحك

رحيق : شنو ما عدهم اهل باقين للصبح مجاي استوعب وين اكو واحد يبقى هلگد برة زين انت شجاك هيچ تغيرت والله راح تخبلني متريدني متشتاقلي

كرار : اهووو شگد تدورين مشاكل اروح انام بالهول احسن

رحيق: گام يتهرب مني وبين فترة وفترة يتمرض ومن يتمرض ميريدني

ام كرار : شبيك ابني متگلي شجاك هسة مريض شكو تصيح

كرار : ما اريدها ما اطيق وجودها خل تطلع من البيت ودوها لأهلها لتبقيها گدامي

ام كرار : شمسوية البنية وهذا ابنك خطية متكلي شبيك جاهل

كرار : يمة اذا تبقى بالبيت اني انهزم ما اتحمل وجودها جاي اكلچ ما اريدها

ام كرار : بس كافي لتضل تصيح خطية تسمعك شجاكم والله خبلتوني

رحيق : اسمعة شلون يحچي وميريدني واحس گلبي يصير الف قطعة ليش هيچ المشكلة احبة ومامقصرة وياه ومدللته ليش هيچ ميريدني

ام كرار : يمة روحي لاهلچ كم يوم ارتاحي وهو هم يرتاح بلكت يشتاقلچ يشتاق لأبنة ونرجعچ

رحيق : هم من اروح لأهلي يگلولي شنو السبب شگوللهم

ام كرار: گولي تعبانة مريضة واريد ارتاح لتوصليلهم المشاكل علما اني اخذه لسيد لدكتور واشوف شنو علته

رحيق : سمعت كلام عمتي رحت مابيدي شي احبة واخاف اگول لأهلي خاف تكبر وهم يطلگني ضليت يم اهلي عشرين يوم الوب شوكت يجون علية شوكت يحن ويگول اريدچ امي تسألني اگوللها البنات باقيات يمهم وعلمود لتصير مشاكل اجيت يمكم وكرار گلي ارتاحي واتونسي لحد ما يرَحن اشترتلي امي تليفون ودزيتله رسالة انطيته رقمي وماكو ما جاوب حتى خلصن ال٢٠ يوم اجتي حماتي علية اخذتني اثناء السوالف عرفت بت عمهم باقية يمهم طول فترة غيابي ضليت بشك معقولة بينهم شي ولان هي يمهم ما خابرني ولا اجة علية بس گلت ما اريد اتهمة الا الزم دليل بيدي
رجعت وهو نفس سوالفة ضليت اراقبة مغير رمز تليفونة زين شلون افتحة وگام من ينام يضمة جوة راسة يخاف الزمة ويتختل حيرني شضام وشعندة وبعده نفس الاهمال اي تصرف حلو ما طلع منه ضليت احوس عالتليفون اريد بس الزمة لحد ما فديوم اني اعرف وقت رجعته من الشغل واعرف وين يكعد فقبل ليجي بدقايق فتحت تليفوني وشغلت تصوير فديو وخليته ورة الكرسي اليكعد عليه اكو صيدلية بالحايط هيچ فتحة قديمة يخلون بيها الادوية خليت التليفون هو ميشوفة بحيث ضهرة يصير عليه بس التليفون البيدة يتصور ويبين من اجة مثلما توقعت گعد شوية واجيت اريد اخذ التليفون بس شلون وهو گاعد