ضحايا اشباه الرجال

البارت الثامن

تايه عمري خلصته
عشت مثل الحچي الما منحچي بوكته
اريد انسان مدري لسان اصيرن طرف سالفته
انه الواضح الما مفهوم اشبه كلشي بالسكته
انه اليركض بسرع الخيل بس النملة غالبته
جهاز الجري شكد مسكين يمشي وكلها سابگته.....
               بقلمي (نور الخفاجي)

شفق :  شو هذا صارلة ٣ ايام لا گال زوجتي خل اخابرها خل اشوف شبيها اكلچ عمه وائل هم خابرچ

ام وائل : لا اني خابرته البارحة بالعرس ومتونس وية الولد شبيچ يمه شو وجهج تعبان وحايرة

شفق : يمه انتي راضية على معاملته اليه

ام وائل : بنيتي احنه ناس من اهل الله وهو هيچ الله خالقة ميعبر ولا يفتهم ولا كمل دراسة ولا فلح بيها وهم ما لحك على ابو الله يرحمه   اني ربيته ولا عنده اخ وخواتة تزوجن من وكت هم هنه يشكون زلمهن منهن الظاهر اني ماعرفت اربي

شفق :  لا يمه حشاچ ما گلت هيچ بس ميصير اني هم شابة واريد احد يهتم بية ولا عندي ام ولا اب واخوتي گدامچ خو سعد غاسلة ايدي منه وحكيم صح شوية ارحم بس هم ماعنده اهتمام بية ملتهي ببيته وعائلته خوما يگابلني ويگعد

ام وائل :  ميخالف بنيتي وصبري بلكت ربچ يغيره بلكت يتعلم من الولد تره هو يحبچ وفطير وعلى نيته وين اكو رجال يقبل مرتة تغلط عليه اباوع عليكم اني ترة واگول خليهم براحتهم مدام متوالمين هيچ

شفق : علواه ميقبل علواه بس غير شوية يتحرك لو يستهزء بية من احچي وياه لو عايفني وشحاچيه يگلي قابل انتي غريبة  وبعدين ليش ميرضه يراجع لشوكت نبقى بدون اطفال وگدامج اني كلما اروح يگلولي مابيچ شي والله اتمنى طفل يرد وحشتي

ام وائل :  ماطلبتي غير حقچ بس اوصيچ بنيتي اريد منچ تديرين بالچ على نفسچ مو لان فارغة وهو ما يعاملچ مثلما تريدين يجي احد يقشمرچ بكم حچاية تلثگين وتصير سمعتچ على كل لسان تره حتى اني اصير ضدچ

شفق : لا يمة شلي بهالسوالف بس والله تعبت حياتي فارغة كلشي مابيها

ام وائل : الله كريم اني احاچيه من يجي بلكت يلتفت شوية وهم جيرانه لگاله شغلة گال يگعد بالاسواق وانطي ال الله قاسمة لان عنده دوام ويريد عامل هم يتغير شوية من يشتغل ويشوف عالم اصبري بنيتي الله كريم

شفق : شعندي غير الكريم،

گمت من عمتي هاي اني من الساعة ١٢ نتغدة اني وياها وابقة فارغة لان هي تگعد من الصبح وتگعدني اكمل شغلي وابقى من الظهر لليل كلشي ماعندي
نمت شوية وگعدت راحت عمتي لبيت جيرانة مرة كبيرة بگدها خطية هم تضوج تروح يمها تسولف تغير جو واني اضل افتر اصعد وانزل اطلعلي شغلة من جوة الكاع المصيبة حتى البيت نضيف ماعنده احد يوصخ بقيت احوس عالتليفون ارمش لأنس لولا
لا شوصتني عمتي خل اگعد راحة بس اني محاچية شي ومجاي ارضى عالغلط بس خاف تجرني السوالف
بس هو ابن عمي قابل يشوه سمعتي ضليت اتناقض ويه نفسي لحد ما رمشتله واتصل