ضحايا اشباه الرجال

البارت الرابع والعشرون

صفينا بلا ملامح
ياحزن ياشوگ
طلعت روحنا و الجسد خالي
گمنا بلاية شوف نعاشر الناس
المهم يومنا مخلص شلنا بالتالي...

بقلمي نور الخفاجي

ريام : ضليت اتصل على ميثاق مغلق گمت ادك والطم مرت ساعتين  اجه طول هالساعتين ما سكتت عيني بس ابجي وادعي يارب كون ما ينهزم

ميثاق : شبيج واكفة بالباب

ريام : وين رحت متكلي

ميثاق :  رحت للبيت بدلت ملابسي واجيت

ريام : مو عندك ملابس اهنا اني جايبتلك گول رحت اخذت جرعة مووو

ميثاق : لا يا جرعة شبيج بابا بابا مخبلة انتي صبرت كل هالايام

ريام : يحجي بس مو عصبي مرتاح عرفت جذاب سكتت شسوي

عدنان : تعاي ريام هذا دكتور  بالموصل راح اطلع هسه اخذ ميثاق

ريام :  صدك يا الله مو هذا مركز قريب ليش تروح للموصل

عدنان :  ميخالف بابا نسأل ونراجع اكثر من دكتور شنسوي لعد انتي تعبتي واحنا تعبنا

ريام : شفت كلام بابا صح سكتت كلت خل نشوف شيكول الدكتور استغربت ميثاق ماعارض راحوا واني گلبي نار افتر بمكاني واكوم  واكعد ما اعرف شريد بس خايفة لان ادري بي متعاطي كل شوية اخابرهم بالطريق لحد ما وصلوا بالليل وكعدوا بفندق
اتصل علية ميثاق تعجبت يخابرني من ذاته

ميثاق : ها ريام دازتني وية ابوج العار

ريام : شكو ياستار وين بابا ميثاق انت وين

ميثاق : لتصيحين لج هذا نايم ابوج

ريام :  وانت متنام شعندك كاعد

ميثاق : ماريد انام اريد اكوم اكتل ابوج راح ادچه بالسچينة هو ميدري

ريام : لا عفية عوفه الله يخليك

ميثاق : اكلي خرة بنت الكلب عبالج نسيت شلون حابسيني
صارلكم شكد هسه اك... تله وانهزم منا وبعد متلگوني

ريام : لا حبيبي حباب فدوة بعد معلينا بيك بس عوف ابوية لتسويلة شي فدوة هو غير يحبك ولمصلحتك

ميثاق : يا يحبني لج انتي متحسين شصاير بية اني من احتاج الجرعة ومتخلوني اطلع احس جسمي يتشكك لج ألم متعرفوا

ريام : اسمعه يبچي ويحچي بحرگة

ميثاق :  لچ عبالج اني متونس هيج اني تعبان وتعبتكم وياية شايفة روحج بالمرايا شصايرة هيكل عضمي جهالي يخافون مني
انتي تراقبيني حتى من انام  تبقين كاعدة خليني انهزم واخلص واخلصكم

ريام : لا فدوة ميثاق حرامات يروح تعبنا الله يخليك والله اني صح تعبت بس مستعدة اوكف وياك بعد حتى اذا سنين يالله تتعالج والله لو بيدي اشيل الالم منك اخلي بية بس نخلصمن هالمصيبة هسه باجر الصبح ترحون للدكتور وراها تجون تروح لهذا المركز  والله تعالج وترجع احسن من قبل بس لتتصرف بدون ما ادري ولا تطلع حباب  والله كاعدة ارجف من الخوف