ضحايا اشباه الرجال

البارت الرابع عشر

گاعدة بروحي السوالف صخرة
تثگل بصدري وتصد الحسرة
سماك من تثگل سوالف كلها ماي
تطلع من الغيم وتشك صدرة
تنزل اعلى الكاع وتعاتب جفاه
بكل خلگها تذب حچيها بگطرة
وانه خلگي اهناك ذبيته بطريج
الوادم الداسوه ناموا حدرة
اهواي حبوني ولكن بالوجوه
شما اصد لگلوبهم شو صفرة
الناموا بسدي نسو ضلي الچبير
الگعدوا براسي اطلعوا من شعرة
الغزت راسي مواقف موش بيض
حتى اقشمر روحي هيبة اعتبرة..

بقلمي (نور الخفاجي)

رحيق : اقرأ المحادثة وارجف ما قصرت بشي وياه ليش يخوني انوب هي هم متزوجة ضليت ارجع بالتاريخ مال المحادثة نفس الفترة الهملني بيها طلع يقضي وقته يسولف وياها واني حايرة بي وافكر شلون اغير نفسيتة اقره الرسائل شلون مهتم بيها وشلون يغلط علية (مدري منين اجتني هاي انعل ابوها لابو الجابها الصخلة باجر اوديها لأهلها واخلص منها)

وهي هم تغلط على زوجها گدامة وعايشين الدور تغار مني ويغار عليها من زوجها انصدمت من كلامة شنو هالقرف الساعة ب٣ بالليل ما اتحملت للصبح خليت وكعدته واني ارجف ودموعي تجري واحس نار بصدري

رحيق : گوم كرار گوم حاجيني

كرار : شكو شصاير شبيچ؟

رحيق : لزمت التليفون وشوفته،

شنو هاي المحادثة ومنو هاي وبأي حق هيچ تتصرف بشنو مقصرة اني انطيني تقصير واحد انطيني تصرف ولو يوم اهملتك بي مهتمة بيك واريدك واحبك اكثر من روحي ليش هيچ تسوي

كرار : بس على كيفچ والله اسف والله متنعاد لتصيحين دنيا الليل راح صوتچ

رحيق : لك بس اريد افتهم شمسويتلك وهذا الدلال المفروض الية والسوالف والضحك والونسة عايفني وملتهي تسولف وياها ليش وهي مو متزوجة لك شنو هالنفسية شنو هالقرف شلون تواجهون نفسكم

كرار : والله حقچ والله هسة احضرها وخل تولي بعد ما اراسلها ولا اتقربلها ابوس ايدچ كافي

رحيق : يبوس بأدية ويتوسل واني احس صار حاجز شكبره بيني وبينة لا اسمع ولا احس ما خلة شي ما سواه حتى اسامحة

كرار: رحيق اروحلج فدوة والله غلطة ومتنعاد لتخربين حياتنا بيناتنا طفل

رحيق: لعد ما فكرت ما گلت ام ابني هاي شلون احچي عليها گدام وحدة متسوه فلس
لك هي نفسها ماصاينتها زوجها ما صاينته شلون تأمن تحجي علية گدامها شلون انطاك گلبك راح اتخبل

كرار : ابوس رجلچ كافي ابوس ايدچ راح تموتين بس على كيفچ

رحيق :  عساني متت وخلصت منك

كرار :  ومصطفى المن تعوفي واني شلون

رحيق : لك اااخ لوما هالطفل كاسر ظهري عوفني الله يخليك عوفني بحالي