ဗီလိန်ရဲ့ပိုက်ဆံအကုန် သုံးပစ်မယ်
အခန်း - ၁၃၉+၁၄၀
အခန်း ၁၃၉
**
သူမရဲ့တုံ့ပြန်ချက်ကိုကြည့်ပြီး လီချိန်ကျန့် သူ့သမီးတစ်ခုခုလုပ်ခဲ့တယ်ဆိုတာ သေချာသွားကာ ပိုပြီးဒေါသထွက်လာသည်။
"ဒါက ငါ နင့်ကိုမေးချင်နေတာပဲ"
"မနေ့တုန်းက ငါတို့ကုမ္ပဏီနဲ့လက်တွဲထားတဲ့ လုပ်ငန်းကြီးတွေအားလုံးက ငါတို့နဲ့ရှေ့ဆက်ပြီး လက်မတွဲချင်တော့ဘူးလို့ပြောလာကြတယ်။ ပြီးတော့ ဒီဝိုင်ပုလင်းကိုပို့ပြီးတော့ နင့်ကိုမေးဖို့ပြောလိုက်တယ်ကွ"
"ဘယ်လိုဖြစ်နိုင်မှာလဲ။ အဖေ သမီးသိတာတော့ သမီးတို့ရဲ့အကြီးဆုံးလုပ်ငန်းပါတနာက HBမဟုတ်လား။ နိုင်ငံခြားကုမ္ပဏီလေ။ ဂူရှီးရှီးနဲ့ဘာပတ်သက်လို့လဲ"
သူမပြောလိုက်တော့ လူတိုင်းရဲ့မျက်နှာက မဲမှောင်သွားသည်။ အဖိုးလီက မျက်မှောင်ကျုံ့ကာ
"ဂူမိသားစုက ကလေးလား။ ရှောင်ရူ နင် သူမကိုဘာလုပ်ခဲ့တာလဲ"
"သ..သမီး ဝိုင်နည်းနည်းကို..သူမအပေါ် မတော်တဆဖိတ်ကျခဲ့မိတာပါ"
လီယီရူအံကြိတ်လိုက်ကာ
"ပြီးတော့ စကားနည်းနည်းများခဲ့တယ်။ ဒါပေမဲ့ သူမက ဂူမိသားစုက ပြန်ခေါ်လာတဲ့ လူသာသာပါပဲ။ နိုင်ငံခြားကုမ္ပဏီနဲ့အဆက်သွယ်ရှိဖို့ဆိုတာက မဖြစ်နိုင်ဘူး။ သူမမှာ ဂူနဲ့အဆက်သွယ်ရှိယုံလေးပဲ။ အဖိုး တစ်ခုခုအထင်လွဲစရာရှိနေပုံပဲ။ သမီးတို့ကုမ္ပဏီက ဘာဖြစ်လို့ ဒီလို…"
လီချိန်ကျန့် ဒေါသထွက်လွန်းကာ
"နင့်ပါးစပ်ကိုပိတ်ထားစမ်း! ဘာကို အလှပန်းအိုးလဲ။ သူမက ဂူမိသားစုရဲ့ပျောက်နေတဲ့သမီးပဲ။ နင်က ဘာစောက်အကြောင်းပြချက်နဲ့ဝင်ပြောနေရတာလဲ"
စီးပွါးရေးဆိုတဲ့လောကထဲမှာ ရန်သူနည်းပြီး မိတ်ဆွေပေါများတာက ကောင်းတဲ့အရာဖြစ်သလို ကတောက်ကဆကြောင့် မိတ်ဆွေကနေ ရန်သူဖြစ်သွားတာက ဆိုးဝါးလွန်းသည်။
လူငယ်တွေက မိသားစုနောက်ခံကိုသုံးပြီး မောက်မာနေရင် မိသားစုရဲ့ဂုဏ်နဲ့ဆိုင်သွားမယ်လို့ သူတို့မတွေးခဲ့ကြဘူး။ အထူးသဖြင့် ဂူမိသားစုက ဂူရှီးရှီ။ သူမကို သွားပြီးတိုက်ခိုက်ဖို့ မလိုဘူး။
YOU ARE READING
ဗီလိန္ရဲ႕ပိုက္ဆံအကုန္လံုးကို ငါ့အတြက္သံုးပစ္မယ္😎
Romance#This is not my work. Name - Spending the villain's money to extend my life Author - Salted Lobster / 盐焗大龙虾
