အမျိုးသားခုနစ်ယောက်ကို ချစ်ခွင့်ပန်ရမယ်တဲ့..! ဘယ်လိုလုပ်ရမလဲ..? [ 2 ]

215

Unicode

မည်သည့်ခန္ဓာကိုယ်ကို သူရွေးချယ်ပါစေ၊ မပြောင်းလဲသည့် အချက်ကား နတ်ဆိုးအရှင်ခုနစ်ပါးအနက် တစ်ယောက်ယောက်၏ အနီးတွင် ကျိန်းသေပေါက် ပြန်အသက်ရှင်ရမည်ဆိုတာပင်။

သို့သော် ခန္ဓာကိုယ်ရွေးချယ်ရာတွင်တော့ သူ၏ဦးနှောက်ကို အသုံးချ၍ရသေးသည်။ အတောက်ပဆုံး အလင်းစက်များသည် သူ့ဝိဉာဉ်အတွက် အသင့်လျော်ဆုံး ခန္ဓာကိုယ်များပင်။ ထိုနည်းတူ အသင့်လျော်ဆုံး ခန္ဓာကိုယ်များသည် နတ်ဆိုးအရှင်ခုနစ်ပါး၏ အနီးကပ်စောင့်ကြပ်မှုအောက်တွင် သေချာပေါက် ရှိနေလိမ့်မည်။

ဥပမာအနေနဲ့ ရှဲ့ချင်းလန်နဲ့ ကျွင်းမော့ကိုသာ ကြည့်ကြပါတော့…

ဆရာခြူးမှာ မျက်နှာရှုံ့မဲ့သွားပြီး စိတ်မချမ်းမြေ့ဖွယ် ထိုကိစ္စများကို ပြန်မတွေးတော့ရန် ဆုံးဖြတ်လိုက်မိ၏။

ယဲ့ကျန့်ဟန်က 100% စိတ်ကုန်စရာကောင်းလွန်းသဖြင့် ထိုအမျိုးသားထံ သူ မသွားချင်ပေ။ ရှန်ရွှိန်ယန်း….. ထိုကလေးဆီသာ သွားလိုက်မိလျှင် ကျွင်းမော့နှင့် ရှဲ့ချင်းလန်ဆီ ရောက်သွားစဉ်က ဖြစ်ရပ်များလို ကြုံတွေ့ရမည်မှာ 90% ကျိန်းသေနေလေသည်။

အာ… စိတ်ပျက်စရာကိစ္စတွေ ပြန်မပြောတော့ဘူးလို့ ပြောထားတယ်လေ..!

ထို့ကြောင့် အတောက်ပဆုံး အလင်းစက်နှစ်စက်ကို မရွေးချယ်တော့ဘဲ မှေးမှိန်နေသည့် အလင်းစက်များထဲမှ တစ်စက်ကိုသာ ရွေးချယ်ရန် ဆုံးဖြတ်လိုက်တော့သည်။

မည်သည့်နတ်ဆိုးဘုရင်အနားကို ရောက်သွားမလဲ မပြောတတ်သော်လည်း မှိန်ဖျော့ဖျော့ အလင်းစက်များသည် သူနှင့် သိပ်မသင့်လျော်သဖြင့် နတ်ဆိုးအရှင်များလည်း သူ့ကို သတိထားမိလိမ့်မည် မဟုတ်ပေ။

ခြူးမုယွင်၏ လက်ရှိဦးတည်ချက်ကား ရန်ချန်းနှင့် လင်းရွှမ်သာ ဖြစ်၏။ ထို့ကြောင့် တခြားနတ်ဆိုးအရှင်များကို မမြင်ရလည်း ကိစ္စမရှိ။ တကယ်တော့ မမြင်ရလေ အလုပ်ရှုပ်သက်သာလေ၊ သူ၏ Mission လည်း အနှောင့်အယှက်ကင်းလိမ့်မည်။

ခြူးမုယွင် : “Zero.. အမှိန်ဆုံးတစ်ခုကို ရွေးလိုက်..”

Zero လေး : “(⊙v⊙) အိုကေ..!”