အမျိုးသားခုနစ်ယောက်ကို ချစ်ခွင့်ပန်ရမယ်တဲ့..! ဘယ်လိုလုပ်ရမလဲ..? [ 2 ]

228

Unicode

“ပြီးတော့ မင်းက အဲ့ခြူးမုယွင်အစစ်ရော ဟုတ်ရဲ့လား..? ခြူးမိသားစုရဲ့ သခင်ငယ်လေး ခြူးမုယွင်လေ..?”

***

ကြည့်၊ အမှန်ပြောဆေး သုံးတဲ့လူက ယဲ့ကျန့်ဟန် မဟုတ်လို့သာ ကံကောင်းသွားတာပေါ့။ မဟုတ်ရင် ခြူးမုယွင်တော့ နည်းနည်းလေး မေးလိုက်ရုံနဲ့ တစ်ဆွေလုံးတစ်မျိုးလုံးကို ပြောပြမိတော့မှာပဲ..!

အခုပဲကြည့်လိုက်လေ၊ မေးခွန်းက ဘယ်လောက်နက်နဲသလဲဆိုတာ..!

ခြူးမုယွင်အနေဖြင့် နာမည်နှင့် မျိုးရိုးက တူချင်တူမည်၊ နောက်ခံကတော့ လုံးလုံးလျားလျား ကွာခြားပေလိမ့်မည်။

အဖြူရောင်ပန်းလေး ခြူးမုယွင်သည် ခြူးမိသားစု၏ သခင်ငယ်လေးဖြစ်ပြီး ခြူးမိသားစု ပျက်စီးသွားပြီးနောက် မော့ကျိုးရှောင်က ကယ်ဆယ်သွားခဲ့၏။ ထို့နောက် အချစ်-အမုန်း အရှုပ်အထွေးများ ဖြစ်ခဲ့ရသည်။

သို့ဖြစ်ရာ ခြူးမုယွင်အား ဘယ်သူလဲဟု မေးလျှင် ‘ခြူးမုယွင်’ဟုသာ ပြန်ဖြေရလိမ့်မည်။

ဤခြူးမုယွင်က အဖြူထည်ပန်းလေး ခြူးမုယွင် မဟုတ်တာတော့ စိတ်မကောင်းစရာပင်။

ခြူးမုယွင်က မျက်နှာတစ်ချက်မပျက်ဘဲ အေးတိအေးစက် ပြန်ပြောလိုက်သည်။ : “ကျုပ် အတိတ်ကို သိပ်မမှတ်မိဘူး..”

ထိုစကားက သိပ်မရှင်းလင်းပေ။ သူ မွေးစားခံရစဉ်က အတော်လေး ငယ်ရွယ်သေးသည်။ ခက်ခဲကြမ်းတမ်းခဲ့သော ဤနှစ်များနှင့် ယှဉ်သော် ကလေးဘဝ၏ နှစ်အနည်းငယ်စာ မှတ်ဉာဏ်များသည် သိပ်ပြီးမပြောပလောက်ပေ။ သို့ဖြစ်ရာ ရှင်းရှင်းလင်းလင်း မမှတ်မိဟု ပြောလိုက်သည်က ချဲ့ကားလွန်းတာမဟုတ်။

ယဲ့ကျန့်ဟန်ကလည်း တကယ့်ကို ဘာမှထပ်မမေးတော့ပေ။ သူက ခြူးမုယွင်ကိုသာ ညင်ညင်သာသာလေး ထိတွေ့နေခဲ့သည်။ သူ့အပြုအမူက အလွန်ညင်သာသော်လည်း အမူအရာကတော့ ခန့်မှန်းရခက်လှသည်။

ခြူးမုယွင်မှာ ယဲ့ကျန့်ဟန်၏ မထိတထိ အပြုအမူများကြောင့် အသည်းယားလာခဲ့၏။

“ခင်ဗျား ဘာဖြစ်ချင်နေတာလဲ..?”

“မင်းကို လုပ်မလို့လေ..” ယဲ့ကျန့်ဟန်က ချက်ချင်း ပြန်ဖြေခဲ့သည်။