အမျိုးသားခုနစ်ယောက်ကို ချစ်ခွင့်ပန်ရမယ်တဲ့..! ဘယ်လိုလုပ်ရမလဲ..? [ 2 ]

197

Unicode

“အားမော့.. ဒါတွေအားလုံး ကိုယ့်အမှားပါ.. ကောက်ကျစ်စဉ်းလဲတဲ့လူရဲ့ လှည့်ကွက်ထဲ ကျသွားတဲ့အထိ ကိုယ် တုံးအ,ခဲ့တာ.. ကိုယ့်ကြောင့် မင်း အတွင်းစိတ်မိစ္ဆာရဲ့ ခြယ်လှယ်မှုကို ခံနေရတာ..”

“အားမော့.. မင်းရဲ့သွေးစက်နဲ့ ‘နှလုံးသား သော့ခတ်ခြင်း’ ဆေးလုံး ဖန်တီးပြီး ကိုယ့်ကိုပေး.. ကိုယ် အဲ့ဆေးလုံးကို သောက်ပြမယ်.. ဟုတ်ပြီလား..?”

***

ထိုသို့ပြောလိုက်ချိန်ဝယ် ခြူးမုယွင်အတွက် စိတ်အပူဆုံးသူကား Zero လေးပင် ဖြစ်၏။

Zero : “အကုန်ပေါ်ကုန်လိမ့်မယ် ကြီးမြတ်လှတဲ့ Host ရေ… သတိထားပါ..!!!”

Host ရဲ့နှလုံးသားကြီး ဘုန်းခနဲ ပေါက်ကွဲသွားတာနဲ့ ကျွင်းမော့က တစ်ကမ္ဘာလုံးကို မြေလှန်ပစ်လိမ့်မယ်..!

ခြူးမုယွင် : “……………”

Zero လေးခမျာ တကယ်ကို ကြောက်ရွံ့နေရှာတော့သည်။

ခြူးမုယွင်က သက်ပြင်းချကာ : “စိတ်အေးအေးထား.. စိတ်အေးအေးထား..”

ထို့ကြောင့်လည်း ဤလောကမှာ ‘သားအကြောင်း အဖေ့ထက် ဘယ်သူမှပိုမသိနိုင်ဘူး’ ဆိုသည့်စကားမျိုး ပေါ်ထွက်လာရတာပေါ့။ ခြူးမုယွင်က အဘယ်သို့ လက်လွတ်စပယ် ပြောဆိုပါမည်နည်း။ သူ၏ နောက်ဆုံးစကားလုံးဖြစ်သော ‘နှလုံးသား သော့ခတ်ခြင်း’ ဆေးလုံးက ကျွင်းမော့၏ ရွံ့အိုင်သဖွယ် ရှုပ်ထွေးနောက်ကျိနေသော စိတ်နှလုံးကို အမှန်ပင် အလင်းဆောင်နိုင်ခဲ့သည်။

ထိုနည်းတူ ခြူးမုယွင် ပြောခဲ့သော ‘ဒါတွေအားလုံး ကိုယ့်အမှားပါ’ ဟူသော စကားကလည်း ကျွင်းမော့၏ အတွင်းစိတ်ရိုင်းကို လှုပ်ရှားသွားစေခဲ့လေသည်။

ထိုစကား၏ အဓိပ္ပါယ်ကား ကျွင်းမော့လုပ်ခဲ့သမျှကို ပြစ်တင်ပြောဆိုနေမည်မဟုတ်ဘဲ ထိုအစား ကျွင်းမော့အတွက်ပင် ဆင်ခြေ၊ အကြောင်းပြချက် ရှာပေးကာ စိတ်နှလုံးညစ်နွမ်းမှုကို ကူညီဖယ်ရှားပေးလိုက်ခြင်းပင်။

ခွင့်လွှတ်ပေးရန် တောင်းခံနေစရာ မလိုတော့သည်အထိ ခြူးမုယွင်က ကျွင်းမော့ကို ကာကွယ်ပေးလိုက်ခြင်းပင်။