အမျိုးသားခုနစ်ယောက်ကို ချစ်ခွင့်ပန်ရမယ်တဲ့..! ဘယ်လိုလုပ်ရမလဲ..? [ 2 ]

231

Unicode

ယဲ့ကျန့်ဟန်သည် ဟင်းချက်တတ်ရုံသာမက သူ့လက်ရာ အလွန်ကောင်းကြောင်း ဆရာခြူးကို ပြောပြတော့သည်။

ဟင်းပွဲပြင်ပြီးချိန်တွင် ခြူးမုယွင်တစ်ယောက် အံ့ဩသွားရ၏။ : “တကယ်ကြီး မမျှော်လင့်ထားဘူး..”

မီးဖိုချောင်ပေါက်ကွဲလုမတတ် ကြော်လှော်ခဲ့သော ဆရာခြူးနှင့်ယှဉ်သော် ယဲ့ကျန့်ဟန်သည် စားပွဲတစ်ဝိုင်းစာအပြည့် ချက်ပြုတ်ခဲ့သော်ငြား ဆီနံ့စွဲခြင်းမရှိ။ သူက စားပွဲတွင် ဝင်ထိုင်ကာ လွှမ်းမိုးနိုင်စွမ်းပြင်းသော အာဏာရှင်ကြီးသဖွယ် သေရည်ခွက်ကို ကောက်ကိုင်လိုက်သည်။ ဤပုံစံကိုကြည့်ပြီး မည်သူကများ အိမ်ထောင်ဦးစီးအမှန်ကို ပြောနိုင်ပါတော့မည်နည်း။

ခြူးမုယွင်က အနည်းငယ် ချီတုံချတုံ ဖြစ်နေဟန်ဖြင့်.. “မှော်အစွမ်းသုံးပြီး ပြောင်းထားတာတော့ မဟုတ်ပါဘူးနော်..?”

ကြည့်ကောင်းပေမယ့် အရသာမရှိလောက်ဘူးထင်တယ်..?

ယဲ့ကျန့်ဟန်က သူ၏ လက်မောင်းရှည်ကြီးကို ဆန့်ကာ ခြူးမုယွင်အား ဝက်သားနှပ်တစ်တုံး ခွံ့ကျွေးလာသည်။

ခြူးမုယွင်က အနည်းငယ် မြည်းကြည့်ပြီး စားမကောင်းဟန်ဖြင့် မျက်မှောင်ကြုတ်ရန် ပြင်လိုက်သည်။ သို့သော် ခံတွင်းထဲ ပျံ့လွင့်လာသည့် ရနံ့သင်းသင်းလေးက သူ၏စိတ်ကို စိုးမိုးသွားလေ၏။

အသားက အဆီသိပ်မများဘဲ ဝါးလိုက်ရုံဖြင့် ပါးစပ်ထဲ ပေါက်ကွဲထွက်သွားသလို အရသာ အတော်လေးကောင်းသည်။ ခြူးမုယွင်သည် ဟင်းလျာပေါင်းစုံ မြည်စမ်းခဲ့ဖူးပြီး နတ်ဆိုးတိုင်းပြည်ထဲ ကျင်လည်ခဲ့သည့် နေ့ရက်များတွင်လည်း တစ်လောကလုံးမှ အကောင်းဆုံးအစားအစာမှန်သမျှကို စားသောက်နိုင်ခဲ့သည်။

သို့သော် ကြယ်သုံးပွင့်စားသောက်ဆိုင်များမှ အကောင်းဆုံးစားဖိုမှူးများ ချက်ပြုတ်ထားသည့် အထူးဟင်းလျာများပင် ယဲ့ကျန့်ဟန် ဖြစ်သလိုချက်လိုက်သည့် ဤဟင်းလျာများကို မယှဉ်သာခဲ့ပေ။

ခြူးမုယွင် အံ့ဩသွားရသည်။

ယဲ့ကျန့်ဟန်က ရယ်သွမ်းသွေးရင်း.. : “ဘယ်လိုလဲ..?”