အမျိုးသားခုနစ်ယောက်ကို ချစ်ခွင့်ပန်ရမယ်တဲ့..! ဘယ်လိုလုပ်ရမလဲ..? [ 2 ]

268

Unicode

သောက်ကျိုးနည်းတွေကွာ..! သူ ဘာလို့ဒီလောက်ဘဝင်ရူးခဲ့ရတာလဲ..?

သူ အရင်က ဘာလို့ဒီလောက်တုံးအခဲ့တာလဲ တွေးကြည့်လို့တောင်မရဘူး..!

နတ်ဘုရားဖြစ်တာ အရမ်းကြာသွားလို့ အပျိုစင်မယ်ရီလို ဖြစ်သွားတာများလား..?

နှစ်သန်းပေါင်းများစွာ ပိတ်မိခဲ့တာတောင် အဲ့လှောင်ချိုင့်ကို ဖောက်ထွက်ဖို့မလုပ်ဘဲ ဆက်ခံသူရှာဖို့ပဲ စဉ်းစားနေတယ်..? မင်းတောင် အဲနေရာမှာ မနေချင်တာ၊ မင်းရဲ့ဆက်ခံသူရော နေချင်ပါ့မလားဟ.. စဉ်းစားဦးမှပေါ့..!

ကိုယ်ဖြစ်ချင်တာ၊ ကိုယ်လိုချင်တာကို တစ်ကြိမ်မွေးစားရုံနဲ့ နားမလည်လို့ ငါးကြိမ်တောင် မွေးစားခဲ့ရသတဲ့..!

အမှန်အတိုင်းပြောရရင် မော့ကျိုးရှောင်၊ ရန်ချန်း၊ ရှန်ရွှိန်ယန်း၊ ကျွင်းမော့နဲ့ ရှဲ့ချင်းလန်တို့ <<နတ်ဆိုးတိုင်းပြည်>> မှာ အခုလိုတွေ လုပ်နေတာက အရင်ဘဝတုန်းက အနိုင်ကျင့်ခံခဲ့ရလို့ပဲ။ စိတ်စွဲနေတဲ့ အမျက်ဒေါသတွေကို ကမ္ဘာလောကအပေါ် ပုံချပစ်လိုက်တာ ဖြစ်ရမယ်..!

လင်းရွှမ်ရဲ့ဘဝက ပိုပြီးတောင် အဓိပ္ပါယ်မဲ့သေးတယ်။

အရင်လူက ရှားရှားပါးပါး တစ်ကြိမ်လောက် သတ္တိရှိချင်ခဲ့တယ်ဆိုပြီး သက်ရှိသတ္တဝါတွေရဲ့ အမျက်ဒေါသနဲ့ ရင်ဆိုင်ရတော့ သွေးကြောင်သွားပြန်ရောတဲ့လား..? လင်းရွှမ်က သူ့ကြောင့် သေသွားရတယ်။ အဲတာ ဒီကျက်သရေတုံးကမ္ဘာကို ဖျက်ဆီးပစ်ရမယ့်အစား ရိုးသားတဲ့ဖိုးသခွားလေးလို ‘နတ်ဘုရား’အဖြစ် ပြန်သွားသတဲ့။

သက်ရှိသတ္တဝါတွေရဲ့ အမျက်ဒေါသက သူ့အပေါ်ကို ဘာလို့ကျရောက်ရမှာလဲ..? သူက ဖန်ဆင်းရှင်နတ်ဘုရား ဖြစ်နေတာကြောင့်လား..? သူတို့ကို ဖန်ဆင်းမိခဲ့လို့လား..?

အို့.. အံ့ဩစရာကောင်းလိုက်တဲ့ လော့ဂျစ်ကြီး..!

သူတို့ကို ဖန်တီးခဲ့မိလို့ သူက ထာဝရ ပိတ်လှောင်ခံရသင့်တယ်ပေါ့..? နောက်ဆုံး ကိုယ့်လွတ်လမ်း ကိုယ်ရှာတော့လည်း သူတို့က ဒေါသထွက်ပြီး သူ့ကို သတ်ချင်နေကြပြန်တယ်..?