Mark နဲ့ Haechan ရဲ့ relationship လေးက အဆင်ပြေနေပေမဲ့ အခုတလောကတော့ Lee Haechan အိမ်မကပ်တာကြောင့် Mark မှာ ညညဆို အဖေကြီးလို အိမ်မကပ်နိုင်လေးကို မျှော်ရပါပြီ။
ကျောင်းပြီးလို့ Mark ရဲ့ Company မှာလည်း အလုပ်သင်ဆင်းပြီးတာနဲ့ လက်ရှိ အားနေတဲ့ Lee Haechan က အရင်လို လျှောက်သွားပစ်တော့တာပဲ။
Mark ရဲ့ အိမ်မှာပဲ ဆက်နေနေသေးပေမဲ့ တစ်ခါတစ်ခါ အိမ်မပြန်လာသည့် ရက်တွေတောင်ရှိသည်။
Lee Haechan ကတော့ ဖေဖေ့အိမ်ရောက်နေတယ်ပြောလိုက်၊ သူ့ သူငယ်ချင်းတွေအိမ်မှာလို့ ပြောလိုက်နဲ့ ပင်။
ဒါပေမဲ့ ဖေဖေ့အိမ်မှာလို့ပြောတဲ့အခါ အန်ကယ် Lee ကို မသိမသာလှမ်းမေးလိုက်ရင် သူက အိမ်မှာ မရှိဘူးဆိုတာမျိုး ။
သူ့သူငယ်ချင်းတွေဆီကလည်း Haechan နဲ့ မတွေ့ဖြစ်ဘူးဗျဆိုတာမျိုးတွေက မေးတိုင်း ကြားရသည်။
ကြားလာတော့ Mark က သူ့ကိုယ်သူများ အရမ်း ယုံကြည်ချက်ရှိနေမိတာလားဟုပင်ထင်မိသည်။
Lee Haechan သူ့ကို ချစ်တယ်ပြောတာကို တကယ်လို့ ယုံလိုက်မိတာမျိုးပေါ့။
အမှန်တရားမဖြစ်စေချင်ပေမဲ့ Haechan ရဲ့ Mark ဆီမှာ အတူရှိနိုင်မည့် အချိန်က ကုန်ဆုံးသွားပုံရသည်။ ဒီလိုနဲ့ပဲ အဆုံးသတ်သွားခဲ့တယ်အခါ ဆက်ပြီး ဘယ်လိုလုပ်ရမလဲဆိုတာ မတွေးမိပေ။
မသိလိုက်ဘာသာပဲ Lee Haechan ဆိုသည့် ကလေးက သူ့ဆီမှာ တော်တော်လေး အမြစ်တွယ်သွားသည်ပင် ။
" ကျွန်တော် ဖေဖေ့အိမ်မှာ ... "
" Haechan, ကိုယ့်ဆီ လာခဲ့လို့ရမလား "
ထင်သည့်အတိုင်း ဖုန်းဆက်တော့ အရင်လို တထေရာတည်းပင် ဖုန်းပြန်ဖြေလာသည်။ မသိရင် အသံသွင်းထားသလိုမျိုး ။
" ဒါလင်၊ ဘာဖြစ်လို့လဲ "
" လွမ်းလို့ ~ "
Mark ဆီက ယခုလို အတိအလင်း ပြောတဲ့စကားသံကို ပထမဆုံးကြားရတဲ့အခါ တစ်ဖက်က Haechan က နည်းနည်း ကြောင်တောင်တောင်ကလေးဖြစ်သွားသည်။
