لا باب مسايف ولا باب مهجوج ماعاد يمدي يقفل الباب مزلاج

1-

في لندن يوم الجمعة الساعة ١٢ ظهرًا
صحت من النوم وصلت الظهر وجلست تقرأ سورة الكهف وثم قامت تسوي لها فطور وتكلم دانة فيس تايم
دانة : ديم ياخي خلاص خلصتي دراسة واخذتي الشهادة وش تبغين من لندن
ديم : لقيت الوظيفة اول ما تخرجت تبيني تروح علي الفرصة
دانة : انا ادري وانتي تدري انه مو الموضوع الوظيفة انتي متخرجة مرتبة الشرف واكيد اذا جيتي الرياض بتجيك عروض واصلا لو قدمتي بيقبلونك والحين مين الي ما يعرفك
ديم : دام انك تدرين ان الموضوع مو موضوع وظيفة ليش تحاولين
دانة : ادري ان الموضوع للحين مضايقك وانك مشتاقه لاهلك بس جدك يمنعك صح
ديم : مو سالفة يمنعني السالفة اني بعد السالفة ما شفتهم ولا ابي اشوفهم صح اني مشتاقه لهم بس كل ما اتذكر انهم كانو يبون اتزوج وانا انقهر زيادة فمابالك لو شفتهم بكرهم
ولفت تخرج من المطبخ من نزلت دمعتها وهي مشتاقه ل امها وابوها واخوانها وخواتها فاقدتهم مره حتى عرس اختها ما حضرته ودايم تتعذر ان عندها عمليات تخاف ترجع ويغصبها جدها مثل قبل رجعت لفت وهي تدخل المطبخ
ديم : يلا مع سلامه باكل واطلع عندي حالتين لازم اخلصهم
دانة : اوكيه بس كلميني امكن اجي الاثنين بخذ وثيقتي
ديم : اوكيه قولي لي اذا بتجين
دانة : تمام انتبهي على نفسك

بالرياض الساعة ٢ بيت ابو ساره مجتمعين بصاله ام ساره وابو ساره وساير يتغدون
دخل حمد الي تو جاي : هلا هلا بحلوة البن
ام ساره : حلوة البن زعلانه
حمد : افا مين مزعلك
ام ساره : من غيرها ديم تقول بستقر هناك
حمد : يمه ديم من زمان واضح انها بتستقر هناك من يوم شفتها اشتغلت كان واضح بتستقر ليش الحين زعلانه
ام ساره : لي ثلاث شهور ماشفتها اكيد بزعل بفقدها
ابو ساره : خلاص اسبوع الجاي بنروح لها ونقعد اسبوع
وبكلم ديم تدور بيت لنا
ام ساره : انا بدق عليها الحين
قامت تدق عليها
وديم تو طالعه من البيت
ديم : يمه انتظري بركب السيارة
ام ساره : تمام
ديم : شخبارك وشخبار ابوي واخواني
ام ساره : كلنا بخير بس فاقدينك
ديم : يمه ماخلصنا
ام ساره : اسمعي وش بقول
ديم : هلا
ام ساره : بنجيك بعد اسبوع كلنا وبنقعد اسبوع
ديم : ليش بعد اسبوع تعالو الحين
ام ساره : ابوك مشغول بالشركة واخوانك بعد
ديم : قولي لساره تجي بعد
ام ساره : ليش ماتجين انتي
ديم : تعرفين عندي مرضا
ام ساره : قبل نقولك تعالي تقولين عندي دارسه والحين عندي مرضا
ديم : يمه يلا مع سلامه وصلت بكلمك اذا رجعت من المستشفى قفلت ونزلت من السيارة
ام ساره : ياعمري كل ما فتحت لها موضوع الجيه تصرف الموضوع
ساير : يمه وانتي كل ما كلمتيها قلتي لها تعالي هي ما راحت واستقرت هناك عشان كل ما كلمنها نقولها تعالي ترا موضوع جدي للحين مضايقها
حمد : ايه واضح الموضوع يضايقها
ابو ساره : الموضوع لها ٨ سنوات ليه يضايقها
ام ساره : كلمتها ساره امس تقول انها خايفة نغصبها تتزوج
ابو ساره : من قال بنغصبها اصلا انا ناوي اذا رحنا بكلمها بالموضوع وان شاء الله ماتردني

انستا : ilexz5