حمد : السلام عليكم
وكانو جالسين بالجلسة الي بالحوش الجد والاعمام والاحفاد
ردو الجميع : وعليكم السلام
تقدمو ديم وحمد يسلمون على جدهم وعمانهم
وهمس ثامر لديم : البنات داخل
ابتسمت ديم من فهمها وهزت راسها ب إيه ومشت تدخل ومن حسن حظها شافت سارة عند المدخل
ديم : زين شفتك
سارة : وش فيك
ديم : مابي ادخل الحالي
سارة : طيب امشي ندخل
عدلت شعرها وبخت عطر ودخلت مع سارة
سارة وديم : السلام عليكم
الجميع : وعليكم السلام
وتقدمو يسلمون على جدتهم اول ومن بعدها عمتهم وزوجات عمانهم والبنات وجلست ديم جب امها
نورة : كيفك ديم
ديم : والله بخير
رولا وهي تهمس ل وريف : تجنن ابد ما تشبه حمد هي احلا
وريف بهمس : هي قبل كانت حلوه والحين احلوت اكثر
داليا بهمس : صوتكم طويل ترا شكلها سمعتكم
عند الرجال بالحوش
أنس : شفيك تأخرت
حمد : ديم ومشاويرها الي ماتخلص
أنس : هي ما تسوق
حمد : الا تسوق بس كان عندنا مشوار الصبح ونمت متأخر وهي ماقومتني وزعلت والحين ادفع الثمن نومتي
أنس : أجل بروح معك الاسطبل
حمد : بروح مع ديم
أنس : ياولد خلها تروح مع البنات بيرحون مع ثامر
حمد : السيارة مو سيارتي
أنس : أجل سيارة مين ؟
حمد : ديم
أنس : لا تقول بتسوق قدام جدي
حمد هز راسه ب إيه
أنس : بتصير مشكلة
حمد : هي ما تسوي شي غلط
أنس : ادري ما تسوي شي غلط بس تعرف جدك
حمد : ابوي راضي اخوانها راضين وهذا يكفي
أنس : الله يعين
بعد نصف ساعة اجتمعو الكل بدون استثناء وطلعو برا ينقسمون بسيارت ديم الي واقفه جب حمد وثامر يسولفون
ديم : خاونا
ثامر : بودي البنات تعرفين عشان ياخذون راحتهم تعالي معنا
ديم اشرت على سيارتها : تتوقع اترك المزيونة
ثامر : سويتيها يا لمجنونة
ومشى يسبقهم يروح اتجاه السيارة و وراه ديم وحمد
ثامر : الون فخم
ديم : شرايك
ثامر : والله حلوه
ديم : تدري ابد مو ذوقي السيارات المرتفعة ولا كانت عجبتني الجي كلاس بس يوم قلت لي امس شفت صور واول ما رحت المعرض قلت بشوف السيارة وعجبتني ولا كنت ناوية اخذ نفس سيارتي الي بلندن
ثامر: والله ما توقعت بتسمعين نصيحتي
وجاهم ساير : جدي يقول تعالو
الجد : مابي تسرعون انتبهو لطريق
واشر على حمد وفهد
الجد : وانتبهو من ذولي الطايشين لا تخلونهم يسوقون
همست ديم لحمد : طلع مو بس ابوي يقول لك طايش
حمد : ديم كلمة زيادة ماروح معك
ديم : فكه لا امزح امزح
لف ثامر على ديم
ثامر : ديم
ديم : هلا
ثامر : تبين اروح معك
ديم : اكيددد تفكني من الطايش
حمد بحده : ديمم !
ثامر : قولي لبنات عمانك يجون معنا وحمد يروح مع العيال
ديم : طيب ، بس تتوقع السيارة تكفينا
ثامر : تكفي تكفي يحشرون نفسهم
ديم : بس فيه مشكلة
ثامر : وش ؟
ديم : تعرف لي فترة ما اكلمهم
ثامر : إيه
ديم : ابيك تروح معي ونقنعهم مع بعض
ثامر : تمام
وحط ذراعه على كتفها ومشو يرحون لاتجاه البنات الي واقفين على جنب
ديم : سلام
البنات : وعليكم السلام
ديم : شرايكم تروحون معي بسيارتي
وريف : لا ما نبي نتعبك حنا بنروح مع ثامر
ثامر : اذا وافقتو بروح معكم
ديم : لا يروحي تعبكم راحه واصلا انا بسوق اذا رحتو معي او مارحتو
سكتو يفكرون
ديم : خلاص ما اقبل اعتراض بترحون معي ، بقرب السيارة لكم افضل
ومشت تروح اتجاه سيارتها
داليا : يجنن اسلوبها
رولا : هو بس اسلوبها يجنن حتى هي تجنن
شهد : اول مره اتفق مع رولا بشي
وريف : انتم مو مستوعبين بتسوق قدام جدي
داليا : واضح مو همها
شهد : مره لاحظت
رولا : اسكتو جت
فتحت شباكها
ديم : يلا بنات
ولفت على ثامر
ديم : ثامر بلاه ناد حمد ياخذ قهوته
ثامر وهو يصارخ : حمددد
حمد : ياخي ازعجتنا
ثامر وهو ماد القهوة : تعال خذ قهوتك
تقدم حمد ياخذ القهوة وناظر داليا الي تناظرة و اول ما ناظرها شتت انظارها وابتسم
حمد : ديم انتبهي ترا حتى ذا طايش
ديم ضحكت ولف يمشي يركب مع أنس وحركت ديم السيارة
ديم : ثامر ترا ناسيه طريق الاسطبل عندك الوكيشن
ثامر : إيه برسلك
ديم تكلمت تنهي الصمت : فيه احد منكم يسوق
وريف : بس أنا
رولا : انا مستحيل اسوق
ديم عقدت حواجبها : ليه
رولا : صار لي حادث قبل سنتين وانا اتدرب على السواقه ومن بعدها حرمت اسوق
شهد : وانا ما احب اسوق
ديم : والله يا اسواقه راحة
وريف : صدق تطلعين متى ما تبين تخلصين مشاويرك
ديم : تشتغلو
وريف : اول ما تخرجت اشتغلت عند جدي فترة بس بعدين طلعت وكونت شغلي الحالي
ديم : وش شغلك
وريف : عندي كوفي وعندي شركة صغيرة بيني وبين جدي شراكه بس انا اديرها
ديم : حلو
داليا : انا السنه ذي تخرجت و اشتغل عند جدي
شهد : انا و رولا للحين ندرس
ديم : الله يوفقكم
الجميع : أمين
وريف : وانتي كيف حياتك للحين تدرسين
ديم : لندن حلوه تسكنين فيها اذا كان معك احد من اهلك
لي متخرجه سنه واول ماتخرجت جتني وظيفة في افضل مستشفى في لندن وماحبيت اترك الفرصة
شهد : بس يمه لندن تخوف اخر فترة
ديم : تعودت
طول الطريق وهم يسالفون كانهم يتالافون السنين الي ماتكلمو فيها
أنت تقرأ
لا باب مسايف ولا باب مهجوج ماعاد يمدي يقفل الباب مزلاج
Short Storyديم ترفض ولد صديق جدها عشان تكمل درستها الطب والجراحة لاكن جدها يرفض ويروح ابوها يسفرها للخارج تكمل درستها هي واخوها وترجع بعد سنوات ماخذه الشهادة وتنقذ جدها من الورم
