دانة : اجل اتركك تنامين
ديم : مع سلامه يروحي
دانة : مع سلامه
ودخلت غرفتها وفتحت دولابها وطلعت بجامتها الحرير ولبستها وراحت لتسريحة تاخذ مزيل ميكاج وقطن ومسحت الميكاج ونزلت اكسسواراتها وحطتها بالتسريحة ومشت
تروح تطفي النور ومشت لسرير وانسدحت وغطت بالنوم
أنس : ياولد وينك تأخرت
حمد : جيت بس مريت اخذ بوكس شوي
أنس : زين
حمد : كم سيارة بنروح
أنس : ثنتين
حمد : زين افضل من ننحشر
توزعو بسيارتين سيارة فيها حمد و ساير و عبدالرحمان وسيارة فيها ثنيان و انس و فهد
بسيارة عبدالرحمان
حمد : قسم جوكم شياب لو داري رحت مع انس
عبدالرحمان : شرايك انزلك هنا وخل ينفعك انس
حمد : ياخي على الاقل حطو اغاني توسع الصدر
ساير : القصايد زينة
حمد : والله كني جالس مع ابوي وعماني
عبدالرحمان : انت ليش ما ترم بوزك
حمد : ما قول غير الله يعين اختي بس
دقايق وقفو في بر بدو يجهزون جلستهم الي يطلع الفرشة والتكيات والي يشب النار والي يسوي قهوة وشاهي والي يطلع الاكل من السيارة
فهد : ابوي راسل يقول لا تتأخرون بيروحون الاسطبل العصر
حمد : يوهه ذكرتني
ساير : وش
حمد : ديم تبي تروح معرض السيارة بتشتري سيارة اتوقع
ساير : ياويلك بتزعل
حمد : الساعة ٣ الفجر تتوقع اقدر انام زين
ساير : تقدر رح نام بسيارة
وقف حمد وراح السيارة وسدح المراتب عشان ياخذ راحت وانسدح وتلحف بفروته ونام
قامت من النوم الساعة ١٠ وراحت تتوضأ وتصلي صلاة الفجر الي طافتها ودخل عليها ساير وكانت تصلي اخر ركعة وسلمت وقفت
ديم : ها كيف الكشتة
ساير : حلوه
ديم : متى رجعتو
ساير : ٦
ديم : وحمد ما نام صح
ساير : نسى انه بيوديك وماتذكر غير الساعة ٣ وراح نام بسيارة بس واضح انه تعبان لا تقومينه
ديم : مادام نام متأخر بنومه بخليه ، الحين البلشه كيف اروح المعرض
ساير : روحي مع سواق العايلة
ديم : يفهم
ساير : ايه
ديم : ارسل له
ساير : تمام نزل نظره لجواله وتكلم : الحين بتشترين ولا بتستاجرين
ديم : والله ابي اشتري بس بيطول وانا ابيها اليوم ف بستأجر اليوم بعدين نشوف سيارة حلوه
ساير : زين خلي ابوي يعطيك اسامي المعارض الي نشتري منها افضل ونثق فيهم
ديم : ابوي قال فيه واحد هينا قريب هو بستأجر عنده
ساير : الي عند التميمي
ديم : ايه
ساير : ايه هذا مره انس شرا منهم وحمد استاجر منهم بعد
ديم : زين بس الله يعين بروح الحالي
ساير : تبين اروح معك
ديم : لا ياولد واضح مانمت شوف غيونك واضح عليها السهر
ساير : تمام يلا
واشر لها بيده وطلع وقفت تنزل جلالها وفتحت دولابها وطلعت شنطتها الصغيرة وبدت تجهز اغراض الي بتحتاجها اذا راحت الاسطبل وسكرت الشنطة وحطتها عند باب الغرفة ولبست بنطلون ابيض وبلوفر سماوي ولبست شوز ابيض رياضي ولبست اكسسوارات وحطت مرطب شفايف وتنت على خدودها ولبست عبايتها السودا واخذت شنطتها وحطت فيها جوالها ومفتاح البيت وطلعت وراحت غرفة ساير ودقت الباب ورد عليها تدخل
ديم : ابي رقم السواق
ساير : برسله
ديم : تمام
وطلعت وسكرت الباب وشويات وساير ارسل لها رقم السواق ونزلت شافت ميمي وطلبت منها تسوي لها قهوة ورسلت ل سواق وين بتروح وجلست بصالة تناظر التلفزيون ومدت ميمي قهوتها
ميمي : قهوتك وسويت لك سادوش حلوم
ديم : اوف ميمي احبك تفهميني
وباست خدها وجلست تاكل دقايق وجا السواق وقفت واخذت جوالها ترسل لابوها
ديم : بروح المعرض اشوف لي سيارة
ابو سارة : انا بالمكتب شويات والحقك بالمعرض
ديم : تمام
وطلعت وشافت السواق وركبت ورا ورسلت له موقع المعرض
نرجع ورا عند الساعة ١٢ عند عبدالمجيد وهايف
هايف : مين الي بياخذنا
عبدالمجيد : حجزت سيارة
هايف : زين
عبدالمجيد : بكرا بروح المكتب بدري مارح افضى اليومين الي بعدها
هايف : انا عندي المكتب معليك
عبدالمجيد: باخذ الكبيوتر حقي وملفاتي وبشتغل عن بعد
هايف : ياخي معليك استانس اتركي الشغل لي
عبدالمجيد : ياولد ما تعودت وبقعد طول اليوم اسولف بمل اخذ شغلي واشغل نفسي
هايف : بكيفك
عبدالمجيد: هذي شنطتك صح
هايف : ايه
وتقدم ياخذها وطلعو من المطار وركبو مع السيارة الي حجزها عبدالمجيد وصلو هايف اول وبعدين عبدالمجيد ودفع ل سواق ودق على داليا الي كانت جالسة بصالة هي وام عبدالرحمان
عبدالمجيد: الو
داليا : هلا
عبدالمجيد: تعالي افتحي لي الباب
داليا : جيت
عبدالمجيد : ايه
وقفت بتطلع وتكلمت ام عبدالرحمان
ام عبدالرحمان : وين طالعة
داليا : بفتح ل عبدالمجيد جا
ام عبدالرحمان : روحي افتحي له
وطلعت وفتحت الباب ودخل عبدالمجيد
داليا : اشم ريحت لندن وهدايا
ضحك عبدالمجيد : اشم ريحت الرياض وحضن
ضحكت داليا وحضنته وحط ذراعه على كتوفها ومشو يدخلون وتقدم يبوس راس امه ويدها
عبدالمجيد : شلونك يمه
ام عبدالرحمان : بخير دامني شفتك انت شلونك وشلون هايف
عبدالمجيد: بخير كلنا
ام عبدالرحمان : كيف لندن
عبدالمجيد: حلوه بس ناقصها انتي
ضحكت ام عبدالرحمان
داليا : جبت الاشياء الي وصيتها لك و رضاوتي
عبدالمجيد : ايه جبتها كلها
أنت تقرأ
لا باب مسايف ولا باب مهجوج ماعاد يمدي يقفل الباب مزلاج
Short Storyديم ترفض ولد صديق جدها عشان تكمل درستها الطب والجراحة لاكن جدها يرفض ويروح ابوها يسفرها للخارج تكمل درستها هي واخوها وترجع بعد سنوات ماخذه الشهادة وتنقذ جدها من الورم
