لفت على الي مسؤوله رولا : ليش الملاعق ذهبية انا طلبتها فضية غيروه ولا السعر مارح اسلمه كامل اذا ما غيرتوه ولون الورد مو نفس الي بالقاعة هزت راسه من قالت المسؤوله بتتصرف وبتغيره مشت بتطلع وطلع بوجها أنس تراجعت ضغطت على يدها من توترت من نظراته استوعب انه يناظرها شتت انظاره وابتعد عن الباب ومشت بسرعة بتوتر اخذت نفس من ضمنت ابتعدت عنه اتصلت عليها داليا
رولا : هلا
داليا : تعالي بناخذ صورة تذكارية
رولا : اوكيه جاية
رقت فوق دخلت الغرفة وابتسمت مجاملة
وريف : وش فيها يدك ترتجف
رولا ناظرت يدها : لا ما فيني شي
المصورة : يلا اوقفو جنب عروستنا
ابتسمت ديم ومشى البنات يوقفون جنبها
المصورة : ابتسمو
ابتسمو واخذت لهم صورة
داليا : عادي تصورين بكاميرتي بحتفظ فيها
المصورة : ايه عادي عطيني
مدت لها الكاميرا واخذت تصورهم خلصو تصوير ونزلو يخلون ديم لحالها
داليا : تعالو نستقبل الضيوف مع بعض
وريف : يلا
وقفو مع امهاتهم يستقبلون الضيوف داليا همست لوريف
داليا : ام الحب جاية
وريف : ها
داليا : شوفي ، هلا منورتنا
ام فواز : بنورك يروحي ، هلا ببنتي كل ما شفتك تحلوين اكثر
ابتسمت بخجل وسلمت عليه وريف : شلونك خالتي
ام فواز : شفتك وصرت بخير
وريف لفت على داليا من راحت : اوف احرجتني
داليا : خلاص صرتي بنتها بدلعك كل شوي
مشت لهم سارة : المطربة جت بتبدا تعالو اجلسو قدام
وريف : اوكيه جايين
مشو وجلسو وبدت المطربة بترحيب بضيوف العريس والعروس وبدو الموظفات يوزعون القهوة والحلا لفت داليا على البنات من قالت المطربة : وين حبايب العروسة وين
داليا : يلا نرقص
وريف : لا لا
داليا سحبتها : ارقصي بس خلي ام الحب تشوفك
وقفت تعدل وقفتها وناظرت داليا من مسكت يدها وترقص ومشت ترقص معها وتتمايل ابتسمت بخجل من تعزيز ام فواز جلست من خلصت الاغنية
وريف : احراج لفت على رولا حلو رقصي
رولا : حلو بس الا يجنن ما شفتي تعزيز ام فواز
وريف : احرجتني مره
داليا : تجنن مره حبتك
وريف : والله حتى انا حبيتها
غمزت لها داليا : حبيتيها ولا حبيتي الولد
ضربتها وريف : حيوانه اسكتي لا تسمعك
ضحكت من نظرات وريف
سارة : داليا نادي عبدالمجيد يروح يصور فوق
داليا : مو اولا صورو
سارة : الا بس بياخذون كم صورة وبينزفون مع بعض
داليا :اوكيه وقفت تروح عند الباب الثاني واتصلت على عبدالمجيد يجي
عبدالمجيد : وين
داليا ابتسمت : شذا الجمال شذا الهيبه
عبدالمجيد: وين اروح
داليا : فوق
عبدالمجيد : قبل شوي مصور ليش مره ثانية المفروض اخذ عروستي واروح
داليا : عروستك تبي صور زيادة
رقو مع بعض ودخلو على ديم وهي تصور فستانها من ورا
المصورة : يلا يا عريس امسك يدها بصور دبلتكم
تركتهم داليا ياخذون راحتهم بتصوير طلعت تنزل قابلت سارة : ادخلي بينزفون ابوي واخواني بعدهم ديم ومجيد
داليا : اوكيه
دخلت واستقبلتها رولا بالعباية وطرحة
رولا : وينك
داليا : وصلت مجيد لديم
جلسو وخفضو الاضاءة وانفتحت الابواب ودخلو ابو سارة وحمد وساير وقفو عشان المصورة تصورهم وطلعو ديم وعبدالمجيد وصلت ديم عند ابوها وباس راسها وضمت ابوها بقوة ولفت على ساير من نزلت دموعه وضمها همست ديم : لا تبكيني
ابتعد عنها ساير : لا تبكين اليوم يومك لازم تفرحين
حمد : خلاص دوري دوري
ديم تجمعت الدموع بعيونها : حمد
وضمته بقوة ونزلت دموعها
حمد : ليش البكى
ابتعد ومسك وجها يمسح دموعها
ديم : حبيبي انت
ورجعت تضمه حمد : روحي انتي
ابتعدت عنه وجلست بالكوشة
همس عبدالمجيد : بضربهم ليش يبكونك
ابتسمت عبدالمجيد: ايه شوفي وش حلوك يليق الضحك فيك
ابتسمت وتوردت ملامحها ونزلت راسها تلعب بدبلتها غنت المطربة حمد : ايوه قشطة وبحب كدا
مسك يد ديم يوقفها ويرقصها وقف عبدالمجيد يناظر ها ومبتسم ويصفق يشوفها تتمايل قدامه جت ام ديم مسكت يد عبدالمجيد تسحبه يرقص مع ديم جلسو ولف عليها وابتسم
عبدالمجيد : كملي
ديم : لا تحرجني
ضحك ومسك يدها يهز راسه على ايقاع الاغنية ابتسمت من حركاته طلعو ابو سارة وساير وحمد وبقى عبدالمجيد جت ام عبدالرحمن تبلغهم يطلعون دخلو الغرفة ودخلو من وراها البنات
داليا : يلا مجيد برا
عبدالمجيد : باخذ عروستي
داليا : هذا طلب عروستك بنسولف معها ونحش
ناظرت جوالها
داليا : نسلمك ياها الساعة عشرة يعني بعد ساعة
لف على ديم وابتسمت لها تجمع كفوفها وتنتظره بترجي
عبدالمجيد : خلاص بعد ساعة بجي اخذك
ابتسمت بفرحة ديم : مجيدي ياخي
طير عيونه يسكته وسكتت بورطة وابتسم يطلع
ديم : تعالو ساعدوني انزل الفستان
داليا : يلا
ساعدوها تبدل لبست فستان ابيض يرسم الجسم وفككت شعرها ولبست مجوهرات ناعمة ولبست كعب قصير وجابت داليا القهوة والحلا وجلسو بالارض
داليا : تخيلي من جا
ديم : من
داليا : نورة
ديم : يع وش تبي جايه
وريف : صدمتني رحت مسكتها جت تخرب العرس
رولا : مريضة مدري كيف كنا نمشي معها
ديم : غيرو موضوعها قولو بعد من جاي من توتر ما لاحظت
داليا : جو صحبات ماما وام خالد وام نادر وبناتها
رولا : مره الي جو كثيررر حتى في ناس ما عرفتهم
اندمجو بسوالف ودخلت سارة وشهقت : ديم مارحتي
ضحكت داليا : طلبت مني تجلس ونحش وما خليتها بخاطرها
ديم : يروحي دلول
سارة : امي وعمتي مايدرون صح
داليا : ايه صرفتهم
سارة : بتجننوني انتم
داليا : ياليل هذا من اليوم يتصل
ابتسمت ديم : عطيني ردت عليه
عبدالمجيد: داليا بجي اخذ زوجتي
ديم : اوكيه بنتظرك
عبدالمجيد: جايك
قفلت وعطت داليا جوالها ديم : سارة علمي امي وعمتي
سارة : اوكية
رولا : لا بتروحين
ابتسمت وهزت راسها بإسف
وريف : نبي نكمل حش
ديم : بكرا نكمل
دخلت ام عبدالرحمن : يلا بنتي عبدالمجيد ينتظرك برا
ديم : اوكيه
وقفت رولا تضمها ديم : يروحي
داليا : بالغتي
ديم : تعالي تعالي غيورة
مشت لها تضمها وريف : وانا خير
ضحكت ديم : تعالي
ام عبدالرحمن : بتشفونها بكرا
داليا : بحسده
اخذت اغراضها وطلعت عبدالمجيد: طولتي علي
ديم اشرت بعيونها تسكته
ام عبدالرحمن طلعت من وراها : يلا استودعتكم الله انتبه لطريق
هز راسه وسلم على امه ومد يده لديم ومسكت يده وطلعو فتح لها باب السيارة وركبت وركض يركب وحرك للفندق
أنت تقرأ
لا باب مسايف ولا باب مهجوج ماعاد يمدي يقفل الباب مزلاج
Short Storyديم ترفض ولد صديق جدها عشان تكمل درستها الطب والجراحة لاكن جدها يرفض ويروح ابوها يسفرها للخارج تكمل درستها هي واخوها وترجع بعد سنوات ماخذه الشهادة وتنقذ جدها من الورم
