الجدة : كيفك انتي يمه
ديم : والله بخير
الجدة : تعالي تقهوي معي
ديم : ابشري
حمد : اكتشفت اني صرت غير مرئي
ثامر : امي شافت ديم خلاص بتنسانا
الجدة : انت يا طايش ليه ماسلمت علي
ضحكت ديم
حمد : انتي مشغولة مع ديم
وتقدم يسلم عليها
الجدة : صب لي قهوة
حمد : ابشري
ثامر : امي كارهتك اليوم
حمد : واضح شايف كيف تعاملني
الجدة : لا تكثر كلام وناد عمانك يجون هنا
حمد : ابشري
وقفت تاخذ الدلة
الجدة : ثامر خذ الدلة من ديم وصب انت
ضحك ثامر : واضح كارهتنا كلنا الا ديم
ديم : يمه عادي انا بصب لك
ثامر : يمه اصغرنا خادمنا
ديم : يمه خذي تقهوي و روقي
الجدة : اجلسي عطيني علومك كيف شغلك
ديم : والله مرتاحة بشغلي واخذت إجازة شهرين بجلس برياض
الجدة : زين ارتاحي شوي
حمد : وش تخصصك
ديم : جراحة الأورام
الجدة : يوه كله دم احسبك ممرضة
ديم بضحكة : لا مو ممرضة دكتورة
ودخلو حمد وساير وابوعبدالرحمان وابو سارة
ابو عبدالرحمان: سلام عليكم
وردو السلام وقفت ديم تسلم
ديم : شلونك عمي
ابو عبدالرحمان: والله بخير يبنتي انتي شلونك
ديم : والله بخير
ولفت على ساير
ديم : وين جدي
ساير : بمكتبة
ديم : بروح له
ساير : خلاص هو بيجي الحين
ديم : لا انا بروح له
وقفت ومشت لين عند الدرج ورقت ودقت الباب
الجد : ادخل
فتحت الباب ودخلت وسكرته
ابتسم الجد : جيتي مثل ما قلتي لولد عمك
تقدمت تسلم عليه وجلست قدامه
ديم : من متى قلت شي وماسويته
الجد : صحيح انتي بنت صلاح
ديم : وش الموضوع ليه تبي اجي الرياض
الجد : تذكرين مستشفى ..........
هزت راسه بإيه
الجد : فيه مريض اعزه عنده ورم خبيث واعرف ان هذا تخصصك
ديم : إيه
الجد : ابيك تسوين له العملية
ديم : يجي لندن و اسوي له العملية هينا مقدر وانت تعرف
الجد : رجل كبير بسن مايقدر يسافر
ديم تنهدت : بشوف ملفه بس العملية مقدر اسويها
الجد : انتي شوفي ملفه بعدين قرري
ديم : انا استئذن
الجد : بكرا اشوفك بالاسطبل واعطيك الملف تشوفينه
ديم : تمام
وقفت تطلع من الغرفة ونزلت من الدرج ورسلت ل حمد
ديم : ابي ارجع البيت
حمد : انتظري برا وبجيك ولف لساير عطني المفتاح السيارة
ساير : ليه
حمد : ديم تبي تروح
مد له المفتاح وطلع وقابل انس
انس : هلا والله وسلم عليه متى جيت انت
حمد : اليوم
انس : تعال بنروح نكشت انا والعيال
حمد : بوصل ديم وبرجع انتظروني
انس : مر جيب ببسي وخبز
حمد : تمام
ومشى يتعدا انس ويطلع
ديم : كان نمت
حمد : جيت جيت
ديم : يلا اخلص افتح السيارة
حمد : فيك شي
ديم : لا
حمد : خفت احسب فيك شي
ديم : مانمت زين بس
وريف : اخذ كودو ولا ردبول
داليا : الاثنين واحسبي العيال بعد
وريف : والله لو تشوفهم امي حصة تاخذهم وتوزعهم
داليا : عشان كذا اقولك احسبي العيال عشان لو تهاوشنا تهاوشنا كلنا
وريف : عبدالمجيد بيجي
داليا : ايه اليوم باليل
وريف : زين حسبته
رولا : اخير لقيناكم
داليا نزلت نظرها للعربية المالية
وريف : اوفر
داليا : هذا مئوونة شهر مو يومين
رولا : كل ذولي بنحتاجها وحسبنا حساب العيال بعد
وريف : حتى حنا حسبناهم بس ماسوينا زيكم
داليا : الحين الشبس ذا ليه فيه خمس اكياس
شهد : اثنين لنا وثلاثة للعيال
وريف : وشولة خمسة رجعي اثنين
شهد : تدرين حتى انا قلت ل رولا بس ما تفهم
رولا : بنات اسمعو امي تقول بنجتمع عند بيت جدي بعدين بنروح
وريف : ياليل يعني بكرا مارح امركم
داليا : لا تكفين تعالي بسيارتك
وريف : تعرفين كلام جدي عن البنت الي تسوق ومابيه يتكلم قدام ابوي
داليا تأففت
شهد : نكلم ثامر
رولا : امشو نحاسب وبكرا نشوف الوضح
دخلت البيت وشافت امها بصالة
ام سارة : رجعتو يمه
ديم رمت نفسها على الكنبة : بس انا جيت
ام سارة : وين ابوك واخوانك
ديم : عند جدي
ام سارة : ليش ما جلستي
ديم : فيه عيال عمي مارتحت وفيني النوم بعد
ام سارة : ترا بكرا بنجتمع عند بيت جدك بعدين بنروح الاسطبل
ديم : الساعة كم بنروح
ام سارة : 3
ديم : زين يمديني اخلص شغلي
ام سارة : وش شغلك
ديم : بروح ادور لي سيارة مقدر اقعد شهرين بدون سيارة
ام سارة : تعرفين جدك صح
ديم : اعرفه وعشاني اعرفه بسوق قدام وخليه يتكلم اهم شي انتي راضيه وابوي راضي
ولفت تقوم
ديم : بروح انام
ومشت وفتحت جوالها ودق على دانة
دانة : رجعتي
ديم : إيه
دانة : ما طولتي
ديم : انا رحت عشان اكلم جدي وكلمته ورجعت
دانة : وش يبغى
ديم قالت لها كل شي
دانة : ما تحسين غريبة يبيك تعالجين احد يعرفه وهو من اول الناس الي رفض تدخلين طب
ديم : حتى انا شاكة بكرا اشوف الملف وارد لك
دانة : متى بتروحين الاسطبل
ديم : العصر بس قبلها بروح اشوف لي سيارة
دانة : بتستأجرين سيارة ولا بتشترين
ديم : مدري اشوف
دانة : بتروحين مع مين
ديم : بروح مع حمد هو الوحيد الفاضي
أنت تقرأ
لا باب مسايف ولا باب مهجوج ماعاد يمدي يقفل الباب مزلاج
Short Storyديم ترفض ولد صديق جدها عشان تكمل درستها الطب والجراحة لاكن جدها يرفض ويروح ابوها يسفرها للخارج تكمل درستها هي واخوها وترجع بعد سنوات ماخذه الشهادة وتنقذ جدها من الورم
