ديم طلعت من النادي وراحت شقتها واخذت شنطها وطلعت رايحة للبيت الي استأجرته وصلت وحطت الاغراض بغرفتها بعدين راحت للمطبخ وفتحت الثلاجة وطلعت مافيها شي واخذت مفاتيح السيارة وراحت لا قرب سوبر ماركت وشرت اغراض الي تحتاجها وركبت السيارة ودقت عليها سابينا
سابينا : المريض جته نوبة هلع
ديم : متى جته ؟
سابينا : من ساعة
ديم : من ساعة توك تقولين لي
سابينا: انتي ماخذه إجازة
ديم : حياة المريض اهم من إجازتي
سابينا : بتجين ؟
ديم : ايه بجي الحين اسمعي طلعت النتايج
سابينا : لا بس قلتهم يستعجلونها
ديم : اوقفي فوق راسهم لين ينزلون النتايج
سابينا : تمام
ديم : مين الي مسكه اليوم
سابينا: دكتور جستن
ديم : بجي الحين انتظريني عند الباب
سابينا : تمام
قفلت منها وشغلت السيارة رايحة للمستشفى
< عند وريف والبنات >
وريف : وش تبون هاف مليون ولا ستاربكس
رولا : هاف مليون
شهد : ايه هاف مليون
وريف : وش تبون
داليا : ابي ايس تي خوخ و ساندوش حلومي
شهد : ابي زي داليا
رولا : ابي ايس v60
وريف : رولا ما تبين شي ثاني
رولا : لا
وريف : تمام
طلبت وريف واخذت الطلب وصلت رولا وشهد للجامعة ولفت على داليا : تعالي قدام
داليا : بقول شي بس ماتعصبين
وريف : وشو بعد
داليا : مابي اشتغل خلاص هونت
وريف : من جدك
داليا : ايه
وريف : مو احنا اتفقنا تشتغلين عند جدي بقسم التسويق بعدين اخليك تشتغلين عندي
داليا : ايه اتفقنا بس غيرة راي
وريف : ليش غيرة رايك
داليا : سمعت ان حمد بيتدرب معي وبنفس القسم
وريف : وش عليك منه تدربي انتي معليك منه وكلها شهر واخذك تشتغلين عندي
داليا : مدري متوترة
وريف : سمعت ثنيان يقول حمد بيروح لندن اسبوعين تقدرين تدربين قبل يجي
داليا : بفكر بجرب اليوم اذا عجبني الوضع بكمل
ودقايق وصلتها وريف
ثنيان : شرايك نجتمع اليوم
حمد : تم قول للعيال بنجتمع بسطبل ابوي
ثنيان : تمام برسلهم
قفل من حمد ورسل بالقروب بنجتمع اليوم الساعة ٩ بسطبل عمي صلاح بنشوي ونسهر
الساعة ٩ في الاسطبل
حمد : جبت الاغراض كلها
ثنيان : ايه شوف اذا فيه شي ناقص برسل للعيال
حمد : جهز القهوة بروح اشوف الاغراض
ثنيان : طيب
جلس ثنيان يسوي القهوة ولف من دخل ساير وعبدالمجيد وانس وفهد وجلسو يتقهون و يسالفون
وقام عبدالمجيد : بشوي انا وين الاغراض
ثنيان : بالمطبخ
راح للمطبخ وطلع الكباب وشيش طاووق وريش وشغل الفحم وحط الكباب والحم وطلع المقبلات والخبز وحطها بطاولة وطلع المشروبات ونادا العيال وجلسو ياكلون
انستا : ilexz5
أنت تقرأ
لا باب مسايف ولا باب مهجوج ماعاد يمدي يقفل الباب مزلاج
Short Storyديم ترفض ولد صديق جدها عشان تكمل درستها الطب والجراحة لاكن جدها يرفض ويروح ابوها يسفرها للخارج تكمل درستها هي واخوها وترجع بعد سنوات ماخذه الشهادة وتنقذ جدها من الورم
