دخلت المطبخ وشافت سارة الي تكلم العاملات
سارة : طلعو صحنين وحطوه بطاولة
ديم: حاسبتني
لفت عليه وتقدمت تضمها
سارة : جيتي
ديم ضحكت : وش تشوفين
سارة : مره وحشتيني
ديم : انا اكثر والله
مشو يطلعون من المطبخ
سارة : بطولين هنا
ديم : بجلس شهرين
حمد : والله ديم ماعلمتني غمضت عيني وفتحتها لقيتني بالرياض
ابو سارة : وانا احسب انت اقنعتها
ديم : ساير عطني مفتاح السيارة بنزل شنطتي
ابو سارة : حمد قم نزل الشنط وانتي تعالي اجلسي جبي
حمد : يعني تجي ديم يروح كل دلع لها
ديم : يا حبيبي انت عندهم طول الوقت
ابو سارة : تعالي جبي
تقدمت تجلس وحط ذراعه على كتفها يضمه
سارة مدت لها فنجان : تقهوي
ديم رفعت كوب ستاربكس : معي قهوة
ام سارة : وماذبحك انتي وحمد غير ذي القهاوي
ساير : يمه تراها شاربتها على الريق
رفعت حواجبها ديم ورمت عليه قارورة المويا
ام سارة : وانا اشوفك نحفانه مو زي اخر مره
سارة : ايه والله نحفانه مره
دخل حمد وهو معه شنطتين وشنطة صغيرة
حمد : تسوي رياضة الصبح وبدون تاكل شي
ديم : محد يقول لكم شي
ام سارة : تعالي يمه نروح لطاولة الأكل
ديم : مسويه مصابيب ؟
ضحكت ام سارة وهزت راسها
ديم : شكلي بسجل نادي حتى هنا واضح بيزيد وزني
سارة : سجلي بنادي الي جب بيت جدي البنات كلهم مسجلين فيه
ديم : على حسب الآلات الي عندهم
سارة : انتي تدربين مع كوتش
حمد ضحكة : لا هي كوتش نفسها
ديم رفعت حواجبها : على الأقل اعرف اسوي التمارين
ابو سارة : يلا بسم الله مدو يدكم
ديم : يمي لذيذ نفس دايم
ام سارة : بالعافية يروحي
ابو سارة : كم مدة إجازتك
ديم : شهرين
ابو سارة : بتجلسين كل إجازتك هنا
ديم : إيه وعندي طلب بس قول تم
ابو سارة : انتي قولي ومارح اردك
ديم : ودي نسافر العلا كلنا
ابو سارة : بس تم
ديم : صدق
ابو سارة : متى ماكنا فاضين بحجز اقرب وقت
قامت من الكرسي تضمه
حمد : وانا اذا قلت بروح الشرقية هاوشني
ساير : لنا الله
ديم : بروح انام يمه قوميني ٣ العصر بودي لدانة وثيقة تخرجها
ام سارة : تمام يروحي انتي روحي نامي
بنات بالقروب
رولا : شفتو سناب ديم
شهد : لا
رولا : شوفي
وريف : موجودة بالرياض ؟
رولا : ايه شوفي حاطه الموقع مطار الرياض
داليا : غريبة جاية مو كانو عمي واهله بيروحون عندها بالندن
شهد : الا عمي قال بيروحون الاحد الجاي وحمد سابقهم
وريف : تتوقعون تجي بكرا ببيت جدي
رولا : اكيد بتجي
داليا : تحمست وش البس بنات
شهد : امسكو مجنونتكم
وريف : البسي اي شي تراها مو وحده غريبة
داليا : ترا من زمان ماشفناها
شهد : البسي اي فستان ناعم عندكم
رولا : امي تقول دقت جدتي بكرا بنروح نجلس بسطبل عمي
يومين
وريف : يوه لازم يوهقونا
داليا : تلقين عمي مكلم جدتي عشان ديم جاية بيسوي عشاء شكله
شهد : لازم ناخذ معنا شي
رولا : ايه امي تقول بطلب حلا
وريف : بس نبي فعاليات لنا اخر اليل
داليا : احس لازم نجتمع نقرر وش نجيب فعاليات
شهد : شرايك نروح سوبر ماركت اليوم ونشتري
وريف : تم امركم بس الساعة كم
رولا : ١٠
داليا : متأخر مره خليه بعد صلاة المغرب
وريف : تم
رولا : تم
شهد :تم
هايف : يعني الحين بنرجع الرياض
عبدالمجيد : إيه كم مره تسأل انت
هايف : حجزت طيب
عبدالمجيد : ايه
الساعة ١٢
هايف : شرايك نطلع نغير جو
عبدالمجيد : بشيل اغراضي وبعدين نطلع
ولف على جواله الي يدق والتفت يمشي يبتعد عن هايف
الجد : الو
عبدالمجيد: الو
الجد : ديم رجعت الرياض
عبدالمجيد: زين نفذت الي قالته
الجد: دور اقرب حجز وتعالى بكرا بنروح اسطبل عمك
عبدالمجيد: حجزت
الجد : تلحق العشاء
عبدالمجيد: ايه الحق
الجد : زين
الساعة ثلاثة ونص
ام سارة : ديم يمه قومي يلا الساعة تعدت ثلاث
ديم وهي تتقلب : عبايتي مكويه
ام سارة : ايه ميمي جهزتها لك يلا قومي
ديم : قمت قمت
ورفعت البطانية ونزلت من السرير وراحت تدخل دورة المياه ( يكرم القارئ ) ولفت تطلع وراحت تفتح شنطتها طلعت بنطلون جينز وسيع وتيشرت ابيض ولبست واخذت الشنطة الصغيرة وطلعت منها شنطتة الميك اب وطلعت شنطة الإكسوارات وحطتها على التسريحة وطلعت الفير وسوت شعرها من تحت ويف واخذت جوالها ترسل لدانة
ديم : تعالي مريني ما عندي سيارة
وردت عليها
دانة : تمام
ولفت تنزل الجوال وحطت ميك اب خفيف ولبست خواتم واساور وسلسل وحلقة ولفت تاخذ من شنطتها شوز ابيض وجلست على السرير تلبس الشوز ودخلت عليها ميمي
ميمي : ديم
ديم : ميمي
وقفت باعتدال تضمها
ميمي : طولتي ماجيتينا
ديم : تعرفين الشغل
ميمي : عبايتك
اخذت منها ديم ولبستها
ميمي : بتشوفين دانة
هزت راسها ديم
ميمي : سويت الكيكة الي تحبينها انتي ودانة انتظري اجهز
ديم : تمام
ولفت ديم تاخذ عطرها وروجها وتحطه بشنطتها واخذت جوالها ونزلت تلحق ميمي
ميمي : خوذي
باستها ديم من خدها
ديم : تسلم يدينك جعل ماتمسها النار
نزلت راسها من شافت رساله من دانة : انا برا
ديم : دانة جت يلا باي
أنت تقرأ
لا باب مسايف ولا باب مهجوج ماعاد يمدي يقفل الباب مزلاج
Short Storyديم ترفض ولد صديق جدها عشان تكمل درستها الطب والجراحة لاكن جدها يرفض ويروح ابوها يسفرها للخارج تكمل درستها هي واخوها وترجع بعد سنوات ماخذه الشهادة وتنقذ جدها من الورم
