لا باب مسايف ولا باب مهجوج ماعاد يمدي يقفل الباب مزلاج

45-

وريف : مره تإخرت
أنس : الله يهديك الواحد يطلع صوت
وريف : تعال تعال بتفاهم معك
أنس : وش صار بعد
ورته وريف رسالة رولا
أنس ناظرها : طيب
وريف : طيب ؟ انتظرك تبرر
أنس : وش ابرر كل شي قالته صح
وريف : وش استفدت الحين مدري صدق وليش معطيها رقمك تدري لو ابوي يدري وش بيصير
أنس : بس مارح يدري لين اكلمه يخطبها لي ابيها حلالي
وريف : من جدك
أنس ببرود : إيه
وريف : برودك ينرفزني ليش سويت ذا الدراما كان كلمت ابوي ومهد لعمتي الموضوع
أنس : اخاف تردني انتي تعرفين هي تحب تحارشني
وريف : وانت تحب تحارشها وكل واحد ينرفز الثاني ما توقعت تحبها كل العايلة تعرف هواشكم
أنس : احبها من وهي صغيرة بس هي تقهر كل ما شافتني تحارشني ومع الباقي عادي معهم تسولف تضحك وقلت اجرب حظي
وريف : وجربت ذي الطريقة غبي من يومك مدري كيف درست طب بروح انام وانت فكر كيف تصلح الوضع 
طلعت تتركه يدرك المصيبة الي سوها

عبدالرحمن : ماني مصدق
سارة : لا تتحمس هذه فحص بالبيت امكن اكون حامل وامكن اكون لا
عبدالرحمن : لا انا احس انك حامل صبر بدق على امي 
مسكت يده بسرعة : انتظر نتأكد بعدين نعلمهم
عبدالرحمن : البسي عبايتك يلا بسبقك ن
سارة : بلبس وبجي
طلع وركب سيارته ينتظرها طلعت وركبت السيارة وحرك وصل ونزل يركض يفتح الباب لها
سارة : شوي شوي علي مسكت يده لا تتحمس مو اكيد اني حامل
هدا ودخلو المستشفى حللت وجلسو ينتظرون النتيجة
عبدالرحمن : ياليل متى تطلع النتيجة
وقف يدور فز من سمع جا دورهم وقفت ومشو يدخلون
الدكتورة : تفضلو
جلسو عبدالرحمن : ها حامل
الدكتورة : مبروك حامل 
سكتت بصدمة ما توقعت تكون حامل وقف
عبدالرحمن : متأكدة دكتورة خلينا نسوي تحليل ثاني
ضحكت الدكتورة : متأكدة لفت على سارة تفضلي استريحي بالسرير 
لف عبدالرحمن على سارة وقفت انسدحت وهي لازالت منصدمة كشفت على بطنها وحطت جهاز السونار ولفت تناظر الشاشة ولفت الدكتورة عليهم : تبون تسمعون نبض الجنين ؟
عبدالرحمن : اكيد نزلت دموعها من سمعت نبض الجنين طلع جواله يصور الشاشة
الدكتورة : عمر الحمل شهر واسبوعين
عبدالرحمن: كيف وضع الجنين
الدكتورة : ممتاز
عبدالرحمن : الحمدالله  لف على سارة وليه وليه الصياح
جلست وضمها بقهوة
سارة : بصير ام
عبدالرحمن ضحك : وبصير ابو انا بعد
الدكتورة  مدت الظرف : هذي صور الجنين
اخذتها وظلو يناظرون الصور
عبدالرحمن : شكرا دكتورة
الدكتورة : ولو ذا واجبي
طلعو والفرحة مو شايلتهم وطول الوقت يفكرون كيف يفاجئون اهلهم من حسن حظهم كان اليوم فيه عشاء فبيت عمهم هليل راحو بيتهم وتجهزو ومرو محل اطفال شرو شوز ولبس بلون الابيض وحط البس وشوز ف بوكس واخذو صورة السونار وحطوها فالبكوس وقررو يفاجئون شخص شخص

عند رولا رافضه تروح العزيمة بعد موقف امس
رولا : ماني جاية لا تحاولين
وريف : رولا والله بزعل والله
رولا : انتي تعرفين وضعي
وريف : يا بنت والله بزعل والله ما اكلمك
رولا : خلاص بجي عشانك
وريف : يلا انتظرك
قفلت ومشت تفتح الدولاب طلعت فستان اسود قصير حطته على السرير وطلعت كعب وشنطة واكسسوارات اخذت شنطة الميك اب وبدت تحط خلصت اخذت جهاز الفير وفيرت شعرها من تحت وكملت تتجهز

وصلو مع بعض عبدالرحمن وسارة ورولا دخل عبدالرحمن مجلس الرجال سلم عليهم والكل كان ملاحظ فرحته
نزلت رولا : اوه سوسو
سلمو على بعض ناظرت رولا البوكس : وش ذا
سارة : ما دام شفتك اول وحده بقولك
رولا : وش
مدت لها البوكس سارة : افتحي
فتحت البوكس وناظرت سارة رولا : وش ذا
سارة : ما كذب أنس فاهية والله فاهية
رولا : وش ياخي
سارة طلعت صورة السونار ومسكت بطنها وابتسمت
شهقت رولا : لا حامل
هزت راسها بإيه ضمتها بقوة
رولا : احد يدري
سارة : بس انا وعبدالرحمن وانتي
رولا : ياحظي عرفت اول وحده
سارة : بتساعديني اعلم عمتي وامي متوترة كيف اقولهم
رولا : ندخلهم بغرفة وحده وتنعطيهم البوكس وهم يفهمون
سارة : حلو امشي ندخل
دخلو وشافو داليا وجت تسلم عليهم
داليا : وينكم تأخرتم
رولا : ما تجهزت الا متأخر
ناظرت البوكس الي بطاولة واخذته
داليا : وش داخله
رولا : لا تفتحينه
داليا : خير بفتحه
فتحته وصرخت من شافت صورة السونار
داليا : يمه من الي حامل
تكتفت رولا : شرايك مين المتزوجة
داليا : سوير مستحيل
ضحكت سارة من شافت تعابير وجه داليا ولفت تأخذ جوالها الي يدق
سارة : هلا
عبدالرحمن : ماقدرت اصبر وعلمتهم
سارة : لا عبدالرحمن
عبدالرحمن : عيوني
سارة : قفل قفل
ضحك وقفل داليا : شفيك
سارة : علمهم
داليا : طيب ماردهم يدرون
سارة : لا بس كنت انا ناوية اعلم ابوي
داليا : تعالو ندخل وتعلمينهم