أنس يكلم عبدالمجيد
أنس : وينك
عبدالمجيد : مسافة الطريق ، وصلتو ؟
أنس : الحين بندخل
عبدالمجيد : أجل دقايق وانا واصل
دقت البوري ديم وفتح البوابة راجو ودخلت السيارات
نزلو
وريف : اوف ليش مايدخلون ما يشوفونا جالسين بالسيارة
ديم : برسل ل ثامر
رولا : شوفيه جا
ثامر : شفيكم انزلو
ديم : كيف ننزل وذول واقفين عند الباب
داليا : قولهم يدخلون المجلس لين ننزل بعدين يطلعون
ثامر لف يروح عند العيال
ثامر : يلا يلا ادخلو المجلس
أنس : ليه الجو حلو
ثامر : ادخلو لين البنات ينزلون
أنس : ياليل البنات ذول بلشة
ثامر : ادخل بس محد مسنعكم غير البنات
دخلو العيال
نزلو البنات الا ديم كانت تلم اغراضها الي طاحت من الشنطة ومن نزلت شافت سيارة عبدالمجيد تدخل ومشت تتعداه وتدخل
شافها تدخل وهمس بينه وبين نفسه
عبدالمجيد: سوتها بنت العم
ونزل من السيارة ومشى يدخل المجلس
عبدالمجيد: السلام عليكم
الجميع : وعليكم السلام
سلم على جده وعمانه ومر يمشي يسلم على عياله عمه
أنس : هلا بعشيري
ضحك عبدالمجيد وضمه
حمد : غريبة رجعت
عبدالمجيد: طلع عندي قضية مهمة
ثامر : يلا قومو نجهز القهوة فهد نزل العزبة
فهد : عطني المفتاح
رم المفتاح لفهد ومشى فهد ينزل العزبة
وقف أنس وحمد يرحون مع ثامر للمطبخ
عند البنات فالمطبخ
ديم : فيه احد صديق القهوة السودا
وريف : كلنا نشربها بس قدام جدتي ما نشربها
ديم : زين خفت ما تشربونها جبت بوكس قهوة
شهد وهي تفتش بالاكياس : ديم ليه جايبة جزر
ديم : عشان سهم
دخل ثامر وراه العيال
ثامر : ياحظ سهم
ولف على العيال
ثامر : البنات داخل
انس : خلهم يلبسون عباياتهم
ثامر : انتظرو شوي
ولف يدخل المطبخ
ثامر : بنات البسو عباياتكم العيال بيدخلون
داليا : ياليل
ديم : وريف حبيبتي عطيني عبايتي
مدت لها عبايتها ولبسو كلهم وداليا سوت نفسها مشغولة بالجوال
ثامر : يلا ادخلو
أنس : سلام عليكم
ردو كلهم الا رولا
أنس : رد السلام واجب
رولا : وعليكم السلام
ثامر : لا تبدون مالي خلق لهواشكم بنسوي القهوة وشاهي ونطلع
لف على ديم
ثامر : ديم عطيني غلاية المويا
ديم : ابشر
مدت له غلاية المويا وكملت تصف الحلا مع وريف وبالها مشغول تفكر بموضوع الملف وفزت من سمعت صوت عبدالمجيد
عبدالمجيد : شفيكم تأخرتو
طاحت عينه على ديم ومن شافته يناظرها صدت تكمل تصف الحلا
أنس : الحين بنخلص
عبدالمجيد : والله لو انكم تسون ذبيحة
ثامر: لا يكثر شبيت النار
عبدالمجيد : إيه بيصير رماد
ثامر: أنس وحمد خذو الفناجيل والتمر ودوه بالمجلس
حمد وانس : ابشر
اخذ ثامر الدلة و البريق ومر يطلع هو وعبدالمجيد ولف ثامر من نادته ديم
ديم : ثامر خذ الحلا
ثامر : عطيه عبدالمجيد
مدت الحلا و عبدالمجيد ظل يناظر عيونها المرسومه وتكلمت داليا تقطع سرحانه
داليا : هييي ولد
عبدالمجيد لف عليها : هااا
داليا : خذ الحلا
عبدالمجيد : اي اي الله يعطيكم العافيه
واخذ الحلا وطلع
وريف : وش باقي
ديم : صفينا الحلا والفطاير ورتبنا المطبخ والقهوة وشاهي عند الحريم اتوقع مابقى شي
داليا : ايه مابقى شي امشو نروح نتقهوى
رولا : يلا
طلعو وكل وحده ماخذه شي معها وراحو مجلس الحريم
وكانت اجواء الجلسة ضحك وسوالف ولعب وطقطقة
مجلس الرجال
حمد : قسم بالله غش
أنس : سر بس مافيه غش
حمد : اكبر غش انك مخاوي عبدالمجيد
عبدالمجيد : خلاص ولا تزعل المره الجايه العب معك
رم عليه حمد قارورة مويا
حمد : اذلف
عبدالمجيد و أنس ضحكو
فهد : خل عندك روح رياضية ياخوي
حمد : اشرها مو عليكم اشرها علي اني جالسة معكم
وقف يطلع من المجلس وراح المطبخ ياخذ مويا ودخل مسرع و مانتبه للي معطيته قفاها وماهي لابسه عباية وفتح الثلاجة واخذ المويا ولف ولانت ملامحه من شافها
و لفت داليا وهي تغني وجمد وجها من شافته واقف
حمد : لا إله إلا الله سبحان من خلقك
توترت داليا : وش تسوي هنا
حمد : ها
داليا : وش تسوي هنا
حمد : جاي اخذ مويا والحمدالله اني جيت
داليا : طيب اخذت
حمد : ايه
داليا : اجل يلا اطلع
حمد ميل راسه يناظر عيونها : طرده ذي
داليا : ايه
ونزلت نظرها لنفسها وانتبهت انها ماهي لابسه عباية وشهقت
داليا : يوه ماني لابسه عباية وانت ما تصد
ولفت تاخذ عبايتها الي بطاولة ولبستها واخذت جوالها وطلعت
ضحك وحط راسه على الجدار
حمد : مسكين مسكين من قد بلى بالغرام
دخل فهد : ولد لا يكون زعلت صدق
حمد : لا ما زعلت بس جيت اخذ مويا
فهد : امش نلعب
حمد : لا مالي خلق خلونا نسولف
فهد : اجل تعال نسولف
دخلت مجلس الحريم واضح عليها التوتر من رجفت يدها ولمحت توترها وريف وهمست لها
وريف : وش فيك واضح عليك متوتره
داليا : شافني حمد وانا مو لابسه عباية وتشوفين لبسي مو مره ساتر
وريف : طيب وش صار
داليا : وضحت له ماني خايفة بس والله اني ميته خوف
وريف : معليك منه طنشيه
داليا : هذا الي بسويه
ديم لاحظت توتر داليا وهمسها مع الوريف بس سوت نفسها ماهي فاهمه شي
أنت تقرأ
لا باب مسايف ولا باب مهجوج ماعاد يمدي يقفل الباب مزلاج
Short Storyديم ترفض ولد صديق جدها عشان تكمل درستها الطب والجراحة لاكن جدها يرفض ويروح ابوها يسفرها للخارج تكمل درستها هي واخوها وترجع بعد سنوات ماخذه الشهادة وتنقذ جدها من الورم
