ثامر: بتروحو صد ورد والي يجي الاول هو الفايز
ديم : اوكيه
ثامر : واحد ... اثنين ... ثلاثة
شد على اللجام ورفع الحصان رجولة وطاح حمد على يده فزو العيال يشوفون وضع حمد وديم نزلت بسرعة
غمض عيونه بقوة وتكلم بوجع : اهه يدي
فهد : ولد فيك شي
حمد : يدي يدي ماحس فيها
ديم : تقدر تحركها
حمد : لا
ديم لفت على العيال
ديم : مين الي منكم دكتور
أنس : انا بس ترا للحين ماتخصصت
ديم : مو مهم بس تفهم صح
أنس : إيه
ديم : المستشفى الي تشتغل فيه قريب
أنس : ايه
ديم : أجل بنشيله بشويش ونركبه سيارة بنروح مستشفى انس يلا
مسكوه العيال بشويش مثل ما قالت ديم واخذوه يودونه لسيارة لاحظت سارة رجفان ديم وهي اول مره يصيب احد قريب لها بشي وشت تلحق العيال وطلعت مفتاح سيارتها
ديم : بنروح بسيارتي
ركبوه العيال ورا وراحت ديم تفتتح الباب بتركب وسكرت الباب سارة
سارة : مارح اسمح لك تسوقين وانتي بذا الحالة
عبدالمجيد : ايه صادقة سارة عطيني المفتاح اسوق انا
مدت يدها تعطيه المفتاح وراحت تركب وهي لازالت ترتجف
سارة : عبدالمجيد تكفى انتبه لها انا وعبدالرحمان بنجي وراكم
عبدالمجيد: لا تجون ولا تعلمون الكبار واضح انه كسر وبنروح وبنطمنكم
وركب وشغل السارة ومشى وكل شوي يلف يناظر رجفت يدها الي مو راضيه تهدا ودقايق وصلو المستشفى نزلت بسرعة تنادي ممرضة
ديم : معي مريض بسيارة
وجت ممرضة ومعها عربية وطلعو وفتح عبدالمجيد الباب وساعد حمد يجلس بالعربية ودخلو المستشفى وقابلهم دكتور
دكتور : وش صار له
ديم : طاح من الحصان على يده فحصتها انا والواضح انها كسر بس لازم تسوي اشعة عشان نتأكد .......
دكتور : لحظة لحظة بتعرفين شغلي اكثر مني
ديم تنهدت : انا الدكتورة ديم صلاح
جت بتكمل وقاطعها
الدكتور : ال محمد صح
ديم : إيه
عبدالمجيد رفع حواجبه بذهول ويراوده سؤال كيف يعرفها
ديم : لازم يسوي اشعة الحين
ولفت على عبدالمجيد
ديم : وين انس طول دق عليه
انس : جيت جيت
دكتور : انس وش جابك عندك إجازة
انس ولد عمي ذا
ديم : مو وقته انس وده يصور اشعة
انس كلم الممرضة واخذو حمد لغرفة الاشعة
داليا : عبدالمجيد مايرد وديم مامعها جوالها الحين وش نسوي
وريف : بكلم أنس
داليا : ايه ايه كلميه
وريف : ياخي ليه ماتردون
انس : شيفتنا فاضين
وريف : كيف حمد
انس : باقي ما ندري
وقفلت وريف : يقول باقي مايدرون
بالمستشفى
دكتور : نفس ماقلتي كسر عند المعصم
ديم : ممكن اشوف الأشعة
دكتور : تعريفين مانقدر نعطي الملف لاحد ثاني
انس : هي اخته وتفهم اكثر مني ومنك
مد لها الملف واخذته ديم وجلست بالكرسي تناظر الملف
ديم : فيه رضه عند الكتف والكسر مو عند المعصم تحت المعصم والكسر ثابت
انس : شفت تفهم اكثر منك
ديم : جبسو يده
انس : مدة الشفاء
ديم : من 4 - 6 اسابيع
انس هز راسه وراح هو دكتور يكملون علاج حمد
سندت راسها على الجدار وللحين ترتجف جلس عبدالمجيد جبها وناظر يدينها الي ترجف
عبدالمجيد : خلاص مافيه شي
ديم : ها ؟
عبدالمجيد: حمد مافي شي بطلي ترجفين
ناظرت يدها ورفعت راسها : مو بيدي مقدر ما اخاف على اهلي اخاف يصير لهم شي ومقدر اساعدهم
عبدالمجيد : بس الحين حمد مافيه شي بيجبسون يده وبيطلع يروح معنا
قاطع كلامه اتصال وقف يبتعد عن ديم
عبدالرحمن: قالت لي سارة وش صار عليكم
عبدالمجيد: كسر بيجبسون يده
عبدالرحمن: تمام بجي انا وسارة
عبدالمجيد : لا لا تجون خلاص مابقى شي ونجي
عبدالرحمن: اجل ننتظركم
وقفل ولف بيرجع لديم
بعد ساعة
ديم : خوفتني عليك والله ما تركب الخيل مره ثانية
حمد : لا لا مايصير بنعيد التحدي
ضحك انس : ياخي انت ماتبت
حمد : ومين قال اني بتوب باخذ السيارة
ديم : مارح تاخذها لو تبطي عضم
انس : يلا نطلع ؟
ديم : يلا بروح اجيب عربية واجي
وطلعت ديم ولف عبدالمجيد على حمد
عبدالمجيد : ترا واضح انه خايفة لها ساعة ترتجف ويوم شافتك خفت رجفتها طمنها
هز راسه ودخلت ديم مع الممرضة
ديم : امسك يدي
مسك يدها وقف وقرب انس العربية وجلس وجت ديم تترك يده بس رجع يمسكها بقوة وهمس
حمد : تراني بخير
ابتسمت ومشت تدف العربية
سارة : مو كنهم تأخرو
ودخلت السيارة ونزلت ديم تفتح الباب لحمد
حمد : على هاذا دلع بكسر يدي دايم
ديم بحده : حمددد !!!
حمد : امزح امزح
سارة : كيفك الحين
حمد : بخير بس امي درت
سارة : قلت لامي حصة
حمد : زين
ودخل المجلس وفز ابو سارة
ابو سارة : وش فيك
ديم دخلت من وراه : طاح من الحصان
ابو سارة: كيف طاح ومتى
ديم : قبل ساعتين تقريبا
ابو سارة: فحصتي عليه
ديم : ايه كسر فوق المعصم والحمدالله الكسر ثابت
ابو سارة ناظر انس وهز انس رأسه بتأييد لكلام ديم
جلس حمد وجلست ديم جبه وطلعت الحبوب وتشرح له متى يشربها وليش يشربها تحت انظار الجميع همس حمد اها
حمد : تراني بخير
أنت تقرأ
لا باب مسايف ولا باب مهجوج ماعاد يمدي يقفل الباب مزلاج
Short Storyديم ترفض ولد صديق جدها عشان تكمل درستها الطب والجراحة لاكن جدها يرفض ويروح ابوها يسفرها للخارج تكمل درستها هي واخوها وترجع بعد سنوات ماخذه الشهادة وتنقذ جدها من الورم
