وناظرتها تبتسم ولفت على رولا : معنا اليوم صح مارح اتركك
ديم : تبين اكون معك
وريف : ايه قبل ما تسافرون
لفت من سمعتها تتكلم جمان : وين بتسافرون
شهقت رولا بقهوتهم ضربت ظهرها داليا بخفيف همست داليا لرولا : يوه شدخلها ذي
ابتسمت تلف عليها ديم : معليش بس انتي وشدخلك وين بسافر
ضحكت داليا : This is my girl
ضربتها على جبها وريف تسكتها ابتسمت لها ديم تغمز لها
جت العاملة تقول لوريف الغداء خلص وقفت وريف تقلط البنات لفت داليا : عجبتيني
ضحكت ديم : اسألتها هي وامها غريبة انتم شكو وين بسافر كيف حياتي معه
وريف : توقعت الجمعة بين الاهل ماكنت ادري صحبات جدتي بيجون
ديم : ولا انا ادري احسب بس احنا
رولا : كانت بس احنا بس اتصلت ام عارف وعزمت نفسه ومقدرت جدتي تترك الباقي وما تعزمهم
داليا : ملقوفه تدري بعد العرس فيه غداء
ديم : بجيحه
دخلت جمان من سمعت كلامه : انتي مين عشان تقولين ل امي بجيحه
ناظرت فيها ديم وابتسمت
داليا : طيب ما كذبت صادقه امك بجيحه
جمان : افا داليا ما توقعت ذا الكلام يطلع منك غيرتك علينا
داليا : محد غيرني تعبت وانا اجامل
جمان : تدري هي ان عبدالمجيد حاجزني
لفت داليا لديم وابتسمت لها وهزت راسها بإيه
داليا : شكلكم كذبتو الكذبة وصدقتوها
جمان : اي كذبة
رولا : عبدالمجيد ما حجزك
جمان : كيف
داليا : امك مطلعه كلام ان عبدالمجيد خطبك وهو وقتها مادرا عنك
جمان هزت راسها بتكرار : لا لا امي قالت امك خطبتني
داليا : كذابة امك
تقدمت جمان بتضرب داليا بس مسكتها وريف ترجعها
وريف : استهدو بالله لفت على جمان وانتي اكسري شر
جمان : الحين انا صرت شر مو هي سرقت عبدالمجيد
تكتفت ديم : ماسرقت حق احد
نزلت دموعها ماتوقعت امها تكذب عليها بعد ما اوهمتها انه يحبها من سنين وخاطبه وتعلقت فيه ويوم درت انه تزوج انهارت ورفضت تحضر العرس لفت تاخذ شنطتها ولبست وطلعت ركبت سيارتها وحركت
ديم : حزنتني
رولا : واضح ماتدري
ديم : تعبت فيه احد جايب لبس زيادة
وريف : تعالي حسبت حسابك
تقدمت تضمها ديم : وريف احبك
رولا : بتكونين معنا اليوم
ديم : مدري
رقو وريف وديم فتحت شنطتها طلعت لبسها ومدت لديم اخذت جوالها ترد ديم : هلا حبيبي
همست وريف : حبيبي !
ديم : للحين ما شبعت من البنات بجلس شوي
عبدالمجيد : طيب بس ترا بتنامين بحضني
ديم : اوكيه
عبدالمجيد : ديم انزلي تعالي المجلس الداخلي
ديم : مجيد مو قلت بتخليني اجلس معهم
عبدالمجيد : معي حاجة انزلي بعطيك ياه وارقي
ديم : لك خمس دقايق بس
عبدالمجيد : شوي
ديم : مجيد !!
عبدالمجيد : خلاص انتظرك
ديم : بابدل واجي
قفلت وبدلت عدلت شعرها ونزلت فتحت باب المجلس ولقته جالس ومعه اكياس رفع راسه وابتسم ابتسمت ومشت تضمه
ديم : وحشتني
عبدالمجيد : الحين وحشتني بالمكالمة بجلس معهم
ضحكت وابتعدت عنه ديم : يلا وش بتعطيني
عبدالمجيد مسك يدينها وباسها : شفت الغداء لحم واعرفك ما تاكلين لحم وطلعنا وماكلنا شي هزت راسها تسمع كلامه
عبدالمجيد: وما طاوعني قلبي اكل وانتي جوعانه وطلبت لك اكل
لفت راسها تناظر الاكياس ديم : مجيدي تعرف اني احبك
عبدالمجيد: لا انتي بتخليني اسرقك
ضحكت رفعت نفسها تبوس خده واخذت الاكياس بسرعة ومشت تطلع من المجلس
رقت فوق شافت البنات لابسين بجايمهم
داليا : يلا اثبتو على مطعم
ديم رفعت الاكياس : ما يحتاج
وريف : عروس وعازمتنا عيب علينا
ديم : مو مني من عبدالمجيد
نزلت الاكياس وقفت رولا : بروح اجيب المشروبات واجي
نزلت ودخلت المطبخ الي بقسم الرجال فتحت الثلاجة الي مليانه مشروبات اخذت لهم وحطته بالكيس
ومشت تطلع وقفت من احد صدمته رفعت راسها بتشوف مين
ثامر : ليه داخله قسم رجال
رولا ضمته بقوة : ثامر متى جيت وحشتنا
ثامر : توني جيت
رولا : صبر
رجعت تدخل لفت عليه رولا : تحب كولا دايت صح
ثامر : ايه بس ليه
اخذته ودخلته بالكيس ومشت رولا : يلا تعال معي
ثامر دخلها تحت ذراعه : وين
رولا : تعال انت بس
مشى ورقو فوق فتحت باب القسم ودخلو رولا : شوفو من معاي
ديم فزت : ثامر
وقفت تضمه تجمعو البنات يضمونه
ثامر : شوي شوي
داليا : معليش بس اكلت انا
لفو عليها يشفونها تاكل ضحكو عليها ثامر : حركاتها تعالي
وقفت تضمه جلس جبها مدت له رولا المشروب بدو ياكلون
يعيدون ايام قبل كل جمعة يجتمعون وعشان ديم ورولا ما ياكلون لحم ينقذهم ثامر كل مره ويجيب لهم اكل ويحسب حساب الباقي بس هالمره كانت على عبدالمجيد
أنت تقرأ
لا باب مسايف ولا باب مهجوج ماعاد يمدي يقفل الباب مزلاج
Short Storyديم ترفض ولد صديق جدها عشان تكمل درستها الطب والجراحة لاكن جدها يرفض ويروح ابوها يسفرها للخارج تكمل درستها هي واخوها وترجع بعد سنوات ماخذه الشهادة وتنقذ جدها من الورم
