عبدالمجيد : سلام عليكم
ديم : وعليكم السلام
ونزلت راسها للابتوب
ديم : مكتوب تحاليل شاملة
عبدالمجيد : مابي اسوي تحاليل انا جاي هنا عشان اكلمك
ديم : تكلم
عبدالمجيد ناظر الممرضة : لوحدنا
ديم : ماتفهم كلامك
وتنهدت ولفت على الممرضة تتكلم معها انجليزي وطلعت الممرضة ولفت عليه ديم : تقدر تتكلم
عبدالمجيد : انا جاي هنا عشان جدي
هزت راسها ديم : ادري
عقد حواجبه : كيف تدرين جدي قالك ؟
ديم : لا محد قالي اعرف جدي ، انت الحين وش تبغى
عبدالمجيد: جدي قال اقنعها ترجع الرياض
ديم : وجدي ما اختار احد غيرك تجي يعني تعرف موضوعي مع جدي
عبدالمجيد : لا رفض يقولي
ديم : طيب قول له برجع رياض بجلس شهرين وارجع لندن
عبدالمجيد: غريبه ليه ؟
ديم : هو يبي كذا
عبدالمجيد : ادق عليه الحين وكلميه
ديم : لا انت قوله افضل انا بكلمه اذا رجعت
ولفت تقوم
ديم : تشرفنا يا ولد العم وراي اوراق اوقع عليها اشوفك برياض
واخذت شنطتها ولابتوبها وطلعت
ناظر المكان الي كانت جالسه فيه واخذ جواله يرسل لجده
ديم بترجع الرياض وقفل جواله وقف يطلع
سابينا : بشتاق لك بترجعين صح
ديم : ايه بجلس شهرين وارجع عطيني الاوراق
ومدت سابينا الاوراق واخذتها توقع وودعت سابينا وطلعت تركب سيارتها واخذت نفس ولفت تفتح جوالها ترسل لحمد خلصت وشغلت السيارة ومشت
هايف : وينك
عبدالمجيد : طالع
هايف : بدوني
عبدالمجيد : رحت اخذ سيارة ورحت مشوار وبجي الحين
هايف : طلعت مع حمد نفطر
عبدالمجيد: أرسل لي الوكيشن
هايف : ابشر
ديم : هلا والله مالك حس
ساير : انتي وحمد الي مالكم حس
ديم : اسمع برجع الرياض بجلس شهرين بعدين برجع
ساير : مو كنا احنا الي بنجي كيف الحين انتي بتجين
ديم : اخذت إجازة
ساير : يعني مانجي
ديم : ايه لا تجون ولا تقول لامي وابوي بعد سارة
ساير : تمام متى بتجون
ديم : للحين ماحجزت بس اقرب وقت
ساير : افتح ادور
ديم : ايه شوف
ساير : في بكرا وبعده
ديم : احجز بكرا
ساير : صادقه انتي
ديم : تحسبني امزح والله الحين دخلت البيت بجمع اغراضي
ساير : ايه والله احسبك تمزحين
ديم : كيف جو الرياض برد مره
ساير : برد بس مو زي برد لندن
الاربعاء الرياض📍
ديم : اوف اشتقت حتى للمطار
حمد : قولي بعد اشتقتي لستاربكس بعد
ديم : تصدق اشتقت امش نمر ناخذ
حمد بضحكة : لا ديم مو طبيعية تراه نفس لندن
ديم : تكفى حمد ياخي
حمد : خلاص نقول لساير يمر الي جنب بيتنا
ديم : صدق وينه هو
حمد : برا
ديم : مره وحشني
حمد : شوفيه هناك
ديم : يمه متغير
حمد : من الشغل
ومشت تسبق حمد وتركت شنطتها وتقدمت تضمه
ديم : مره وحشتني
ساير : يروحي اكثر والله
حمد : لو سمحتو في شخص ثالث ترا
ساير : شايفك قبل كم يوم
ابتعدت عن ساير
ديم : امي وابوي يدرون
ساير : لا بس سارة تدري وقالت لأمي بجي انا وعبدالرحمان بنجي نفطر عندكم
ديم : زين
حمد : وين سيارتك بسرعة والله تعبان
ديم : أنت ! تعبان
حمد : إيه لخمتيني تخيل حجزت وقومتني من النوم الى المطار على طول
ساير : انا الي حجزت
حمد : ماشاءالله تدري وماتقول
ساير : امش اركب
ديم : ساير انا ابي اسوق
رما عليها مفتاح السيارة ومشت تركب جهت السواق وساير وحمد يدخلون الشنط بالسيارة ركب ساير جب ديم وراهم حمد منسدح
ديم : مو معقولة حمد بتنام بعد
حمد: انتي شتبين حاطه عينك على نومي
ديم : على كيفك ولفت على ساير شغل الوكيشن
ساير : انا اوصف لك
وهزت راسها وشغلت السيارة ولفت على ساير
ديم : ابي اقرب ستاربكس
ساير: امي مسويه فطور
ديم : لا بس باخذ قهوة من امس ما اكلت ولا شربت قهوة واحس راسي مصدع
ساير : في بعد ذي الإشارة
وقفت عند ستاربكس ولف عليها ساير
ساير : انا بنزل وش طلبك
ديم : كولد برو
ولف يناظر حمد الي نايم
ديم : جب له كراميل ميكاتو
سارة : يمه ماكلمتي ساير وينه
ام سارة : الا بطريق جاي
سارة بهمس : غريبة تأخرو
ام سارة : يمه سارة شوفي الطاولة ناقصها شي
سارة : ابشري
دخل الصالة ابو سارة : ديم ماترد وحمد مايرد بعد
ام سارة : تلقاهم نايمين
ابو سارة : ديم بذا الوقت تكون بالمستشفى بالعاده
دق الجرس وتقدم ابو سارة يفتح الباب
ام سارة : اكيد عبدالرحمان
وجمد وجه ابو سارة من شاف ديم وتقدمت تبوس راسه ويده وتضمها وبادلها
ابو سارة : بسم الله وش جابكم
ابتعدت ديم عن حضنه وعقدت حواجبها
ديم : يعني ارجع
ابو سارة: لا هذي الساعة المباركة
وحط ذراعة خلف ظهرها يدخلون البيت شهقت ام سارة
ام سارة : يمه ديم
وتقدمت ديم تبوس راسها ويدها وتضمها
ام سارة : ليش ماعلمتوني كان تجهزت
ديم : والله يمه مابي اتعبك
حمد : والله بديت اغار قبل كل الدلال كان لي الحين صار لديم
ام سارة : انت عندنا دايم بس ديم لا
ديم : وين سارة ساير قال فالبيت
ام سارة : فالمطبخ
ديم : بروح اشوفها
أنت تقرأ
لا باب مسايف ولا باب مهجوج ماعاد يمدي يقفل الباب مزلاج
Short Storyديم ترفض ولد صديق جدها عشان تكمل درستها الطب والجراحة لاكن جدها يرفض ويروح ابوها يسفرها للخارج تكمل درستها هي واخوها وترجع بعد سنوات ماخذه الشهادة وتنقذ جدها من الورم
