الموظفة : وش اسمك
ديم : ديم صلاح
الموظفة : أجلو الموعد
ديم : اتصلي عليه وقولي الدكتوره ديم صلاح ال محمد تبيك ضروري ضروري
الموظفة دقت على الدكتور سلمان وسمح لها تجي لفت الموظفة على ديم
الموظفة : غرفة الدكتور سلمان الدور الثاني
ديم : شكرا
ومشت ودخلت المصعد ضغطت زر رقم اثنين وطلعت وسألت ممرضة وتكلمت انجليزي
ديم : وين غرفة الدكتور سلمان
واشرت الموظفة على الغرفة ومشت ودقت الباب وسمح لها بدخول
ديم : السلام عليكم
الدكتور سلمان : وعليكم السلام تفضلي
جلست بمقابل له ومدت له الملف
الدكتور سلمان : وش هذا
ديم : هذا ملف مريضك بس ابي اعرف اسمه
الدكتور سلمان : وش جابه لك
ديم : جدي عطاني ياه انا دكتورة ومختصة بالاورام السرطانية
الدكتور سلمان : دقايق بشوف في الابتوب
ديم : تمام
الدكتور سلمان : انتي الي تشتغلين بلندن الدكتورة السعودية
ابتسمت ديم : إيه
الدكتور سلمان: بتنقلين هينا
ديم: لا ما خذه إجازة بس
الدكتور سلمان: محمد *****
انصدمت وعقدت حواجبها
ديم : متأكد
الدكتور سلمان : إيه
ديم : مستحيل
الدكتور سلمان : ليش مستحيل
بدت ترتجف من خوفها على جدها وهي شكت لان بالملف مكتوب اسمه محمد بس ما توقعت انه جدها
الدكتور سلمان : تعرفينه ؟
ديم : جدي
وقفت وطلعت بدون ماتقول شي وركبت سيارتها ونزلت راسها على الدركسون وبكت بعلو صوتها وهي بعد ما استشارت كم دكتورة عرفت مايقدرون يشيلون الورم وبيموت خلال ثلاث شهور رفعت راسها وشغلت سيارة وتوجهت لبيت جدها
وقف سيارته ونزل ودخل
عبدالمجيد : سلام عليكم
الجد محمد: وعليكم السلام تعال يوليدي
اخذ عبدالمجيد الدلة وصب له ولجده وجلس
الجد محمد: ماودك تتزوج كانك طولت
عبدالمجيد : كنك حاس
الجد محمد: ما شاء الله تفكر ب بنت مين ؟
عبدالمجيد : بنت عمي صلاح
الجد محمد : اجل متى نخطب
عبدالمجيد : بتأكد أول
الجد محمد: من وش
عبدالمجيد: منها ما بيها اسمع رفض
الجد محمد: لا ان شاء الله بتوافق و اذا ما وافقت يا كثر البنات
عبدالمجيد: لا انا مابي غير ديم
قاطع كلامهم دخول ديم
ديم وهي فيها غصة : جدي عادي اكلمك بروحنا
وقف الجد بصعوبة وقف معه عبدالمجيد
الجد محمد : بنتي ديم فيك
لفت راسها ومسحت دموعها
ديم : جدي بكلمك لحالنا
وقف عبدالمجيد وطلع وسكر الباب
ديم تقدمت : ليش ما قلت لي
الجد محمد: وش اقولك
رمت الملف على الطاولة
ديم : صح عماني وابوي مايدرون صح حتى عبدالمجيد مايدري
الجد محمد : مايدرون و المفروض انتي بعد ماتدرين كيف عرفتي
ديم : رحت شفت الدكتور
جلست وجلس جبها جدها
الجد محمد : ديم لا تعلمين احد
ديم : كيف ما اعلم احد بس باقي من حياتك ثلاث شهور لازم ندور دكتور شاطر لازم نشوف مستشفى ممتاز وقفت بنقل هنا وبشوف وضعك الصحي
الجد محمد : بتعلمين احد
ديم : جدي لازم نعلمهم بعدين بيندمون اذا
سكتت
الجد محمد : مت
ديم : اول واحد لازم يعرف امي حصة
الجد محمد : تساعديني اعلمها
ديم هزت راسها وضمته دخل عليهم عبدالمجيد وعقد حواجبه
الجد محمد: ناد جدتك
هز راسه وراح ناد جدته وجلسو ينتظرون يتكلمون
الجدة حصة : وش فيكم
رفعت راسها ديم
الجدة حصة : بنتي ديم ليه تبكين
تكلم الجد محمد : انا مريض
وعقد حواجبه عبدالمجيد
عبدالمجيد: وش مرضك
الجد محمد: سرطان
شهقت جدة حصه ونزلت دموعها نزلت دموع ديم بحرقه على جدها وقفت وضمت جدتها
عبدالمجيد وقف : اكيد فيه علاج صح
سكت يشوفهم ساكتين ولف على ديم
عبدالمجيد: ديم صح فيه علاج صح
ابتعدت من حضن حصة ومسحت دموعها وعدلت جلستها
ديم : حاليا لا بس لازم ندور مستشفى ودكتور شاطر وقفت عبدالمجيد انت قول لعمي وانا بقول للباقي لاحد يقول ل ثامر شي انا بقوله
مسك كتوفها وهزها
عبدالمجيد : شلون مافي علاج شلون
وقف الجد محمد ومشى ومسك يد عبدالمجيد
الجد محمد : استهدي بالله يابوي تعال اجلس
مشى يجلس جب جده وهي طلعت ومشت تسرع بخطواتها ركبت سيارتها بس من كثر ما ترجف ما قدرت تسوق رفعت راسها ولفت راسها من احد طق الدريشة شافت ثامر نزلت وضمت باقوى ما عندها
ثامر : وحشتك صح اعترفي
انصدم من سمعها تبكي وبعدها من حضن
ثامر : ياروحي وش فيك
ديم : اركب
مشت ترجع تركب وركب اخذت نفس وجبرت نفسها تشغل السيارة وتمشي
ثامر : اذا ما تقدرين تسوقين انزلي اسوق بدالك
هزت راسها بنفي وقفت عند اسطبل ابوها وحس ثامر انها متضايقه وتبي تفضفض طقت بوري وانفتحت البوابة ولبقت السيارة واخذت جوالها وارسلت لساير تعال للاسطبل ضروري ونزلو ومشو وجلسو قدام الخيول
ديم : اذا تعب احد تعزه وش بتسوي
ثامر : اكيد بزعل وبتضايق
ديم : مدري كيف اقولك
ثامر : وش فيك وترتيني فيك شي
لفت ديم عليه وشافت ساير يمشي بتاجهم وجلس
ساير: وش فيه
رجعت تناظر ثامر
ديم : اوعدني بتكون هادي
ثامر : ديم اهرجي خوفتيني
تعالو انستا : ilexz5
لا تنسون النجمة 🌟
أنت تقرأ
لا باب مسايف ولا باب مهجوج ماعاد يمدي يقفل الباب مزلاج
Short Storyديم ترفض ولد صديق جدها عشان تكمل درستها الطب والجراحة لاكن جدها يرفض ويروح ابوها يسفرها للخارج تكمل درستها هي واخوها وترجع بعد سنوات ماخذه الشهادة وتنقذ جدها من الورم
