لا باب مسايف ولا باب مهجوج ماعاد يمدي يقفل الباب مزلاج

30-

سكتت تسمع كلمات الاغنية تحس توصف مشاعرها اذا شافت عبدالمجيد قطع سرحانها سؤال وريف
ديم : إيش ؟؟
رولا : لا ذي مو معنا
ابتسمت داليا : ياحظ الي شاغل بالك
ديم : لا بس كنت سرحانه وش كنتم تقولون
وريف : بكرا بنجتمع عند داليا وبتجي صديقتي نورة
ديم : بكرا بروح لجدي
رولا : روحي له بعدين تعالي وترا بنسهر جيبي بجامتك
ديم : مدري والله اشوف
داليا : اذا ما جيتي بزعل
وقفت عند بيت عمها فرحان ونزلت داليا ومشت لعند شباك ديم وطقت الشباك لفت ديم ونزلت الشباك
ديم: هلا
داليا : لا تنسين بتجين
ديم ابتسمت : خلاص ابشري
داليا : باي كتاكيتي
ضحكت ديم : باي
وصلت باقي البنات ورجعت البيت دخلت السيارة بالكراج نزلت اخذت شنطتها دخلت البيت وشافت ميمي
ديم : ميمي في شنط بسيارة عادي تنزلينها
ميمي : الحين انزلها
مشت ترقا الدرج دخلت غرفتها نزلت عبايتها ومسحت الميك اب ولبست بجامتها رفعت المفرش وانسدحت وضمت المخده وثواني ونامت بعمق

قام من النوم ناظر الساعة كانت ١٢:٣٠ فز وراح على طول يتوضى ويصلي صلاة الفجر والظهر سلم ولف على جواله الي يدق اخذه ورد
عبدالمجيد : هلا والله
الجد محمد : صاحي
عبدالمجيد: إيه
الجد محمد: تعال تغدا معنا
عبدالمجيد: مدري بشوف
الجد محمد: نحسبك بالغداء ؟
عبدالمجيد: ايه
الجد محمد : اجل ننتظرك
قفل ودخل دورة المياه ( يكرم القارئ) اخذ شور على السريع وطلع ولبس ثوب ولبس كاب واخذ العود حطها برقبته واماكن النبض وتعطر ولبس ساعته الرولكس وخاتم ولف من فتحت داليا باب الغرفة
داليا : الله الله وش هالحلاوه لايكون رايح تخطب ديم
جلست بالكنبة ابستم وجلس جبها
عبدالمجيد : بروح اتغداء مع جدي
داليا : حسافة مانت رايح تخطبها
عبدالمجيد : قريب قريب بس مو الحين
داليا : اسمع ابيك تشرح لي كيف حبيتها ابي اعرف كل شي
عبدالمجيد : رحت لندن عشانها
داليا : كيف مافهمت ؟
عبدالمجيد: جدي طلب مني ورحت
داليا : كيف يعني انت تحبها من قبل بس انا كشفتك قبل يومين
عبدالمجيد: ما حسيت اني احبها الا قبل فترة اذا سمعت اسمها يفز قلبي اذا شفتها قلبي يطق بسرعة اذا شفتكم انتي والبنات وهي مو موجودة ادورها بلهفة كنت انكر واقول صحصح ياولد هذي مشاعر وتروح بس كل مالي اغرق فيها اكثر
ناظرته داليا وهي تبتسم : طلعت صدق تحبها
تنهد عبدالمجيد: بس مدري هي تحبني واخاف اتقدم لها وترفضني
داليا : تبيني اجيس النبض
عبدالمجيد : اخاف تكبين العفش
داليا: لا ما عليك خلاص عندي بس تبي رأيي
عبدالمجيد : أكيد
داليا : اخطبها بدون ما تسألها
عبدالمجيد : توني اقول اخاف ترفضني
داليا : عادي جرب وانا بجيس النبض اليوم بيجون البنات عندي
عبدالمجيد: زين قلتي عشان اجي بدري
داليا : لا ياحبيبي لا تجي بدري عشان البنات ياخذون راحتهم
عبدالمجيد ناظر ساعته : تأخرت
وقف عبدالمجيد: كل منك اخذتني سواليفك
داليا : يلا رح لا تتأخر ولا جدي بيذبحك
لبس زبارياته واخذ بوكه ومفتاح سيارته ودخله بجيبه وطلع من الغرفة
فتحت جوالها وسوت قروب وضافت البنات كلهم الا ديم
داليا : بنات شكله فيه زواج
رولا : مين مين ؟
داليا : انتظري يا فضوليه لين يجتمعون البنات
رولا : بسرعة تحمست
شهد : مين ؟
وريف : ازعجتوني
رولا : يلا مين
داليا : عبدالمجيد و ديم
شهد : مستحيل
داليا : ترا ديم ماتدري بس عبدالمجيد ناوي يخطبها
رولا : ليه ما خطبتوها
داليا : يخاف ترفضه
وريف : ما اتوقع بترفضه على طول اكيد بتفكر وتستخير
شهد : احسها بترفضه
داليا : ليش وش فيه عبدالمجيد
شهد : مافيه شي بس هي تشتغل ب لندن و اكيد بترجع
داليا : عادي تنقل المهم قلت ل عبدالمجيد بجيس نبضها اليوم
وريف : وش بتقولين يعني
داليا : مدري بروح اجهز وافكر وش اقول لها
وريف : وانا بكمل شغل

قامت من شافت اشعة الشمس داخله غرفتها فركت عيونها واخذت جوالها
ديم : يوههه بتأخر
قامت بسرعة ودخلت دورة المياه ( يكرم القارئ ) وغسلت وجها وفرشت اسنانها وطلعت رطبت وجها وشفايفها وحطت ميك اب خفيف بخت عطر صباحي صيفي واخذت المسك تحطها ب اماكن النبض وفردت شعرها بعشوائية ولفت تفتحت دولابها واخذت تشيرت اسود ماسك على الجسم وجينز اسود وشوز جوردن احمر واخذت عبايتها السودا ولبستها واخذت شنطة سودا حطت فيه جوالها ومفتاح و اخذت الملف وطلعت نزلت شافت امها وابوها يتقهون ف صالة
ديم : مساء الخير يا احلا ام و اب بالعالم
ابو سارة : مساء النور يا ابوي
ام سارة : طالعها ؟
ديم : ايه عندي موعد
ام سارة : فيك شي تعبانه
ديم : لا بس استشارة
ومشت باست راس امها وابوها
وطلعت من البيت وركبت السيارة وحركت متوجها مستشفى الدكتور الي ماسك ملف المريض الي عطها جدها وصلت نزلت اخذت الملف ومشت تدخل وقفت عند الرسبشن
ديم : عندي موعد مع الدكتور سلمان محمد
الموظفة : وش اسمك
ديم : ديم صلاح
الموظف : أجلو الموعد  
ديم : اتصلي عليه وقولي الدكتوره ديم صلاح ال محمد تبيك ضروري ضروري

تعالو انستا : ilexz5
لا تنسون النجمة 🌟 تحمسني اكمل