ديم : ايه كسر فوق المعصم والحمدالله الكسر ثابت
ابو سارة ناظر انس وهز انس رأسه بتأييد لكلام ديم
جلس حمد وجلست ديم جبه وطلعت الحبوب وتشرح له متى يشربها وليش يشربها تحت انظار الجميع همس حمد لها
حمد : تراني بخير
ديم : ادري
حمد : ليش ترتجفين
ديم : اسمع اقولك شوف هذا الدواء تاخذ بعد كل وجبه وذا بس اذا حسيت يدك تعورك يخفف الألم
شافها تحاول تغير الموضوع ف ما حب يضغط عليها
وهذي ديم تخاف على اخوانها اكثر من نفسها وتحاول
ما تبين لهم بس يوضح لهم من رجفتها وهي تعرف
انهم يفهمونها
ابو سارة : زين بنفتك من سواقتك يا طايش
حمد : لا بسوق ترا يدي الي مكسوره مو رجلي
ابو سارة : سواقه مافيه خلص امورك مع السواق
حمد : ياليل ديم تقول مارح تخليني اركب حصان مره ثانية وانت تقول مارح تخليني اسوق وش الحاله ذي
ابو سارة : لا تتحلطم انتهى النقاش
فهد : معليك انت بس دق علي وقول ابي اروح المكان الفلاني اجيك طياران
حمد : ياليل ابلش
الساعة وحده الفجر الكل نايم الا البنات وشباب البنات مجتمعي بالجلسة الخارجية يسولفون الا ديم بالغرفة والعيال مجتمعين بالمجلس الي يلعب سوني والي يلعب بلوت
طلعت من الغرفة رايحة للبنات
ديم : بنات مين عندها لابتوب او ايباد ابيه ضروري الحين
رولا : ماجبته
شهد : حتى انا ماجبته
لفت على داليا و وريف
داليا : ماجبته
وريف : بعد انا ماجبته
ديم : ياليل عند اجتماع خمس الفجر ضروري
داليا : اذكر عبدالمجيد جايب لابتوبه برسله
ديم : لا لا تقولينه بروح شوي البيت اجيبه
سارة : ديم منجدك بتروحين الحالك لا وبعد بالفجر الشوارع فاضية
ديم : عادي متعودة انا
سارة : لا مارح اسمح لك تروحين لحالك
داليا : تراه صادقة برسل ل عبدالمجيد وترا مارح يرفض
محادثت داليا و عبدالمجيد
داليا : عبدالمجيد
عبدالمجيد: ها
داليا: بطلب طلب صغير
عبدالمجيد: وش
داليا : ديم عندها اجتماع خمس الفجر وتبي ايباد او لابتوب بس ماجبنا كلنا
عبدالمجيد: وقلتي انا معي
داليا : ايه 🫣
عبدالمجيد: شويات بحطه عند باب غرفتكم
داليا : ياخي احبك
عبدالمجيد: اذلفي لا يكثر
داليا : هههههه حيوان
نرجع لجلسة البنات
داليا : يقول شويات وبيحطه عند باب غرفتنا
ديم : ياليتك ماقلتي له كنت رحت جبت حقي
وقفت رولا
رولا : انا خلاص طفيت بروح انام
شهد : حتى انا بروح معك
وريف : اصبرو بجي معكم
داليا : ياليل وقت نومك ماتقدرون تسهرون شوي
وريف : وراي دوام انا
ديم : بتروح عليكم جلسة الصبح
داليا : ايه والله
راحو البنات ينامون وبقو ديم و داليا و سارة
مرت ساعتين وقفت سارة
سارة : حاولت اصمل بس مقدرت بروح انام
ومشت تروح الغرفة الي مخصصة لها ول عبدالرحمن
وفتحت الباب وشافت انه صاحي
سارة : صاحي
عبدالرحمن : انتظرك ، وش فيك
مشت تجلس جبه وحط ذراعه ورا ظهرها وسند ظهره بالجدار
سارة : شفت حال ديم بعد ما طاح حمد تحاول ما تبين لنا بس انا فهمتها وحمد فاهمها بعد سالفة الطفل وهي مو ديم الي نعرفها لو حسيت بدوخة بس تخاف وتبدا ترتجف
عند ديم وداليا
داليا : خوذي متى اجتماعك
ديم : باقي نص ساعة
داليا : شرايك نرسل لاحد من العيال الصاحين يجبون لنا فطور
ديم : ما اتوقع احد صاحي نطلب افضل
داليا : اوكيه من وين نطلب
ديم : مشتهيه من بوفيتنا الي نطلب منها دايم
داليا : يوه من زمان ماطلبنا صدق اشتقت
ديم : ابي كبده و حمضيات
داليا : قبل فترة نزلو فلافل نجربها ؟
ديم : اطلبي نذوق
طلبت داليا لها ولديم وعرفت ان حمد وعبدالمجيد وانس صاحين وحسبتهم بالفطور وشويات وصل الاكل وطلع عبدالمجيد ياخذ الاكل
عبدالمجيد مد لها الكيس : لا تعودينها وتدفعين ابل بي مره ثانية
داليا : فطوركم علي ذي المره
عبدالمجيد: خذي واذلفي
واخذت الكيس وراحت وشافت ديم بدا الاجتماع
ديم وهي تتكلم انجليزي : شفت الملف بس ابي استشارتك
جستن : ارسلي الملف bdf
ديم : دقيقة
وارسلت الملف
جستن : بشوفه وارد عليك
ديم : رد علي سناب الابتوب الي معي مو حقي
جستن : تمام
قفلت ولفت على داليا
ديم : مسكت نفسي ما اكل
داليا : حتى انا مسكت نفسي ما اكل
ديم : بعد ما نخلص وديه ل خوك خلصت منه
داليا هزت راسها ومن سالفة لسالفة
أنت تقرأ
لا باب مسايف ولا باب مهجوج ماعاد يمدي يقفل الباب مزلاج
Короткий рассказديم ترفض ولد صديق جدها عشان تكمل درستها الطب والجراحة لاكن جدها يرفض ويروح ابوها يسفرها للخارج تكمل درستها هي واخوها وترجع بعد سنوات ماخذه الشهادة وتنقذ جدها من الورم
