طلعت من غرفة رئيس الاطباء ولف لها من شافها تطلع
حمد : ها وش صار
ديم تنهدت : اخذت إجازة شهرين
حمد : زين عشان ترتاحين
ومشو يطلعون من المستشفى ولفت ديم عليه : ابي اسوق
حمد : لا انا بسوق حتى امي تقول لاتخليها تسوق
ديم : اوف حمد ليه قلت لها
حمد : خفت عليك وماعرفت اتصرف دقيت على سارة وماردت
ديم : عطني جوالك بدق اطمنها
حمد : وجوالك ؟
ديم : طافي
مد لها الجوال واخذت تتصل انتظرت ثواني وردت
ام سارة : ها حمد وش صار على ديم
ديم : انا ديم يمه بخير لا تشلين هم
ام سارة : كيفك يمه إن شاء الله بخير
ديم : والله اني بخير اصلا ما ادري ليش حمد متصل عليك وهو شايفني بخير
ام سارة : انتيك الحين وين
ديم : رايحة البيت الحين
ام سارة : اجل ما اطول عليك اذا وصلتي ارسلي لي
ديم : ابشري ماطلبتي شي كم عندي ام ديم انا
لف حمد عليها : ام حمد
ضحكت ام سارة : انتبهي عليه ديم والله انه خبل
ديم : ابشري يلا مع السلامة
ام سارة : مع سلامه
ديم : وانت دواك عندي ونزلت من السيارة ومشت تسبقه تدخل البيت
حمد وهو يلحقها : ديم والله خفت عليك وما ادري وش اسوي ودقيت على امي
لفت عليه ديم : حمد لازم تستوعب امي مو بلندن بالرياض
حمد : ادري انها مو بلندن
ديم : وهاذي مشكلة انك تدري ترا المسافة الي بين الرياض ولندن مو زي الرياض والخبر صحصح
حمد : خلاص ديم لا تهاوشيني
ديم : انا ما اهاوشك انا افهمك تخيل لو صار لأمي شي
حمد : خلاص والله درينا المفروض ما اقول لأمي كان ممكن يصير لها شي لا سمح الله
< عند عبدالمجيد >
نزل نظره لجواله من سمع صوت رساله وكانت من جده
الجد : المستشفى ......... روح بكرا
ورد عليه : تمام
هايف : يا ولد امش نطلع
عبدالمجيد : تونا راجعين بروح غرفتي بنام وقومني وحده
ومشى يطلع من غرفة هايف ويروح غرفته وشاف جواله يدق ورد
عبدالمجيد : هلا
داليا : ليش ماودعتني
عبدالمجيد : انتظرتك تقومين وماقمتي
داليا : وماترسل لي ليه
عبدالمجيد: قلت لأمي تقولك ما قالت لك
داليا : الا قالت لي بس ماشفت رساله منك زعلت والله
عبدالمجيد: والله ما اقدر على زعلك وش تبين من لندن
داليا : برسلك لسته غير عن رضاوتي
ضحك عبدالمجيد : ومجهزة لسته بعد كان جيتي معي افضل
داليا : كنت بقولك بس استحيت يوم قلت معك هايف وحمد
عبدالمجيد: ابشري بالي يرضيك
داليا : شوف رضاوتي ابيها غاليه علمتك وذا لقيت شي ابيه برسل لك
عبدالمجيد : الغالي يرخص لك
داليا : انتبه لنفسك ترا لندن ماهي امان
عبدالمجيد: ابشري تبين شي ثاني
داليا : لا سلامتك
وقفل منها ورما نفسه على السرير
< عند ديم و دانة يتكلمون فيس تايم >
ديم : تذكرين ويوم التيتشر تعطينا مريض
دانة : متى ذا
ديم : ترم التدريب اول مريض لي
دانة : ايه
ديم : مو انا اقولك عندي مريض شايله هم نتايج تحليله
دانة : ايه
ديم : طلع نفس ما قلت لك شكوكي فمحلها
دانة : وش فيه
ديم : داء كرابي
دانة : ياعمري كم عمره
ديم : ثمن سنوات دانة مو مستوعبة اليوم تعبت ضنيت اني تخطيت بس تذكرت اول مريض لي لو ما جاء حمد كان طول وقتي بالمستشفى
دانة : الحين انتي وش سويتي
ديم : إخذت إجازة شهرين
دانة : بتروحين الرياض ؟
ديم : مدري ودي اروح ابعد اجلس بالرياض شوي بعدين ارجع
دانة : ارجعي افضل
ديم : مدري للحين افكر وماقلت لأهلي وحمد اليوم خوفني خايف علي مره ومن اليوم يقنعني نحجز الاربعاء
دانة : والله ما الومه انا كل ما اتذكر كيف صارت حالتك يدي ترتجف
دخل حمد ديم بالغرفة رفعت راسها له
حمد : طلبت مشروب وفشار وشبس قلت نتفرج فلم شرايك
ديم : تم انت روح اختار فلم وبجي انا
ابتسم حمد : انتظرك
ديم : ابي فلم اكشن
ولفت على دانة
ديم : شوفي يحاول يغير نفسيتي
دانة : روحي يروحي انا اصلا بقفل الحين تعرفين بجهز شنطتي
ديم : شوفي اذا بجي الرياض لاتجين انا اخذ وثيقتك
دانة : خلاص ارسل لي اذا بتجين
ديم : تمام
قفلت من دانة وراحت تفتح دولابها تطلع هودي اخضر وبنطلون رصاصي فاتح ولبست ومشت لعند التسريحة ورفعت شعرها نصه ونصه تركته ونزلت عند حمد باصاله
ديم : اخترت فلم
حمد : ايه شوفي هذا
ديم : شفته ذا غير
حمد : طيب ذا
ديم : ايه ذا ما شفته
حمد : تعالي طلعي الفشار من المكرويف
وتقدمت تطلعه ديم : مقدر اسهر لين الساعة وحده وبنام
حمد : وش عندك بكرا
ديم : بروح نادي وبمر المستشفى
حمد : صحيني بروح معك لنادي
ديم : ترا اروح بدري انا
حمد : معليك انتي قومي معك الصبح عندي طقم يصلح لنادي بحلله
ديم : ليه ماتروح بالرياض
حمد : لا ما افضى ابوي وجدي طالباتهم ماتخلص وتعرفين امي ماتروح مع سواق ورافضه تسوق
ومشى يجلس بالكنبة وجبه ديم
أنت تقرأ
لا باب مسايف ولا باب مهجوج ماعاد يمدي يقفل الباب مزلاج
Short Storyديم ترفض ولد صديق جدها عشان تكمل درستها الطب والجراحة لاكن جدها يرفض ويروح ابوها يسفرها للخارج تكمل درستها هي واخوها وترجع بعد سنوات ماخذه الشهادة وتنقذ جدها من الورم
