لا باب مسايف ولا باب مهجوج ماعاد يمدي يقفل الباب مزلاج

27-

عبدالمجيد: قال بس ابي الجزء المفقود من القصة
انتبه عبدالمجيد من وضح على نورة التوتر من رجفت يدها
نورة : مافي جزء المفقود كل القصة قلتها ل هايف
عبدالمجيد: طيب اذا مافي جزء مفقود ليش توترتي
نورة : ما توترت
عبدالمجيد: طيب ليش يدك ترتجف
ناظرت يدها
عبدالمجيد: انتي متخيلة عقوبة السب والشتم واتس اب سجن لمدة سنة وغرامة لا تتجاوز عن خمس مئه الف ريال
وقفت نورة : خلاص ماتبي تاخذ قضيتي بمشي
عبدالمجيد: انا ماخذ قضية موكلي يكذب علي
نورة : ما كذبت انا
عبدالمجيد: واضح فيه جزء مفقود
شدت على يدها وتنهدت
نورة : بقول بس اهلي مايدرون
عبدالمجيد: قولي
نورة : حسابي سناب عام وكان هو ضايفني ونزلت صورتي عام بالغلط وهو كابشر عليها وطلبت منه يحذفها وهو قال بحذفها وحسبته حذفها صدق بعد مدة رجع بس مع اهله وخطبني ورفضتها بتسألني كيف جاب موقع بيتنا مدري برضو جاب رقمي وكلمني ورفضتها وعطيته بلوك وجا برقم ثاني وكلمني وجلس يهددني وغيرت رقمي بعدها بفترة اشوفه رافع قضية علي وانا ما سبيته ابد ولا ضايقته
عبدالمجيد: اهلك يدرون
نورة : لا ما يدرون عشان كذا ما قلت السالفة كلها وابوي متشدد بالمواضيع ذي
عبدالمجيد: كنت اصلا باخذ قضيتك بس حسيت في جزء مفقود وما احب اخذ شي مو بواضح لي بتبع القضية انا وهايف وبنفكر بحلول وبتربحين القضية بإذن الله وباخليه يدفع تعويض
نورة : شكرا والله أملي فيك كبير واتمنى ما تخيب ظني فيك
عبدالمجيد ان شاء الله ما اخيب ظنك وبنربح القضية ان شاء الله
نورة : انا استئذن عطيت رقمي ل هايف
عبدالمجيد: بنتواصل معك اذا صار شي جديد عن القضية قبل الجلسة
طلعت نورة من المكتب ودخل بعدها هايف
هايف : وش صار
عبدالمجيد: اخذنا القضية وقالت لي احداث ثانية
هايف : وش
وقال له كل شي قالته

بسيارة ديم جبها رولا وراها شهد و داليا وريف وسارة
رولا : ماني قادر اوقف تصوير ديم الميك اب يجنن
داليا : المره الجاية دوري
ضحكت ديم
وريف : بعدها انا
ديم : بنات شدعوا ترا ميك اب خفيف كلها بلاشر وروج بالغتو
وريف : ما بالغنا صدق حلو وخفيف
داليا : ايه كانها مو حاطه ميك اب
ديم : وين نروح
لفت وريف على داليا
وريف : نروح المجمع الي توه فاتحه
داليا : ودي اروح له من انفتح
ديم : وش اسمه
داليا : مجمع *******
مدت جوالها ل رولا
ديم : طلعي الموقع
وريف : فيه كوفي هناك تمدحه نورة
ديم : مين نورة
وريف : صحبتي
ديم : اها طلعيه عشان نروح له
رولا : يبعد ١٠ دقايق
ديم : مين الي ذوقها حلو بالاغاني
رولا : انا
داليا : لا تكفين الا رولا لا تختار
رولا : خير والله ذوقي حلو
وريف : هذي حالتي كل ما طلعنا بسيارتي يتهاوشون على من تشغل الاغاني
ديم : خلاص شرايكم اسمعكم شي
وريف : سمعينا
اخذت جوال رولا الي شابك على السيارة وشغلت اغنية ما عاد تسأل لمغنية المفضل
ضحكت داليا : لقيت احد يحب يسمع ل رابح غير عبدالمجيد
ديم : معليش الي ما يسمع ل رابح ما عنده ذوق
رفعت داليا جوالها تصور ديم وهي تغني مع رابح وارسلت ل عبدالمجيد لقيت احد غيرك يسمع ل رابح ورد عليها تفهم
دقايق وصلو المجمع وراحو للكوفي
داليا : بنات مره زحمة
وريف : خلونا نطلب ونطلع
ديم : ماعليكم شوفو المكان ذا فاضي روحو اجلسو وانا وداليا بنصف لاين
وريف : تمام
داليا : ديم هذا لو ظل يناظر بصفقه بشنطة
ديم : طنشية
داليا : خلينا نطلب ونطلع
ديم : ايه هذا الي بسويه