لا باب مسايف ولا باب مهجوج ماعاد يمدي يقفل الباب مزلاج

42-

انسدحت على رجول وريف : مافيني شي
داليا : انا اعرف وش فيها
قرصتها ديم داليا : خيررر ليه كلكم تقرصوني
ديم : لانك تقولين كلام فاضي
ضحكو البنات
ابتسمت ديم : شفيكم ؟
رولا : تو وريف قرصتها وقالت لها نفس الكلام
داليا : والله زعلتوني عليكم
جلست ديم وباست خدها
داليا : خلاص رضيت
شهد : خفيفة
دخلت ام وريف : يلا بنات الغداء
راحو البنات غرفة الطعام وجلسو وبدو ياكلون ومن سالفة لسالفة
رولا : لذيذ من وين طالبته
ديم : شريته من محل قريب من هنا
وريف : بس مره لذيذ توفقتي فيه
وقفت ديم : استأذن انا
ام وريف : وين ديم بدري
ديم : والله مشغولة باليل عندي شغل
لفت على وريف : الحمدالله على سلامتك يروحي
وقفت داليا : ديم توصليني
ديم : يلا
طلعو وركبو السيارة وحركت ديم وصلت بيت عمها وكان عبدالمجيد توه واصل ابتسم من شافها
داليا ناظرت ديم : اوهه الحب وصل
ضحكت ديم
عبدالمجيد : انتي شتبين
نزلت داليا ووقتها الباب ولفت على عبدالمجيد : بتدخل ؟
عبدالمجيد : بلحقك
لف على ديم : ياحظي شفتك مرتين
ديم : وبالليل الثالث
عبدالمجيد : ايه صح بجي انا اخذك
ديم : وابوي ؟
عبدالمجيد : معليك انا استأذن من عمي
سكتت تناظره وهو يتاملها وضحكت
عبدالمجيد : وش
ديم : بحرك
ابتعد وحركت السيارة مشى يدخل البيت
عبدالمجيد : سلام عليكم
الجميع : وعليكم السلام
ام عبدالرحمن : تعال تغد
عبدالمجيد : لا توني ماكل بنام امي قوميني الساعة سبع
دخل غرفته ورما نفسه بسريره ونام بعمق

لها فترة قايمة اخذت شور على السريع سوت شعرها بالفافات اخذت الفرشة وبدت تحط ميك اب خفيف وقفت طلعت تيشيرت ابيض وبنطلون ابيض وسيع وشنطة فضيه واكسسوارات فضيه بدلت جلست قدام التسريحة وفكت الفافات لفت من وصلتها رسالة اخذت جوالها ابتسمت من رسالة عبدالمجيد : انا تحت
وقفت لبست عبايتها واخذت شنطتها وجوالها ونزلت
حمد : وين رايحة
ديم : عبدالمجيد برا
حمد : غريبة
ديم : ياغبي بطلع معه
حمد : لا خير بطلع معكم
طلعو شافت ابوها وعبدالمجيد مع بعض
ابو سارة : انتبه عليها حطها بعيونك
عبدالمجيد : ابشر
دخل ابو سارة البيت
صارخ حمد : يبه بروح معهم
عبدالمجيد : ياولد اتركنا بطلع مع زوجتي شتبي انت
حمد : اختي قبل تصير زوجتك رجلي على رجلها
مسك ياقته عبدالمجيد : ياولد مانت رايح
حمد : بروح غصب عنك
طلع ابو سارة : حمد تعال
حمد : جاي جاي
لف على عبدالمجيد :  والله ما خليك
دخل البيت
عبدالمجيد فتح لها باب السيارة : اركبي بسرعة قبل لا يجي
ضحكت وركبت وحرك دقايق وصلو مسرح ابو بكر سالم
ديم : مره متحمسه
عبدالمجيد : لا كذا انا غرت
ضحكت ابتسم من ضحكتها ومسك يدها ودخلو المجلس وصلو لمقاعدهم وجلسو وطلع عبدالمجيد عبدالله وصرخو الجمهور بحماس وغن اول اغنية مثل ماكان وغنو ديم وعبدالمجيد معه

مثـل ما كـان باقـي داخـلـي للآن
ولا بنسـى عيونه وضحكته وقـلبه
أنـا مدمن عليه وراضـي بالإدمـان
وإلين آخـر نفس فـيني أبـي قـربه

أحبـه يـوه وقلبي لـ شـوفته شفقان

لف على ديم : ايه والله احبه
ضحكت ومسكت يده وبدت الاغنية الثانية انا من قبل اعرفك مسكت يده بقوة وناظرته

‏بالاول ظلمتك ما قريتك زين
سئت الظن بك غالطت شوف العين
عكر طيبتي ريبه ابو وجهين
شككني بنفسي وكل مخلق كان
‏فاجأني حنانك ما فهمتك خفت
اجزع يا صدوق الود منك انت
اندم كيف صديتك للحظة
وإنت اول شخص المس داخله إنسان

وهي صدق اول ما شافته سأت الظن فيه و فاجأها حنانه واهتمامه  فيها لف عليها عبدالمجيد وهو يغني

يا بعدهم كلهم .. يـا سراجي بينهم
عطني من دنياك حبك .. واترك الباقي لهم
يخذون اللي يبونه
كل هالعالم وكونه
إلا قلبك يتركونه
لا تمسه ايدهم

ردد على البارت : إلا قلبك يتركونه لا تمسه ايدهم
صرخت : اغنيتي

لو ماشفتك فذيك الليله صدفه
لوماقام اللي جنبي
والصدف جابتك جنبي والمقادير
وابتدت أول حكايتنا بمسا الخير

ابتسمت وشدت على كفه ولفت ديم للمسرح تسمع باقي الاغاني يابن الاوادم و يا غايبه و غزال ما ينصادي و اخذت القلب و قنوع  واشتغلت اخر اغنية مع سلامة

مع السلامة
مع السلامة يا حبيبي
ما الله كتب يا حبيبي
مع السلامة يا تارك بقلبي علامة
ومسحة حزن ما تداريها ابتسامة

وقفت وهي ماسكه يده وطلعو من المسرح ولف عليها عبدالمجيد : ها كيف
ديم : افضل حفلة حضرتها مره استانست
عبدالمجيد : دوم يارب
رفعت جوالها وهمست : بنتصور
رفع يده خلف ظهرها وابتسم
ديم : نصور وحده ثانية ولا ذي حلوه
عبدالمجيد : اي صورة فيها انتي تكون حلوه
ابتسمت ركبو وحرك ودقايق وصلو لمطعم
عبدالمجيد : بتذوقين الذ بيتزا بالحياه
ديم : نشوف
دخلو المطعم وهم ماسكين يد بعض جلسو وطلبو مسك كفوفها عبدالمجيد: إنتي وحدك اللي اشوفك بينهم كامله ، انتي وحدك اللي سلمت لك روحي تحركينها على كيفك
ابتسمت تشد على كفوفه

- عند عبدالمجيد تحكي القلوب -

تعالو انستا : ilexz5
لا تنسون النجمة 🌟